ابي احسن من مظهر جسمي .. ساعدوني ارجوكم

[hamoodh]

السلام عليكم ورحمة الله وبركاته

أنا وزني 68
وطولي 174
وعمري 22 سنة

العب كورة بس بفترات متباعدة جدا

ليس عندي نظام غذائي امشي عليه .. يعني ماشي على البركة وبدون تفكير

احس ان في دهون كثير في الارداف والفخوذ

ابي اخلي جسمي زي اللي بالصور










شو الطريقة

ارجوكم ساعدوني

[يوسف404]

كم نسبة الدهون في جسمك

[hamoodh]

لا اعلم

كيف اعرف نسبة الدهون

[THh Rock]

في جهاز بالمولات والصيدليات يقيس الفات واشياء اخى بـ 10 ريال

[hamshik]

السلام عيلكم
كيف احسب نسبة الدهون مااعرف يااخي؟_

[THh Rock]

في اجهزه كثيره
وهذا الجهاز نفس الي عندنا بالنادي

وهذا الي يكون في السوبر ماركت والمولات

[hamoodh]

حاولت أحسب نسبة الدهون من هالموقع

http://www.mshtawy.com/misc-misc_04.html

فطلعت نسبة الدهون 22 %

وقال لي (( هذا هو الوزن السليم فحافظ عليه ))

فما رأيكم انتو

[THh Rock]

هذا الوزن الطبيعي للشخص العادي الي ما يمارس الرياضه ..........

[hamoodh]

طيب ابي احسن جسمي وابي عضلة الصدر تطلع وعضلات البطن

ما الطريقة السليمة لعمل ذلك

انا راح ادخل نادي

بس رحت نادي كمال اجسام يقول لي لازم في البداية تأخذ شهر أو شهر ونصف شامل

انا ما ابي شامل ابي تمارين لعضلة الصدر والبطن

وهل لازم في البداية اخذ تمارين لياقية وبعدها ادخل حديد

وشكرا

[ابو مهاا]

عزيزي النسبه عندك للشخص العادي اما لاعب الحديد قصه ثانيه لازم يكون جسمه بحدود 10%
وبخصوص انك تتمرن صدر ومعده فقط هذا غلط الجسم لازم تلعبه كامل
واتبع تعليمات الكابتن بخصوص التمارين وبالتوفيق

[Heartbeat]

وعليكم السلام

اخوي اذا تبي جسمك نفس اللي بالصور اذا سجلت بالنادي اهتم بي تمارين اللياقه مثل السويدي والسباحه وتمارين الكارديو
مثل المشي والدراجه ونط الحبل والخ ..

النادي اكيد راح يكون فيه حصص او اوقات معينه للسويدي اول شهر العب سويدي واثناء السويدي لابد يكون في تمارين للبطن
والصدر من ضمن التمارين الاخرى طبعا

بعد الشهر تقدر تلعب حديد ولكن اوزان خفيفه وتكرارات كثيره مثل 15 20
طبعا بما انك تبي جسم fitness فيت نيس
استمر على نفس التكرارات

انت طبعا لو كان هدفك فقط صدر وبطن بسيطه تقدر تلعب صدر وبطن لكن المشكله عدم التوازن بالجسم
لما يكون عندك عضلة صدر فقط ولا يوجد عضلات اخرى
وايضا بعض العضلات تساعد في تمرين الصدر عندك الاكتاف والباي والساعد يجب تمرين هذي العضلات عشان تقدر تساعدك على همل الاوزان
يعني العضلات كلها مكمله لبعض
طبعا الجسم اللي انت تبيه ركز على اللياقه فيه اما الحديد 3 ايام بالاسبوع كافي
اما بخصوص البطن عادي تقدر تلعبها بالبيت او في اي وقت ولكن انصح بعدم تمرينها بشكل يومي

واذا في اي استفسار حياك في اي وقت الشباب مايقصرون

تحياتي لك

[hamoodh]

يعني معنى كلامك .. إني ادخل نادي تمارين لياقية وسويدية
و3 أيام في الاسبوع امر على الحديد ؟؟ صح

وشكرا على الرد الجميل

[Heartbeat]

يعني معنى كلامك .. إني ادخل نادي تمارين لياقية وسويدية
و3 أيام في الاسبوع امر على الحديد ؟؟ صح

وشكرا على الرد الجميل

نعم اخوي تقدر تلعب يوم حديد ويوم سويدي اذا كنت لاتريد ضخامه عضليه