السلام عليكم اخواني
كيف حالكم ان شاء الله بخير ونعمه
اخواني انا اواجه مشكله ولا عرفت لها حل كل مره يجيني واحد يقول لي راي
وانا اتابعكم من زمان لكن ما سجلت الا قريب وقلت اخذ راي الكباتن الموجودين الله يعطيهم العافيه
انا قبل سنتين خشيت نادي وكان وزني 107 نقصت وزني الى الـ 85 تقريبا ودخلت حديد بفترات متقطعه
لكن قبل 6 شهور رجعت للحديد وتمارين صح
والان وزني 79 وطولي 171
عندي الفخوذ فيها زيادة وزن واضحه زي ما تقولون كل الشحم متجمع فيها
وانا يومي في النادي اول ما اروح 15 دقيقه سير و15 اوبتكال بعدين حديد وبعدها بطن
سؤالي هل نظامي صحيح؟
لان فيه اكثر من واحد قالوا لي انك تحرق العضله اذا تمرنت على السير بزياده والاوبتكال
وانا قليل ما اخذ ايام راحه وسمعت من شخص يقول ان العضله تنبني في ايام الراحه
و انا ودي اخذ مكملات لكن ما اعرف وش اخذ
فكرت اخذ مكملات التنشيف اللي هي ايسو 100 او ليبو 6
هل يصلح اخذها الحين ولا لا؟
لاني ودي وانا ابني جسمي يكون شكله حلو ما فيه زيادة وزن بالشكل الي هو فيه الحين
نصيحتكم الله يجزاكم الجنه
اخوكم معاذ
