هل يجوز استعمال الزيوت الاتيه مع بعض؟

[germany85]

السلام عليكم
هل يجوز او من المفيد استعمال زيت السمك وزيت كبد الحوت زيت الكتان مع بعض؟
كم الكمية المناسبة للرياضي من زيت السمك والاوميغا3
وايضا كبد الحوت
وبالنسبة للكتان هل البذرة افضل ام الزيت؟

[.hamad.]

وعليكم السلام ..

برايي الشخصي ان الشغلات هاذي كلها تكملة عدد وماتفيد لاعب كمال الاجسام بأي شي وانا بحياتي ماخذت هالشغلات .

تمرن وانتظم على نظام غذائي غني بالبروتين والفيتامينات افضل من الكتان وغيره .

هذا رايي يابطل عن هذه الاشياء واذا مب مقتنع شوف باقي الاخوان .

بالتوفيق

[germany85]

على راسي كلامك بس زيت السمك وايد مهم جدا وحتى دكارتة الهرمونات ودكاترة التغذية يوصون به

واثبتت دراسه ان المخ يتكون من 60% دهن فيجب ان تدخل بجسمك دهن مفيد

والبنات او الحريم اللي عندهم عيال ومايهتمون بتغذيتهم تلقاهم يصيرون نسايين لان بفترة الحمال اذا ما كلت دهن عدل الجنين ياخذ من مخها
وهذا كلام الدكتور الرائع عبدالله المطوع

[.hamad.]

انت قلتها البنات او الحريم .

انا برايي ان اللي يحتاجله لاعب الحديد نظام غذائي+ بروتين+امينو+مالتي فيتامين .. اما الباقي كله تكمله عدد .

ومثل ماقتلك يابطل اذا مب مقتنع انتظر رد الاخوان

[amma271]

السلام عليكم
هل يجوز او من المفيد استعمال زيت السمك وزيت كبد الحوت زيت الكتان مع بعض؟
زيت الكتان و زيت السمك و زيت كبد الحوت أو حتى زيت السلمون كلها مصادر لأوميغا-3
ابتعد عن زيت كبد الحوت لأني قريت إنه أسوأ مصادر الاوميغا-3 لأن

كم الكمية المناسبة للرياضي من زيت السمك والاوميغا3
الجرعة للرياضيين و غير الرياضيين هي من 1-3 جرام كجرعة آمنة و ممكن زيادتها عند الحاجة إلى 5 جرام كحد أقصى


وايضا كبد الحوت
كبد الحوت لا تضيع فيه فلوسك لأنه مصدر سيء للاوميغا-3
وبالنسبة للكتان هل البذرة افضل ام الزيت؟
البذرة أفضل لأن الزيت حساس جدا للضوء و يستحيل أن تجد أحد يخزن لك الزيت بدون ما يتعرض للضوء أو الحرارة لكن ما دام بالبذر إن شاء الله إنها ما تأثر عليه لا الحرارة و لا الضوء
طبعا إذا شريت البذر إطحن اللي يكفيك يوم أو يومين و حطه في علبة معتمة في الثلاجة حتى لا تفسد الزيوت اللي فيه بعد الطحن و حطه عند الأكل على السلطة و لا تحطه مع أكل ساخن (ملعقة وحدة فقط)

الخلاصة:
إذا تحب تنوع خذ لك زيت سمك (حبتين أو ثلاث في اليوم) + ملعقة كتان مع السلطة

و هنا أخوي موضوع قارنت فيه بين زيت السمك و زيت الكتان
http://www.montada.com/showthread.php?t=696202

و هنا أفضل أنواع زيت السمك + فوائده
http://www.montada.com/showthread.php?t=694461

[amma271]

انت قلتها البنات او الحريم .

انا برايي ان اللي يحتاجله لاعب الحديد نظام غذائي+ بروتين+امينو+مالتي فيتامين .. اما الباقي كله تكمله عدد .

ومثل ماقتلك يابطل اذا مب مقتنع انتظر رد الاخوان

الله يعطيك العافية أخوي حمد أنت استاذنا و منك نتعلم
حسب علمي البسيط إن النظام الغذائي لازم يكون فيه على الأقل 20% دهون و يمكن الأخ الكريم germany85 يبغى تكون هذي النسبة من دهون مفيدة مثل الأوميغا-3

[.hamad.]

الله يعطيك العافية أخوي حمد أنت استاذنا و منك نتعلم
حسب علمي البسيط إن النظام الغذائي لازم يكون فيه على الأقل 20% دهون و يمكن الأخ الكريم germany85 يبغى تكون هذي النسبة من دهون مفيدة مثل الأوميغا-3

كلام سلم يابطل ومانختلف بس المقصود فالنظام الغذائي و20% دهون هو زيت الزيتون مب كتان وغيره

واذا رحت لاخصائي تغذية بأي مكان راح يعطيك نظام غذائي وبيعطيك مع النظام من ملعقة الى 3 ملاعق زيت زيتون ادخلها بنظامك بس مايقولك كتان او زيت سمك .

وهذا رايي يابطل واحترم وجهة نظرك وعزيز وغالي ياخوي

[amma271]

كلام سلم يابطل ومانختلف بس المقصود فالنظام الغذائي و20% دهون هو زيت الزيتون مب كتان وغيره

واذا رحت لاخصائي تغذية بأي مكان راح يعطيك نظام غذائي وبيعطيك مع النظام من ملعقة الى 3 ملاعق زيت زيتون ادخلها بنظامك بس مايقولك كتان او زيت سمك .

