داخل على الله ثم عليكم ماني قادر اتحمل شكل جسمي ( مرفق صورة )
السلام عليكم اخواني الكرام
انتم املي بعد الله في الحصول على جسم متناسق ونظام غذائي وطريقة تمارين
انا ياخواني جاني مرض قبل 10 سنين تقريبا في الدم عن طريق مستشفى وطاح وزني من 92 الى 68
وانا في الثانوية واترهل جسمي بطريقة مؤلمة ومخيفة ماصرت اقدر افسخ الفلينة او ملابسي قدام احد من كثر الاحراج
وحطيت حرتي في الاكل لين صار وزني في الثمانينات يطلع وينزل بين 82 و 75 وكل مايزيد الترهل ارجع اكل انفخ جسمي ..
والان عندي ترهل في منطقة الصدر والبطن والجوانب والظهر والارداف ماعدا اليدين والساقين ..والوجه
وشكلي مقرف حاولت اسوي رياضة او العب حديد بس ماقدرت بسبب عملي وسفري اللي يوصل لمدة 20 يوم في الشهر ماقدر ادخل نادي وادا جيت من السفر اكون تعبان اكل وانام وحياتي على هذا الحال ..
طولي 174 ووزني حاليا ً 81 ونسبة الفات في الجسم 26% والعضلات مو فاكر بس تحت النورمال بكثير
ولكن شديت على نفسي وسجلت في نادي بس من كثر ماقرأ في منتداكم وثقت فيكم وكلي امل فيكم بعد الله تعطوني النصايح والارشادات
اتسخدمت لايبو 6 بلاك جبتو من امريكا الغير محتوي على الجيلاتين لمدة 4 ايام بالطريقة الصحيحة بس جابلي دوخة ورعشة لما اكون نايم على الرغم من انو يعطيني نشاط رهيب ويشيل الخمول بس وقفته خفت منه ..
والان ليا اسبوع كل يوم الصباح اعطيها نص ساعة مشي على السير والدراجة وسباحة بس متأكد اني مراح استفيد بدون نظام غذائي علما ً بأني اشيش وماعندي لياقة ونفسي يروح بسرعة ..
الصورة مرفقة
تكفة لاتردوني وماعندي مانع استخدم اي شي طالما مايأثر على الصحة سواء هيدروكسي كت ولا انيمال كت ولا امينو ولا اي شي تشوفوه ..
منتظر ارائكم ., علما ً بأني مسجل في نادي بجدة لمدة 6 اشهر وعندي عزيمة واصرار شديد بس ابغاكم توجهوني ..
