معاناتي من الأطفال ••

[Dark Heather]

السلام عليكم

• • • •

انا اليوم بكشف لكم حقيقة الأطفال..
دائما يجون لكم ويقولون الاطفال ملائكة..
ويعني معاها انواع الاوصاف البريئة والجميلة خخخخخخ ..

ليش يكذبون علينا ..

ليش ما يقولون لنا حقيقة الاطفال انهم اصلا عفاريت صغيرة ..

محد يعرف الاطفال كثري انا صارلي فترة عانيت من الاطفال
انا بكيت بسبتهم >> هذا صار فلم هندي
تخيله وش كبري واطفال عذبه فيني وخلوني اكره لحظات حياتي خخخ ..

طبعا بهذا الموضوع نبي نسرد قصصنا المرعبة مع الاطفال..

• • • •

لما رحت عند عمتي وشفت عيالها
انا مسكينه على بالي ملائكة مثل ما يقولون خخخ
تخيله الاولاد الصغار بهذله فيني بهذله ولا عمري شفتها بحياتي..

والله حسيت للحظات انهم زومبي >> قلبنا ريزدنت ايفل على غفله
والله تخيله ان الدم طلع من ايدي وانا احاول اقاوم بس مافي فايده
والادهى اني كنت مستحيه اضربهم عشان خاطر عمتي

وانا من القهر قعدت اسب واقول هذول مو مربين..
المهم البنات الي حولي قاله ليش تقولي عليهم مو مربين
كذا تسبين اهاليهم انا تفشلت الصراحة خخخخخ

>> تخيله كل هذا يطلع من اطفال صغار هههههه

استنتاجاتي:

اكتشفت ان بعض الاطفال اصلا شيطان صغير
بالذات اذا كانه اولاد .. لانه البنت اهون
واكتشفت اني انا اتذيت بس من الاولاد مو من البنات والبنات ما يخصهم بريئات
ويا حليلهم ما يخصنهن بشي والدليل انه البنت تقعد قاعده في البيت
ولا تطلع ولا تروح مكان اما الولد تراكض وراه من مكان الى مكان
على شان ما يسوي مشاكل

• • والله وطلعتم بريئات يا البنات هع • •

اتمنى تسردون انتم كمان مواقفكم المرعبة عن الاطفال >> قلبنا فيلم رعب

[نعومة الأحساس]

عجبتني فكره الموضوع
ان شاء القى شي اكتبه عن الأطفال

[رذاذ المطـ،،ـر]

حلو الموضوع ، تسلمي
بس تري مو كل الاطفال شياطين و عفاريت
يعني في اطفال من نوع الزومبي و الفيم بير

[misty hestory]

مشكوره أختي على الموضوع والله جبتيها على الجرح
لكن انا مو معك على البنات ترى فيهم نذاله وازعاج اكثر من الاولاد
اصواتهم مزعجه خصوصا اذا يصيحون بدلع ... أصدع ما اتحمل @@
ااااه وش اقولووش اخلي ,, لو بتكلم من هنا لا بكره ما أقدر أوفيهم حقهم XD
ما يعجبوني الا توهم مولودين لسه باللفه هم اللي ينقال عنهم ملائكه صغار.... لحد ما يصيرون يمشون بعدها تمشي شياطينهم معهم

[.:Passion:.]

الموضوع حـــلـــــو كثير بس اكثر شي مزعج في الاطفال اذا بكو هع
شـــــــكـــــــــراً على المجهود

[miss rebecca]

مشكوره dark heather على الموضوع

صراحه انا مثلك اكره الأطفال جدا جدا جدا مزعجين بطريقة فضيييعه

صراحه كلهم عفاريت سواء اولاد ولا بنات

اخيرا لقيت احد يشاركني هالشعور

وبالأخير يوقفون مع الطفل واحنا اللي نصير غلطانين هههههههههههه

[yami vergil]

اااااااااه يا هذوره نفس ماقلتي اليهال شياطين صغيره >_>

انا ماعندي قصه في بالي بس عمتي يوم كانت صغيره
كانت بجر امها وابوها فكانوا وايد مدلعينها
الفرق بيني وبينها 8 سنين واحنا انا واراشي وولد عمتي
مانبيها تقعد ويانا .. فرق السن كبير تضحكني لما تقول لنا عمتي لعبوا معاها

المهم النذله يوم كانت صغيره تجي تنطط عندنا واحنا مانعطيها وجه لما تطيح على وجهها
تروح تقول حق ابوها وامها ان احنا ضربناها !! ههههههههه وتصيح بطريقه
تخرررررررع وتحرك راسها مثل الميانيين @@ بس عشان يصدقونها
وعقب يجون يهاوشونا

الله يسلمج عشان انا واراشي نفرغ حرتنا كنا نرسم رسومات كريكاتير ان احنا نضرب عمتي وزوجها
هههههههههههه والله للحين محتفظه فيهم XD

[Arashi]

اااااااخ ياهذور لو تعرفين معاناتي مع اليهال >_>
مب عفاريت بس..حتى العفاريت تخاف منهم @@

عيال عماتي وعمامي مره ياو بيتنا وانا يامي وراهم مطارده

كسروا لنا الخشب اللي محوط الزرع (مال الزينه)
خربوا لنا النافوره
خربوا جوتي التواير مالي Y-Y
كتوا قهوه على الزوليه

كل هذا في زياره وحده
وحوش >_<

[Anxious Soul]

نبذه صغيره عن اطفالي اخواني واخواتي ... اطفال اخوي بيرفكت ما شالله عليهم واطفال اختي الكبيره ينرفزونك ويفورون دمك ويرتفع ظغطك وما تقدر تصيدهم لخفتهم وسرعتهم واطفال اختي الصغيره كبار الحجم وشياطين درجه اولى مه مرتبه الشرف وينكتون ويضحكون ولكن اذا لحقت واحد ابي اطقه يوقف بويهي شكله يبي يطلعلي راس براس @@ بصراحه انا قمت ما الحقهم ... واكبرهم قالولي انه صار بكبر امه الله يعين اختي

والله مشتاقلهم حيل بس شطانتهم لها ذكريات جميله ... ما راح اذكر مواقف لاني طولت عليكم

ثانكس عالموضوع