ماهو شعورك..؟

**ارفين** · 07-02-2001, 07:08 PM

انا اليوم وللاسف اخذة اول مخالفه مروريه...الساعه 1.25 ظهرا

وشعوري ( زفت × زفت )

ماهو شعورك انت عندما اخذت اول مخالفه مروريه...(هذا اذا كنت اخذت)

**سيلفي2065** · 07-02-2001, 08:12 PM

عادي..طنش تعش تنتعش

ابوك هاوشك؟؟

**FAS** · 07-02-2001, 08:19 PM

مثل ما قالت سيلفي

**ارفين** · 07-02-2001, 08:58 PM

لا ما هاوشني....

بس قال ليه تروح جنبهم تبيهم يمسكونك...

كان وخرت عنهم..

**snorlax** · 07-02-2001, 09:09 PM

مسكين

بس والله ضحكتني ليش تروح جنبهم؟؟

(ادري اني ملقوف )

....

**konan 1984** · 07-02-2001, 09:15 PM

والله أتوقع يكون شعوري زي شعور أي مواطن سعودي ياخد قسيمة"مخالفة"

الحمد لله ألين دحين ما اخدت أي مخالفة
هادا لأن حريف"واحد مسوي فيها ثقة"
أما إنت يا أرفين شكلك..ماش=يعني سواقتك أي كلام عشان كدا صادوك
تبغاني أعطيك دروس خصوصي في كيفية الهروب من الشرطة
أنا جاهز
_________________________________________________________
ترى أنا حريف شردة من الشرطة
"درايفر على غفلة"

_________________________________________________________
أمزح معاك لاتزعل يا..أرفين
_________________________________________________________
الظاهر إن رحلة الحياة حقتك تخربت شوية بسبب القسيمة

**ارفين** · 07-02-2001, 09:28 PM

سبب اخذي للمخالفه مو لاني غشيم..

لاني صغير عمري 15 واسوق ولا معي تصريح ولا رخصه..

( شين وقوي عين)..

**GLADIATOR__mx** · 08-02-2001, 02:15 AM

ماشاء الله عليك بهالعمر ولا تبيهم يعطونك مخالفة

لكن نصيحتي لك اظبط امورك من الأن لأنه بيجي وقت مستقبلا إذا بغيت تجدد الإستمارة بتتفاجأ بأن عندك رصيد مهوب سهل تقدر تشتري فيه أجهزة إكس بوكس و ps2 و game cube مرة وحدة لا وبيبقى فائض ، قلت لك كذا لأنها صارتلي وجعلها ماتكرر

**thejackel79** · 08-02-2001, 09:07 AM

نيااههااهاهاهاهاهاهاهاهاهاهاهاهاهاهاها
15 وتفكر تسوووك و على باااالك يا ابو الشباب
سلمات عسى مااتطول الحاله لا طلعت تصريح فكر تسوووووق (( لا تزعل ارجووك ))
المهم ايش السياره الي كنت تسوقها سنيوووور ارفين
وليش كانت المخالفه
ووووووووووووووووو

**mr_hson** · 08-02-2001, 07:08 PM

عادي بس ابوك معه حق عمرك 15 كان من المفروض انك تبعد عنه لاكن احمد ربك انها كانت مخالفه ما سحبوك للمركز
لاكن انا ما قد سويت اي مخالفه لاكن الهيئه قشوني كم مره ولا ادري وش السبب يدورون بي شوي وينزلوني و اذا سئلته ليش وش سويت قالولي اركب وبس

**ارفين** · 08-02-2001, 07:33 PM

انا اسوق من يوم كان عمري 12 في اولى متوسط...

بس كنت اروح مشاوير داخل الحاره...

ويوم صار عمري 13 صرت اخش شوارع عامه..زي طريق الملك فهد..

**سكوال** · 08-02-2001, 08:05 PM

تعرفون متى انا بديت اسوق....

والله انى مسكت السيارة لما كنت في الابتدائية....وما كنت اوصل لدواسة البنزين....عشان كذا كنت اجلس على مخدة....واقدم المرتبة لأخر مستوى...

وكان اول مشوار بعيد وعلى خط عام..وانا سقت فيه لحالى (يعني ابوي مو معي).... كنت في خامس ابتدائي....

والحمدلله ...من ذاك الوقت الي الحين..وانا بدون اي مخالفة...

**MEL C** · 08-02-2001, 08:25 PM

أوه عادييييييييييييييييييييييي
تدري أني في اليوم الواحد آخذ على الأقل مخالفتين؟

كل يوم إذا بغيت أروح للمدرسه أقطع الإشاره نفسها وتكون

جنبها دوريه كل يوم ونفس الرجال حتى أننا دائما

نسولف من كثر ماآخذ .

عادي لاتخاف متعوده دايما.

**ارفين** · 08-02-2001, 09:02 PM

يا كذاب يا ميلس...

لو انك قطعت اشاره كان ودوك للقسم ولا تطلع الى بعد يومين على ما اضن..

**مالديني2000** · 10-02-2001, 07:49 PM

هاه يا ارفين؟؟

اخبار المخالفه؟

الموضوع: ماهو شعورك..؟

أدوات الموضوع

هاهاهاهاها :)

اهاه

لا تزعل نفسك يا ارفين

ضوابط المشاركة