وهذا رايي يابطل واحترم وجهة نظرك وعزيز وغالي ياخوي

أخوي قريت في أكثر من موقع أجنبي أن زيت أوميغا-9 (زيت الزيتون) هو حمض دهني غير أساسي و يمكن للجسم أن يكونه عن طريق تحويل كمية من الاوميغا-3 إلى اوميغا-9 حسب حاجة الجسم
لكن العكس غير صحيح يعني لو صار فيه نقص في زيت اوميغا-3 ما راح الجسم يحول زيت الزيتون إلى اوميغا-3

مع إني أساسا كمسلم مقتنع أن زيت الزيتون شفاء و بركة سواء كطعام أو كزيت للجسم لكن الكلام السابق نقراه في دراسات أجنبية.
تحياتي لك يا غالي

[.hamad.]

ولا يهمك اخوي انا قلت رايي

وانت اذا شايف ان اوميغا3 جاب معاك نتيجه ممكن تواصل عليه .

وانا ماغلطت الدراسات ويمكن كلامهم صحيح بس الاهم اني اعرف وش يحتاجله جسمي واعرف كيف اكبر عضلاتي ومثل ماقتلك اخوي كل هاذي اشياء ثانوية وليست اساسية والابتعاد عنها لايضر ولاينفع يعني الواحد يقدر يوقف زيت الكتان وزيت اوميغا بس مايقدر يوقف بروتين ؟ وله اشرايك .

[amma271]

ولا يهمك اخوي انا قلت رايي

وانت اذا شايف ان اوميغا3 جاب معاك نتيجه ممكن تواصل عليه .
لي شهرين استخدمه لكن ما لاحظت شي يذكر


وانا ماغلطت الدراسات ويمكن كلامهم صحيح بس الاهم اني اعرف وش يحتاجله جسمي واعرف كيف اكبر عضلاتي ومثل ماقتلك اخوي كل هاذي اشياء ثانوية وليست اساسية والابتعاد عنها لايضر ولاينفع يعني الواحد يقدر يوقف زيت الكتان وزيت اوميغا بس مايقدر يوقف بروتين ؟ وله اشرايك .

رأيي من رايك أخوي حمد و بصراحة أنا شفت نتايج حلوة من خلال التدريب قبل لا أعرف عن زيت السمك أي شيء و كنت فقط مركز على البروتين و الكاربز و الفيتامينات و المعادن كنت آخذها من السلطات و الحليب
لكن مقصدي إنه بين حين و آخر تظهر لنا دراسات تقولك إن زيت السمك أو غيره ممتاز و يساعد على كذا و كذا و أنا كمبتدئ في اللعبة و مهتم في التغذية أجرب و أشوف.
و مثل ما قلت انت هذي أشياء ثانوية و ما دام واحد مثلك وصل للنتايج اللي أشوفها بالصورة (ماشاء الله تبارك الله) من دون زيت سمك فبالتأكيد زيت السمك غير ضروري.


لكن بعيدا عن كمال الأجسام أنا استخدمه لخفض الكلسترول و تحسين الذاكرة و غيره من الفوائد.

[THE CAST]

ياشباب زيت السمك مفيد لاي شخص

لكن الاهم النظام الغذائي المتزن فلو التزمت باكل صحي ماتحتاج الاوميغا لكن اذا ادخلته لنظامك حتسفيد من فوائده
سواءا اوميغا او ليفراويل اوزيت زيتون....

غيرضروري لذيك الدرجه لكنه مفيد للصحه

[germany85]

ياعطيكم العافية وعلى راسي ردودكم وشفت ارائكم الحلوه واللي نستفيد منها وماشاء الله الكوابتن ما قصرو بو منصور والاخ حمد وباجي الشباب الطيب

سويت تجربة الدكتور عبدالله المطوع

سلمون اويل من ثومنسون تركيز الحبه 1000 وضعت حبتين بالفلين وتفاعل تفاعل بسيط وظهرت ندبه

واستعمله فلين اخر ووضعت 3 حبات بيور فيش اويل من سفن سيز تركيز الفيشل اويل 500 او 600 والاوميغا 3 300

اتوقع ان قوي لان الراحه سحق الفلين ونقص بالنص واهوا مركز ونقي فانا حبيت استعمله الصراحه لكن اشو تركيز الفيش اويل مو قوي واهوا لازم تاخذ حبتين باليوم
فابي ارائكم

[THE CAST]

^^^
هذي التجربه عالميه واسمها فيش اويل تست وتلقاهها باليوتيوب.

خذ حبتين كافيه في اليوم لكن لو بتسفيد منه صح ابعد قدر استطاعتك عن الدهون المضره

لكن ياخوي سعر هالحبوب عندنا غالي مقارنه بالكميه ..فلو تقدر تستورد من الخارج بعض الانواع يكون فيها 300 حبه
وسعرها رخيص مقارنه بالصيدليات عندنا

ولو انت من الناس الي تاكل سمك بشكل شبه يومي فوفر فلوسك

[germany85]

اخوي انا سويت التجربة
وانجحت شريت سلمون اويل فيه تقريبا 400 حبه او 300 ب12دينار كويتي تقريبا

فمادري استمر وهل اخذ بيور فيش اويل من سفن سيز لان نتيجته بهرتني بتكسير الفلين

كيف اخذ جرعته اللي هيا 500 لزيت السمك وللاوميغا 3 300
ومكتوب حبتين باليوم بس
فشلون يالحبايب
ومشكور بو منصور

[babelll]

السلام عليكم ..
بخصوص بذور الكتان بصراحه لها الفضل من بعد الله سبحانه بتحسين مظهر جسمي وصقل عضلاتي بشكل لافت وخفض نسبه الدهون الضاره بنسبه كبيييييره ..
وساعدت ايضا في كثافه شعر الرأس واللحيه لدي ..
وواجبي كأخ للجميع بالمنتدى بأن انصح بهذه البذور الممتازه للجميع سواء رياضي او غير رياضي .