السلام عليكم و رحمة الله وبركاته
هل آن الأوان لأبي الهول الساكن أن يتحرك ؟؟ هل آن لذلك الصمت المطبق أن يصرخ يزلزل الأرض وأن يتدفق؟؟ معا نشهد على ثورة مصر وأهلها ..
اللهم كن معهم وثبتهم
اصحا يا مصري
اصحا يا مصري وشوف أوطانكْ
أرضك بيتك شوف إخوانكْ
نفضوا غبار الذلّ عشانكْ
ماتوا .. ولسه بتبكي مكانكْ ؟!
صوتك همسك غير مسموعْ
راية الظلم شعار مرفوعْ
مسلم دينك ولا يسوعْ
نصحا نموت مش ده الموضوعْ
هو وقوفك على سجادةْ
سبحة وكلمة دي تبقى عبادةْ
عايز رضا ربنا بزيادةْ
اخرج واطلب مرّة شهادةْ
نشجب نرفض بس كلامْ
هو دا دورنا مع الأيامْ
ليه تسيب أهلك وسط حطامْ
دبحوا ولادنا وقلنا : تمامْ
فين عزّتي فينك يا بلادي
عمّال باصرخ فيكي وأنادي
ثوري بعزّة يا أرض الوادي
زي ما ثارت فيكي أجدادي
اصحا يا مصري قبل مماتكْ
بجهادك هاتحقق ذاتكْ
أرضك عِرضك نبض حياتكْ
سايل فيها دمّ اخواتكْ
إمتى هاتصحا وتغسل عاركْ
في بلاد فيها أخوك أو جارك
ليه بسكوتك تجني دماركْ
نصر شهادة هوّه شعاركْ
مع تحياااتي إلى كل عربي غيور ثائر
المشاركة الأصلية كتبت بواسطة HOBAKWAGAA
