طريقة استخدام المكملات اللي عندي

[Ahmed559]

السلام عليكم
اخواني أنا سألت أكثر من مرة عن المكملات اللي محتاجها والحمدلله ماحد قصر معاي وأخيرا اشتريت المكملات..
البروكمليكس العادي
الواي بروتين
أوبتي مان
أمينو 4800
جاك3دي

س1/ متى استخدم أوبتي مان وأمينو 4800 وكم حبة في اليوم؟

س2/استخدام جاك3دي قبل التمرين بنصف ساعة؟ وبالنسبة اني آخذها على بطن يكون فاضي... وش المقصود يعني أكون شبعان لأني أكلت قبل بساعتين وماأحس بالجوع وقتها وبطني أحسه فاضي؟ أو أكون جوعان لما آخذها؟

س3/ البروكمليكس العادي كم سكوب آخذ؟ وبالنسبة للواي بروتين عادي المرة اللي بعد التمرين أخليها سكوبين؟والأفضل تكون حليب ولا موية اللي بعد التمرين؟

آسف على الأسئلة الكثيرة, والله يجزاكم كل خير!

[Leaner]

وعليكم السلام

بروكومبلكس : سكوب الصبح مع حليب + سكوب قبل النوم مع حليب

واي بروتين : سكوب ونص بعد التمرين مع ماء

أوبتي من : 3 حبات في اليوم ( بعد الفطور + بعد الغداء + بعد العشاء )

سوبر أمينو 4800 : 4 حبات الصبح مع جرعة البرو + 4 حبات بعد التمرين مع جرعة الواي بروتين + 4 حبات قبل النوم مع جرعة البرو

جاك3دي : قبل التمرين ب 30-45 دقيقة سكوب واحد وتقدر تزيد الجرعة بعد مايقل مفعوله معاك ولازم ع معدة خالية أي بعد وجبة التمرين بساعتين

والأفضل الواي بعد التمرين مع ماء لسرعة الامتصاص ولا تنسى تكثر من شرب الماء 4-6 لتر في اليوم

موفق

[Ahmed559]

الله يعطيك العافية كفيت ووفيت!!

[Ahmed559]

عفوا أخوي لينر سؤال أخير لو سمحت..
اليوم اللي ماأتمرن فيه ماآخذ أي شي من المكملات؟

[. الـشـمـري .]

هلا بك اخوي ,,

من بعد اذن الكابتن لينر ,,

ايام الراحه تاخذ البرو الصباح و قبل النوم فقط

الواي ,, ماتحتاجه ايام الراحه ,, بس اهتم بالتغذيه زين

الامينو ,, 4 الصباح + 4 قبل الغدا + 4 مع جرعه البرو عند النوم

الاوبتي مان ,, نفس الجرعات الموصوفه من الكبتن لينر (( 3 حبات ,, مع الفطور1 ,, مع الغدا 1 ,, مع العشاء 1 ))

الجاك 3 دي ,, ماتحتاجه ايام الراحه ,, وهو للبور فقط

يارب تستفيد من مكملاتك و نشوفك وحش الوحووش

بالتوفييييييق

[Ahmed559]

مشكور يالغلا!! =)
آمين باذن الله,,, الله يجزاك خير ويوفقك!

[Leaner]

^^ الله يعافيك

كفي ووفى أخونا الشمري ولكن بدال الجرعتين للبرو، خلها 3 جرعات أحسن عشان تغذي جسمك بالبروتين طول اليوم ( سكوب الصبح + بين الوجبات سكوب + قبل النوم سكوب )

واهم شي التغذية، ترى ماراح تستفيد من المكملات اذا تغذيتك ضعيفة، خل تكون وجباتك (5-7 وجبات)

موفق ان شاءالله

[Ahmed559]

مشكور أخوي لينر والله يجزاك خير =)

[veto100]

ماشاء الله المكملات اللي شريتها كلها ممتازة ولكن هي لاتغنيك عن التغذية ، اهم شي انك تحافظ على اكلك لا تهمله ابداً خاصة الثلاث وجبات الرئيسية ،

[Ahmed559]

كفو أخوي فيتو ونصيحتك باذن الله أمشي عليها ولا أهملها.. الله يجزاك خير