محتاجه برنامج ينزل لاق في wow

[zeeeeeen]

السلام عليكم


نصحوني انزل برنامج

انا محتاره

Leatrix Latency Fix مجاني


Lower Ping كيف انزله بعد هو بفلوس

ابي مساعده منكم اخوان

[Azerothian]

وعليكم السلام

http://montada.com/showthread.php?t=567892

تروح لـ
Start - Run - Regedit
وبعدين تروح لـ
HKEY_LOCAL_MACHINE\
SYSTEM\
CurrentControlSet\
Services\
Tcpip\
Parameters\
Interfaces

راح تلقا اكثر من ملف تحت الـ Interfaces
والملف اللي تبيه هو اللي داخله معلومات الأيبي تبعك وغالبا راح يكون اللي داخله مفاتيح كثيرة جدا.
مثل: {237880DA-BACE-4E63-A73F-0CB12211EEB2}
{8D7A717E-ABAC-4AA3-ADD9-6146FE3FC8CC}
{AD0A745B-56B3-4074-91F4-B25709E084BD}

اذا لقيت الملف اللي فيه معلومات الأيبي حقك جواه تقوم وتسوي الآتي

تظغط بالزر اليمين في الجهة اليمين وتأشر على
New - DWORD Value
وتسميه
TcpAckFrequency
وتكتب رقم 1 في الـ Value Data.

بعد كذا عيد الجهاز وشغل واو.

انا جربت هذي الحركة ولازالت تنزل اللاتنسي عندي،، بالنسبة لبرامج تنزيل اللاتنسي ماجربتها واعتقد lower ping بفلوس،، وفي شباب من القيلد معاي يمدحون leatrix بس شخصيا ما اعرف عنه اي شي

[zeeeeeen]

مشكور اخوي


جربته لاق وايد تعبت كل ثانيه يظهرني برع عملت نفس الخطوات الله ياخذ الانترنيت الشامل ذبحني

[Karazhan]

اختي على حسب الاشتراك , ترى الاشتراك له علاقه

ثاني شي تحمل الكمبيوتر نفسه , يعني اذا كنتي تستخدمين المؤثرات باللعبه اعلى شي هذا راح يسبب لاق و تهنيق

خصوصا بعد ال cata صار الرسم اقوى والاجهزه القديمه ماتتحمله

ثاني شي تعرفين ابراهيم جمبري ؟ هذا رفيجي عنده جهاز dell ماخذه قبل سنتين , من اللاق والتهنيق ايام wotlk تعب نفسيا ولما نزل cata جدامي صرخ صرخه لو يسمعها عنتر يخاف

جان يقوم ويمسك الجهاز ويحذفه بالطوفه جان ينكسر قطعتين , انا زعلت قلت لو معطيني اياه عالاقل

يعني انتي اول شي قوليلي شنو نوع جهازك ومن متى عندج ثاني شي شنو اشتراكج , يعني يمكن لو تنزلين برامج تقلل اللاق ماراح تفيد بعد

[Yoshi]

[


ياليت لو تراجعين الروابط بالأسفل يمكن تفيدك

http://www.montada.com/showthread.php?t=567892

http://www.montada.com/showthread.php?t=555119



اسمحي لي اعلق :

ابراهيم جمبري

اتوقع خويك هذا 24 ساعه في سوق السمك ض2

[لوعةالفرقا]

انا مجرب Leatrix Latency Fix ولازلت استخدمه

صراحه رهيب عندي اللاتنسي من 120 إلى 150 واتصالي افاق شامل دي اس إل 4ميقا ^^

وجهازي مواصفاته اعلى من المتوسط بشوي

[Karazhan]

اهو يحب السمك لكن مو دايم هناك

وهذا لقبه لأن راسه من بعيد كأنه ام الربيان عشان جذي مسمينا جمبري

انت الظاهر ماسمعت برفيجي الثاني سالم او سلوم بطاطا

مسمينا بطاطا لأن راسه اقرب ماله راس دامبي , كأنه راسين لازقين ببعض

[بكاء تحت المطر]

ولا تستخدم برامج ولا بطيخ
ياخي خذ لك اتصال عدل او شيك على الاتصال هذا شي

والشي الثاني .. اذا الكابينه عندك ما تدعم سرعات النت العاليه خذ لك اتصال اتحاد عذيب .. GO بصراحه انا مجربها وكل شي تمام عندي


والشي الثالث والاخير .. اذا انت تستخدم وندوز 7 ترى الخاصيه اللي انت تقول عنها موجوده ومعموله تلقائياً
لا تركب شي مانت متأكد منه ... وفيه حاجه صغيره .. غير مكافح الفيروسات .. نزل avast مجاني وفيه سيريال ويدعم الابتيت
سو هالاشياء وامورك بإذن الواحد الاحد تضبط

وبالتوفيق للجميع

[QTR .SOUL]

in arabic country specially for gulf u cant play without Lag

[kloze]

in arabic country specially for gulf u cant play without Lag

in the contrary i play without lag and im in an Arabic country plus i got STC :P

[fasswat]

اللي يقول بدون بالبرنامج اقوله البرنامج يفيد
مشكلتنا العرب بعيدين عن السيرفرات
المناطق الثانيه فاتحين لهم سيرفرات قريبه منهم يعني في سيرفر بتايوان و سيرفر باليابان وسيرفران باوروبا بس العرب ما عندنا سيرفرات
البرنامج يخليك بدل ما انك تلعب من اي بي بعيد عن السيرفر .. يقرب المسافه او يسويلك اكاونت وهمي عندهم قريب من السيرفر وهالشي يساعد بتخفيف اللاتنسي وانا مجربه اللاتنسي ينزل بطريقه فظيعه
اذا بتلعب بهاردكور قلد مستحيل تقعد على اللاتنسي تبعنا

[Karazhan]

عندك بلاي ستيشن مثلا عندهم في دبي مثل السيرفر والله مادري شنو يسمونه عشان جذي لما تلعب بلاي ستيشن اون لاين تشوف ماكو لاق نفس ووركرافت

احنا العرب نلعب على اوربا و بليزرد ماحطت مركز في دبي او مصر او دوله قريبه عشان يكون سرعه في الاتصال معاهم

بس انا انصح اللي يستخدمون هالبرنامج انهم يحمون حساباتهم , لأني انا استخدمت wtfast وبعد شهر انسرق حسابي , واعرف شخص ثاني نفس الطريقه , ولما استخدمنا اثندكيتر ما انسرقوا حساباتنا

انا اعتقد ان اللي عمل البرنامج ماعنده نيه بالسرقه , ولكن في ناس حراميه يحطون البرنامج في مواقعهم بروابط تحميل و يحطون فيه برامج key loger ولما تنزله من مواقعهم ينزل معاه البرنامج هذا ولما تشترك تروح الموقع الرسمي وتشترك

بس انا لما شغلت البرنامج اول مره قبل ما ينسرق كنت استخدم كاسبر سكاي للحمايه , وكان كل دقيقه يصيد اكثر من 3 ملفات كي لوجر

يعني انا انصح الاخوه والاخوات انهم يعتنون بحساباتهم قبل ماينزلون اي برنامج او ماكرو

[rock^my^world]

الحل انج تستخدمين باتل بينج

[daewoo7]

تريد نصيحتي انا مجرب و للحين استخدمه
lowerping
صراحه نزل اكثر من 70 ف الميه

[Deathcow]

انا استعمل Leatrix Latency Fix والوضع تمااااام

واحد من الشباب يستعمل Lower Ping يقول بعض الاحيان البنق يطلع فوووق