أحلى معجنات لأحلى بنات
المقادير
5 كاسات طحين كويت (يفضل)
2 كاس ماء ( ولا تعبونهم لافوق خلو أشوي )
نصف كاس زيت
ملعقه لكل من خميرة فوريه وبكينج بودر
فنجان(مال القهوة) لكل من
السكر وحليب بودرة
الطريقه
تحطين السكر والحليب والخميرة وال(b.b) والزيت والماء في العجانه
وإذا انخلطوا حطي الطحين كاس كاس وعجنيها
إذا عندج مايكرويف سخنيها فيه لمدة 30 ثانيه بس ( ثانية مو دقيقه) وعجنيها بيدج وحطيها في محفظه و خليها في مكان دافي لين تختمر
الحشو : أي شي تراها لجميع الأستخدامات تبين جبن ولا زعتر ولا لحم حتى سمك
بعطيكم طريقة بيتزا السويسرول
نفس العجينه أعلاه
حمسة دجاج ( كامله من مجميعه)
زيتون شرائح بنوعيه (حسب الرغبه )
جبن شيدار المراعي ( إلي يفتحونه بالقراط) أو أي جبن مضغوط في عليه مثل كرافت
أخذي قطعه من العجينه ورقيها وقصيها على شكل مستطيل أو مربع
أخذي من حمسة الدجاج وحطيها والزيتون وآخر شي الجبنه
الحين لفي العجينه بالأتجاه المعاكس لك
قد 3 لفات وقصي الباقي (بكيفك)
وحطيها في الصينيه ولا تنسون تدهنون الوجه بالبيض أو الحليب
وحطيها على درجة حرارة 350 (إلي عندها فرن كهربائي)
إلي عندها غاز تتصرف بمعرفتها
وبالهناء والعافيه
تحيات:وردة
تعرفين لية لنة الأولاد مالهم رب ولا.... انا هم طباخ واتحدك انتي شخصياً 
