وش القصص الي معاكم دي والله تخوف ,,
انا عندي قصص بس ماصارت لي صارت لخالي طبعا هو يشوف الجن عشان في ناس الله يخليهم يشوفوالجن او يعطيهم القدره المهم :
مره كان يقولنا في عمارتهم كان في درج طبعا المهم مره نزل هوا واخته الي هيا خالتي قلها اطلعي نظفي الادوار الي فوق طبعا كان الوقت ليل يعني امكن الساعه 1 المهم طلعت وهو قاعد ينظف تحت الى فجأه طلعتلو جنيه على شكل حرمه
طبعا هو ماقدر يستوعب خلاص مو قادر يسوي شي المهم قاعده مدري اش تقله وهوا خلاص خاف على الاخر وصيح بصوت عالي على اخته ونزلت بسرعه وقلها شوفي شوفي قالت ايش قال جنيه وفنفس الوقت اختفت وطلع قعدو وقاعد يحكيم الي صار ,,
وهذي قصه ثانيه مرا هوا كان في اليمن المهم كان شويه صغير وكان نايم في سرير امو وذاك الوقت سمع صوت من تحت فاطل تحت لقي وحده تقلو تعال انا امك صدقني الولد انفجع ومسك امو الي هيا جدتي بقوه وكانت تقولو لاتهز السرير بس هوا ما كان يهز السرير وقتها كان في زلزال خفيف في اليمن وامو تحسب هوا الي يهز المهم الولد نط من السرير راح الصاله جري ولقد 5 جن قاعدين يدورو في الوسط ومري اش يقولو طبعا خلص بيموت من الخوف فا راح الغرفه الي جنب الغرفه الي كان نايم فيها وحصل نفس الحرمه الي قالاتلو انا امك تعال كانت جالس على كرسي وقالاتلو نفس الجمله تعال انا امك الحقيقيه طبعا هيا متنكره على شكل حرمه وبعدين مدري اش حصل خبصت الهرجه وراح وماكملنا والله احنا انقهرنا والى الان دائما ننسا ما نسألو اش حصل بعدين ,, طبعا هوا الى الان يشوف بس صار شي عادي بالنسبه له يعني اتعود ودايما يقلنا دوبني شوفت واحد معاكم ونحنا خايفيييييين ,,,
طبعا في قصص كمان بس والله ناسي لما اذكر راح اقلكم ,,
وهذي القصه صارتلي وانا عمري 6 تقريبا في بيتنا القديم طبعا انا كنت انام من غير ملابس << لاتفضحوني ,, وكان في بيتنا جن اصلن حتى الي قبلنا حولو من الشقه عشان كذا المهم الساعه 2 الليل كل اهلي نايمين وكانت الغرفه حقتنا كلنا يعني انا واخواني كلهم وكل واحد نايم في السرير حقو طبعا انا كنت خواف وفجأه احس شي يلمسني قلبي طاح غمضت عيني بقوه ومتغطي باللحاف وقاعد اقول اعوذ بالله واكررها شوي ماعد حسيت بشي كنت ابغا اطول ورا الي احس شي من تحت السرير ينغزني بقوه طبعا من بين الفتحات الي في السرير الي يكون حديد وانا قاعد ابكي بس ماصيحت وخايف شويه راح الا شويه واحس واحد يمسك يدي بقوه خلاص قلبي طاح ما بقيت دعاء الا وقلتو وشويه راح المهم انا خايف بس قلت لازم الف واقول بسم الله وسويتها واطول مافي اي احد وعلى طول نطيت على اخواني في سريرهم صراخ وقامو وحكيتلهم الي صار الي يقهرك يقولوك يتهيئلك -_- يعني مو حقيقه , وبعدين لما كلمت امي قالتلي هاذا عشان انتا تنام من غير ملابس هما يحب الشخص الي يكون عاري عشان كذا ,,,
وبس ,,
فقمت بسحبه وركضت باسرع ما يمكنني الى البيت 
