البنج عالي جداً

[صلاح9]

السلام عليكم..

بالباتش الاخير الشركه المعفنه غيرت طريقه ارسال المعلومات بين اللعبه عند اللاعبين وبين الشركه!! بسبب هذا التغيير، كثير من الشركات تبطئ ارسال المعلومات على اساس انها ملفات تورنت

المشكله هذي عندي الان بامريكا والبنج فوق 1000 طول الوقت!! في واحد امريكي قالي استخدم برنامج اسمه wowtunnels ولكن بفلوس! المهم انا استخدمه فتره تجريبيه والبنج الان 50!!!!

في احد يعرف برنامج يشبه هذا البرنامج ولكن ببلاش؟ وشكراً

[naxxer]

انا سمعت انه فيه برنامج مجاني لكن هذا الكلام من فتره طويلة جدا و ما اذكر اسمه للاسف اتمنى من الشباب يفيدونك فيه ..

عموما انا استخدم wtfast اشتراكه بسيط و في شباب يستخدمون lower ping .. لكن اثنينهم بفلوس

بس انا استغربت من قولتك انه الشركة غيرت نوعية الارسال الى التورنت ! لانه في الخليج او في الكويت تحديدا مافي اي تغير بالنسبة للبنج و اذا كان هذا التغيير حصل المفروض انه يكون من مصلحتنا لانه سيرفرات الشركات بالكويت ضعيفة و التحول للتورنت او p2p راح يكون افضل بكثير

[صلاح9]

الشركه ماغيرت نوعيه الارسال الى التورنت.. بس شركات الانترنت تتعامل مع المعلومات بشكل معين.. بعضها يمشي بسرعه وبعضها ببطئ.. التورنت هو ابطئ شئ!!
فإذا شركة الانترنت اعتبرت معلومات اللعبه على انها اساس تورنت.. فراح يبطئ وراح اللاق يمشي مليون باللعبه

[الســـعودي 2007]

اخوي انا عن نفسي كنت اشتكي من الاق ما بين 500-300 لكن ولله الحمد طحت لي على موضوع احد الشباب هنا بالمنتدى من رابط الادمن بحصر الشروحات المميزة وكان من ضمن الشروحات خفض البنج بدون برامج ولا شي فقط تغيير بالريجستري وجربته وفعلا الان الاق 190 -120 ولله الحمد ..


رابط الموضوع

http://www.montada.com/showthread.php?t=567892

[صلاح9]

مشكور على الرد.. الحين قاعد اقرا الموضوع

[Warchif]

أخوي صلاح (دكتور مجنون سابقا)

خش الرابط هنا وحمل البرنامج وشغله بالجهاز واختار تفعيله ومن ثم راح يطلب منك ريستارت للجهاز
البرنامج عبارة عن امر تنفيذي لتعديل قيم في الريجستري وان شاء الله يعدل لك البنج
لو عندك سرعة اتصال عاليه راح تفيدك برضه ان شاء الله

تحياتي