المشاركة الأصلية كتبت بواسطة themaddemon
اخي الفاضل انت عندك نفس المشكلة الي عندي الان ولي شهرين او اكثر معاني منها الان الحمدلله بدأت تخف احسن بكثيييييييير،،،
ان ماخاب ظني اذا وقف وبدات ترفع يدينك بالجوانب ببطيء شديد راح تحس بألم قوي يبدأ في الكتف من الامام و الجوانب و يكون قريب من الباي بعض الاحيان،،
لازم تريح 100% عشان الجسم يتعافى اسرع و يكزن التركيز على الاصابة اكثر ،، بس اذا ماشعلت عضلات الكتف راح تتفاقم الحالة و تؤدي الى مشكلة اكبر مثل تصلب الكتف او لاقدر الله عملية اصلاح للانسجة الممزقة ...عشان كده سوي التمارين الي حتشوفها هنا.
أولاً: تاخد ادوية مضادة للاتهابات بالنسبة لي انا اخد: حبتين ريلاكسون ثلاث مرات باليوم بعد الاكل+ حبة ريبيريل بعد الاكل ثلاث مرات باليوم + حبة بانادول فقط (لان الريلاكسون يحتوي على بانادول ومرخي عضلات) ثلاث مرات باليوم و احط الجل حق المساج والعضلات ثلاث مرات باليوم و كمان اخد حبوب إسمها زيفو مرتين باليوم بعد الاكل
ثانياً:
التمارين: تسوي تمارين التالية:
http://www.youtube.com/watch?v=ULA4154v5RE تسوي اقل شيء ثلاثين عده بشكل دائرة مع عقارب الساعة وثلاثين عكسها وثلاثين أمامي وثلاثين جوانب ،، مع اعلم ان العضلات تكون مسترخية قدر الامكان وتكون زي المرجيحة و ممكن تمسك بيدك علبة فول مثلاً عشان تزيد المرجحة و كل شويا زيد مسافة الحركة =.
التمرين الثاني تنسدح على ظهرك و تخلي رجولك على الارض و تجيب عصاية وترفعها قدام صدرك زي تمرين البار حق الصدر وتكون المسكة بمحاذات الكتف ،، تبدأ بأن العصاية او البار قدام صدرك وتنزل على الخلف الي ان تنزل العصا خلف راسك ويدك ممدودة و ترجع ثاني الى محاذات الصدر تسوي اقل شيء 15عدة وتزيد بالتدريج الى 30عده وبعدين تضيف وزن عليها خفيف وتبدأ 15عده وادرج الى 30عده.
التمرين الثالث: تنسدح على ظهرك وتخلي اياديك تحت راسك كأنك تبغى تسوي تمرين بطن ,,, وتبدأ ترفرف الكترف المصاب ببطأ ثلاثين عده.
التمرين الرابع: وانت قاعد او واقف تمد يديك للجانبين بمحاذات الارض وبعدين تثني يديك للكتوف بحيث اليد اليمنى تمس اعلى الكتب الايمن ونفس الشيء الايسر وتبدأ تسوي دوائر 30حركة اذا تقدر او 15حركة على الاقل للدائرة للخلف و15 ا الى 30 للداوائر للأمام.
الخامس والاخير: تنسدح على ظهرك اياديك ممدودة ارفع السواعد كأنك بتسوي يدك على شكل ساطور (هههه والله ماني عارف اوصف الا كذا) وبقية الذراع تكون مستوية وتنزل الى الاسفل وترجع للوضعية الاساسية و ترفعها لاعلى ناحية الراس وترجع مره ثانية 15 الى 30عده تقريباً شبه التمرين الاول في هذا الرابط بس تكون وانت نايم على ظهرك والكف يكون زي السكين
http://www.youtube.com/watch?v=cof1w2x8zIU
ثالثاً: بعد التمارين مباشرةً تسوي كمادات ثلج لمدة 10دقايق على الاقل الى 20دقيقة.
وهام جداً استخدام الكمادات الباردة خمس مرات باليوم لمدة 5دقائق في كل مره ،،،
الاسبوع الي بعده تبدل الكمادات الباردة بالكمادات الحارة.
الاسبوع الثالث: تستخدم كمادات حارة وكمادات بارده في نفس ايوم.
ان شاء الله الاسبوع الرابع ماتحتاج......
لاكن يجب ملاحظة بأن الانسجة المصابة بعد ما تتعافى تكون في حالة ضعف ومايمديك ترجع اوزان ثقيلة من اول اسبوع او اثنين عشان لاتسببلك تمزق جامد وتليف وبعدين عملية لاسمح الله.....
ان شاء الله يكون فهمت التمارين تمام وان شاء الله بكره اجيب الصور و اعملها سكان و ارسلها لك مع تمارن الاستطالة الخاصة الي تسويها ثلاث مرات باليوم اقل شيء
مادا قال لي الطبيب
رد: مادا قال لي الطبيب
