استفسار عن الدب الروسي

[RoOBin HooD]

السلام عليكم ورحمة الله وبركاته

انا سمعت ان الدب الروسي قوي ونتايجه سريعة

ومحتار بينه وبين الجينرز

الكل نصحني بواحد من الاثنين والبعض يقول ان الدب الروسي فيه نسبة هرمون وهذا سبب قوته

ابي استفسر منكم عن صحة المعلومة واطلب من اصحاب الخبرة يقترحون علي كورس يفيد حالتي لأني نواي اشتري باذن الله




مع العلم يااخوان ان وزني ناقص

الطول 178

الوزن 64

ماعندي لا كرش ولا ارداف والحمد لله

[Heartbeat]

وعليكم السلام ورحمة الله وبركاتة

اخوي كم صارلك تلعب حديد

[RoOBin HooD]

تقريباً خمس اسابيع ياطيب

اشتركت بنادي وتركته وشريت لي جهازين ودنابل والبار هاليومين ان شاء الله بيجي

[Heartbeat]

اها بالتوفيق ان شاء الله بس اخوي انت كملهم ثلاث شهور وبعدها ادخل كورس مكملات
لاتستعجل او على الاقل كملهم شهرين وبعدها ادخل الكورس التالي:

سيريس ماس + سل تك + امينو تك + اوبتي مين

[RoOBin HooD]

تصدق اخوي انا سامع الكلام هذا انه لازم اكمل شهرين حديد باكل طبيعي وبعدين ادخل مكملات

بس يوم سألت السبب ماحد رضى يقول لي لكن بعضهم يقول بعدين تفقد بسرعة وترهل

والكورس اخوي اش فايدته لحالتي

يعني افضل من الدب الروسي والجينرز لن انت اول واحد يعطيني الاسماء هذي


والله يجزاك خير على طيبة اخلاقك وسعة صدرك

[Heartbeat]

اخوي السيرياس ماس جينر اما ليش تنتظر شهرين عشان تهيئ جسمك على قبول المكملات لأنك على طول مكملات مايستفيد جسمك منها
اول شي لازم تحرك العضلات فتره وتهيئها لقبول المكملات عشان تمتص المكملات

[absolutely]

ما ازيد على كلام اخوي سبورتس مان
كفى ووفى ماشاء الله
لكن اخوي الدب الروسي مافيه هــــــرمون
اللي فيه محفــز هـرمون
وفيه فرق بين المحفز وبين الهرمون

[RoOBin HooD]

الله يعطيكم العافية اخواني والله ماقصرتوا جزاكم الله خير

انا دايم شعاري (لا تصطاد لي سمكة ولكن علمني كيف اصطاد)


تحملوني شوي

خلصنا ماباقي الا شغلة ابي اعرفها وخلاص

واش السل تك ؟؟

وانصحوني بشركة ممتازة لهذا المنتج

[absolutely]

لا عادي يابطل
بس لو لفيت كذا بالمنتدى وجلست تقراء كان افضل لك
عشان تتعلم وتقراء وتشوف تجارب الشباب والاستنتاج ويكون عندك خبرة ع الاقل
وتكون ماتحتاج انك تسأل احد نهائياً
عموماً السل تك هذا كرياتين يابطل

[Heartbeat]

عدل كلام اخوي absolutely
واعتذر لأني ماجاوبت على سؤالك بخصوص الدب الروسي لأني اقترحت عليك غيره
منتج ممتاز للضخامه لأنه يحتوي في السكوب على 184 جرام بروتين و391 جرام كاربوهيدرات و صفر دهون ويحتوي على فيتامينات ..
وبالنسبه لدب الروسي فيه محفز (GH) وليس هرمون فقط نسبة محفز لهرمون النمو جروث وهو مثل المحفزات العاديه اللي موجوده بالأسواق ولكن هذا مدرج في المنتج نفسه ..

والسل تك مثل ماقال كرياتين

[abusamara]

واااااااااو الدب الروسي صدق مجربه يمكن اكثر من خمس سنين الصراحه قوي وهو احسن شي فيه انه زيرو فات هذا اللي اللي اذكره بس وانت تشربه بيغثك ههههههه طعمه خايس بس الكلام هذا لما كان مقطوع بالسعوديه مين يذكر وخذيته بغالي حسبي الله عليهم ههههه في اشيا احسن منه اسال وتعرف

[RoOBin HooD]

والله يا ابطال ما قصرتوا الله يجزاكم كل خير

شرحكم وافي وكافي

اخلاق ولا اروع مو مثل المدربين اللي يضحكون لك لاجيت تشترك وبعد ما ترمي الفلوس ماعاد تشوف واحد فيهم

[THE CAST]

وعليكم السلام

ماقصروا الاخوان

لكن انا رايي لاتاخذ السلتك
استمر على المكملات الي كتبوها لك الاخوان وبعد ماتزيد اوزانك في النادي طبق المكتوب في الرابط
|||
استفسار بخصوص ال Cell Tech