ايها افضل الأجهزة ام الحر ؟

[طاير]

السلام عليكم

لي تقريبا 5 شهور اتمرن .. دخلت النادي وانا نحيف مره ومازلت
طولي 173
كان وزني لما دخلت 52
الحين 60
الدهون للحين مادري .. بعمل فحص بالمستشفى وبشوف كم , النادي ماعندهم جهاز
استعمل سيريس ماس فقط
مشكلتي ماقدر اشيل اوزان مثلا
بار و دنابل مستوي للصدر .. اشيل 10كيلو , 10 كيلو , 15 كيلو وبمساعده

بار اكتاف ودنابل ايضا زيها

اشرايكم يا كباتن .. اقدر العاب علىالاجهزه ؟ احس اني اركز افضل لأن الحر يتحرك واحس انه مايصلح لي الحين
مع العلم اني 5 شهور بالنادي والاوزان ما تعطيني حماس

الاجهزة تغني عن الحر بحالتي ؟ ومثل ما قلت لكم احس اني اركز اكثر

وبانتظار شوركم

[Romaweee]

كلاهما مهم ويجب التنويع بينهم
لكن يظل الحر هو الأساس

[Broken Sword]

الحر افضل..

روني كولمان وش الي خلاه ياخذ مستر اولمبيا 8 مرات ؟
لانه يتمرن اوزان حرة..

انا يخوي نفس مشكلتك اوزاني غبية شوي بس يبيلها شغل..

[THh Rock]

الحر افضل
لكن للي عنده اصابه او مبتـــدأ الجهاز افضل له

[طاير]

كلكم اجمعتوا ان الحر افضل

لكن .... مع حالتي .. اوزان غبيه ( على قول Broken Sword )

ارتاح مع الاجهزة ... اذا كان فيها مشكله ؟ او اركز على الحر وامري لله ؟ مع اني ماني مرتاح له بالتركيز ..
احس اني استفيد اكثر مع الاجهزة

بانتظار رأيكم على شان اعتمده

[THh Rock]

اخوي توكل على الله وركز على الاجهزه
ترى والله كل الابطال والمدربين يتمرنون على الجهاز اكثر في الضخامه ولا جا وقت التنشيف على الحر علشان يكون فيه كنترول اكثرر في الوزن الخفيف

[scaryface]

الحر افضل
لكن للي عنده اصابه او مبتـــدأ الجهاز افضل له

اتفق معاك 100% يا كبتن احمد

كلكم اجمعتوا ان الحر افضل

لكن .... مع حالتي .. اوزان غبيه ( على قول Broken Sword )

ارتاح مع الاجهزة ... اذا كان فيها مشكله ؟ او اركز على الحر وامري لله ؟ مع اني ماني مرتاح له بالتركيز ..
احس اني استفيد اكثر مع الاجهزة

بانتظار رأيكم على شان اعتمده

ترتاح معا الاجهزة لانها اسهل وما تحتاج مجهود مثل الحر ... لانك بالحر تحرك عدة عضلات وهذا الافضل وهو الطبيعي لانه الانسان متعود يحرك عدة عضلات عند حمل الاثقال او الحركة وكل ما زادت نسبة العضلات المتحركة في التمرين (مثل السكوات) كانت نتايجك افضل وزيادة بالقوة .. ولا تنسى انك بالحر تشغل عضلات ثانية وهي العضلات المثبته واما بالمكينة هذي الامور ما تحصل او تحصل لكنها ضعيفة.

بالتوفيق

[طاير]

THh Rock
شورك وهداية الله
بتمرن على الجهاز ومن فتره لفتره العب حر
شكرا لك انت وجميع الاخوان اللي ما قصروا

[طاير]

scaryface
توني شفت ردك
ادري ان الحر يشغل عضلات ثانيه والجهاز يشغل فقط العضلة المستهدفه
لكن لاتنسى اني بمرن عضله انا مستهدفها اما العضله الاخرى فاكيد لها يومها
انا ما ارتاح مع الاجهزة لأنها اسهل ... بالعكس احط اوزان حلوه مره فيها .... واتعب نفسي فيها ... المشكله بالحر ان الاوزان صغيره ومافيها تركيز
طبعا بالنسبة لي انا
وما قصرت على نصيحتك

[وحيد المشاعر]

السلام عليكم

يعطيك العافيه

احب اقولك انا كنت مثلك بالحر اوزاني مرة غبية يعني اكثر شي 20 باوند واموت منها واشوف غيري يحط اوزان اكثر مني بكثير

لكن مع الممارسة واني اتعود عليه صرت الحمدلله تتحسن الاوزان واشيل اكثر واكثر

فهي مسالة انك تتعود ع الحر لما تحس انك قادر عليه

وبالتوفيق

[goo baby]

الحر افضل للاعب المتقدم
اما المبتدء فعليه بالاجهزه وبعد 3 ال4 شهور خل ينتقل الى البار
وفي مواضيع كثيره في قسم المواضيع المميزه تتحدث عن الحر
وانا عنفسي واحد حر الى الابد وحتا في النادي
ههههههههههه

[abusamara]

العب تحمل وبتكسر حاجز الوزن