كيف تطفر استاذك؟

[uaegirl]

هلا والله بالجميع
انا ادري ان كل واحد منكم يكره استاذه ووده يسوي اي شي يغيظه
صح ولا لاااااااااااااااااااااااااااا
لها السبب انا بعطيكم شوية نصائح لغث المدرس
بس انا مو مسؤولة عن اي اضرار جسدية او مادية
موافقييييييييييييييييييييييييييييييييييييييييييييييييييييين

كيف تطفر الاستاذ؟
1_احرص على قدومك متاخر دوما في حصته واذا سالك عن سبب التاخير
قول له:كنت عند المدير
2_ادخل ولا تستاذن واذا قال لك ارجع واستاذن قول له المرة الياية ان شاء الله
3_حل الواجبات في حصته
4_لازم تكون تاكل علوج 24 ساعة في الحصة
5_ لا تحل الواجبات واذا سالك عن السبب قول له :بس كيفي
6_ احضر معك مفرقعات و ولعها في الصف(يستحسن تكون مخييس)
7_في نص الحصة قول له ابي اروح الحمام ولاترجع
8_واذا دخل الاستاذ الصف استهبل و سو نفسك مو شايفه
9_اذا كان عليكم امتحان قول للاستاذ :انا ما ادري انه علي امتحان واذا اجله لك لاتطفره ..................حرام
10_ وكلما يقول الاستاذ شي قول ليش....مثال:يعني اذا الاستاذ قال افتحوا الكتب قول له:ليش ؟؟؟؟اكيد هو بيجاوبك وبيقول لك علشان ندرس وانت بعد قول ليش؟؟؟؟............الخ
11_اذا صار شي ترا مو على مسؤوليتي
12_لا يكون واحد منكم يسوي جذي
والسموحة


اشرايكم انا في انتظار ردودكم

[قاضي المنتدى]

تعرف اش بيرد عليك تبيني اقلك

[BatiGold]

احسن شي أنام وقت ارياضيات زي عادتي

[قاضي المنتدى]

ابي قلك اما انا واما انت بالمدرسه ؟؟؟ اذا قال هاذا الكلام عند المدير اش بيحصلك طبعا بيعطونك بوز مع باب المدرسه

[شجـون]

مستحيل......ولا طريقه تنفع.......انا إذا قلت لمعلمتي جذي أولاً بخسر احترامي في المدرسه......وبعدين بكون في نظر الجميع قليلة أدب........واتعرفين لو حد نفذ طريقه وحده من الطرق..........راح يتعاملون معاه كلآتي:
1ـ اكتب تعهد اني ما راح اعيدها مره ثانيه...
2ـ راح يعطوني إنذار إذا كررتها مره ثانيه
3ـ راح يطردوني المره الثالثه

[ابتسامــــــه]

اتمنـــــــــــــــــى انك ما تكون


متعامل مع احد المدرسين بهذي الطريقه

[acer2]

احنا في الكويت

اذا قلت حق اي مدرس

انا كنت عن الناظر انا كنت عند المدرس الفلاني


يقولي روح ييب ورقه اهو موقع عليها وكاتب انك كنت قاعد عنده وبعدين ادخلك الصف

[yasser 2002]

كتب العضو (uaegirl)

6_ احضر معك مفرقعات و ولعها في الصف(يستحسن تكون مخييس)

نحن لو سوينا المفرقعات في الصف بالمرة ينادوا الشرطة

[ليالي الشوق]

مراحب
صراحه هدى الأشياء جديمه بالنسبه للحوالينا نحنا شفنا اكثر

[زهرة الليلك]

لا لا لا لا
مايصير كذا
ايش يقول الشاعر
قم للمعلم ووفه التبجيلا كاد المعلم ان يكون رسولا
ويقلوووون
من علمني حرفا صرت له عبدا
":" ":"
---------------من هنا لاحد يقرا------------
بس تدرين احسن طريقه لتطفير الاساتذه اذا خلصت شرح الدرس قولي مافهمت
<<<<<<<خربتها

[@المحب@]

يا شبااااااااااااب شوفولي حل الاستاذ طفرني قبل ما اطفره راح يستدعي ولي امري و راح قال للمدير و اصحابي الخاينين فتونوا عليهههه

تكفوووووووووووووووووووووووووووووووووووووووووووووووووووووون
شوفولي حل




بسررررررررررررررررررررررررعه لا تتأخرون صار هذه الكلام يوم الثلاثاء
15/11/1422 هـ

[uaegirl]

يا جماعة انا ما قصدت من الموضوع الا الغشمرة والوناسة مو انكم تطبقونه لاني بصراحة انسانه متفوقة والمدرسات يحبوني مثل ما احبهم

[sweet revenge]

كتب العضو (زهرة الليلك)
لا لا لا لا
مايصير كذا
ايش يقول الشاعر
قم للمعلم ووفه التبجيلا كاد المعلم ان يكون رسولا
ويقلوووون
من علمني حرفا صرت له عبدا
":" ":"
---------------من هنا لاحد يقرا------------
بس تدرين احسن طريقه لتطفير الاساتذه اذا خلصت شرح الدرس قولي مافهمت
<<<<<<<خربتها

عاد فلحتي تعيد المدرسه الشرح من اول .... والله ان اللي معاج في الصف يلعنون خيرج....

[تركي]

لا أنا الحمدلله محبوب من جميع المدرسين ولا ودي أزعل أحد لأن ذلك ينعكس علي............ وبعدين كل الطرق التي ذكرتيها لتطفير المعلم ما يفعلها الآن غير الأطفال.