pink magic

[germany85]

السلام عليكم ياعطيكم العافية

في مكمل الصرحه لفت انتباهي والصراحه حاوت اقرى عنه بس مافهمت الصراحه

هل ممكن من اصحاب الخبره افادتي واكون شاكرلكم

اسم المنتج
pink magic
من شركة uslabs
بالضبط شسوي وشفيد فيه

[THE CAST]

وعليكم السلام

شفت تركيبته وسعره غالي جدا !

يدعون انه يعزز نمو العظل ويقوم بعملية الريكفري وحرق الدهون(راجع لوجود بذرة اللوتس)


طيب خذ هذي من عندي

ملعقة صغيره زنجبيل + رشه من عشبة عصا علي + ملعقة صغيره عسل اصلي + رشة قرفة مطحونه

ضعها فكوب حليب طبيعي(يفضل حليب ماعز) ساخن وبسم الله


ووفر فلوسك


بالتوفيق

[SDal]

قرأت عنه كلام سلبي كثير بمنتديات الـBody building .. ما عندي فكرة عنه بصراحة .. لكن كثيييييير ناس ذموه ..

[germany85]

ياعطيك العافية
اخذ ذا كاست بس من وين احصل كل اللي قتلي عنه
انا بالكويت ؟

والخلطه اللي قتلي اياها تنفع حق شنو؟ وهل استعملها كل يوم ؟
جم مره باليوم

[THE CAST]

ياعطيك العافية
اخذ ذا كاست بس من وين احصل كل اللي قتلي عنه
انا بالكويت ؟
والله هالمكونات تلقاها بالسوبرماركت او محلات العطاره , عشبة عصا علي هي يمكن الي ماتلقاها بسهوله

والبقية معروفه طبعا تكون فاغلب البيوت

والخلطه اللي قتلي اياها تنفع حق شنو؟ وهل استعملها كل يوم ؟
نفس ادعاءات المنتج بل افود لكن بمواد طبيعيهمضمونه
براحتك كل يوم او كل يومين الي يريحك
جم مره باليوم

بعد الفطور وبعد التمرين بمده بعد ماتاخذ البروتين حوالي ساعتين

[germany85]

ياعطيك العافية اخ ذا كاست والله يوفقك بافادتك للجميع وخلطاتك السحريه

الصراحه عندي سؤال

هل انت دكتور طب بديل والتداوي بالاعشاب

او تقرا وايد ماشاء الله عليك لك خلطات عجيبه بهالمنتدى والصراحه وايد استفيد منك ومن الكابتن ذا روك وكابتن حمد وكابتن تركي وماننسى الحبيب السمي عبدالله او بقحط على راسي كلكم من فوق

عندي سؤال عن هذه الخلطه ممكن تساعدني
قلاص حليب بيديا شور+قلاص شوفان كويكر+10 بيضات فقط البياض+استكانة شراب فيتامين multi sanatrol
+2 لتر حليب تخلطه بالخلاط
نص لتر بعد كل وجبه ولا تنسى تكثر من الموز وشاكرلك

[THE CAST]

ياعطيك العافية اخ ذا كاست والله يوفقك بافادتك للجميع وخلطاتك السحريه
امين
الصراحه عندي سؤال
هل انت دكتور طب بديل والتداوي بالاعشاب
لا....

غيرك كثيرين يسالون هالسؤال حتى دكتور الصيدليه نفسه يوم اقعد اسولف معه ماشاء الله ههههه

او تقرا وايد ماشاء الله عليك لك خلطات عجيبه بهالمنتدى والصراحه وايد استفيد منك ومن الكابتن ذا روك وكابتن حمد وكابتن تركي وماننسى الحبيب السمي عبدالله او بقحط على راسي كلكم من فوق
لي سنوات اطلع و ابحث في التغذيه ولان الوالد كان في الطب كذلك
ولو كنت بدخل مجال الطب فاحتاج سنوات طويله من الدراسه ...وافضل تخصص افضله هوتخصص الغدد الصماء

لكن تجري الرياح بما لاتشتهي السفن.

عندي سؤال عن هذه الخلطه ممكن تساعدني
قلاص حليب بيديا شور
مانعرف هذا النوع ماشفته في السعوديه عندنا
+ قلاص شوفان كويكر+10 بيضات فقط البياض+استكانة شراب فيتامين multi sanatrol
+2 لتر حليب تخلطه بالخلاط

نص لتر بعد كل وجبه ولا تنسى تكثر من الموز وشاكرلك

حليب بيديا شور هل هو سائل او بودر او مكثف محلى ؟

لاتعمل هذا الخليط لانه حيكون ثقيل جدا عالمعده ويسبب للكثيرين امساك(لاتستغرب)
لاتنسى السعرات الكبيره جدا خصوصا لو كان الحليب بودر

وكان فيه بحث اطلعت عليه قبل مده محتواه ان الحليب اذا ماختلط مع بياض البيض فانه يكون ......(ناسي الاسم)
وهذا الخليط صعب الهضم ويقعد وقت طويل لاجل يتفكك

اضف لذلك كثرة الحليب ربما تسببلك غازات وانتفاخات في البطن لو كنت تعامي من حساسيه اللاكتوز حينها يتوجب عليك اضافة دوا من الصيدليه اسمه " لاكتازيم" لكن ماله داعي انت اهم شي لاتكثر حليب بشكل كبير في اليوم
يعني اشوف 500-700 مل كافيه بشرط يكون طبيعي وليس بودر لان البودر عالي السعرات وما افضله ابدا.





انت ما هدفك من الخليط اعلاه ؟

[germany85]

على كلام اللي كاتب هالخلطه يقول لاقيها بقوقل واهيا تنمو العضل وتكبر عضلات المعده ماطلع كرش
انا استغربت فقلت اسال اهل المنتدى الخبراء فيها
وانتو ابخص ؟

[THE CAST]

على كلام اللي كاتب هالخلطه يقول لاقيها بقوقل واهيا تنمو العضل وتكبر عضلات المعده ماطلع كرش
انا استغربت فقلت اسال اهل المنتدى الخبراء فيها
وانتو ابخص ؟

بالعكس تزيد الوزن وحتكون وجبه كبيره جدا يعني اغلبها فات
الشوفان كارب وبمكيه جيده فيها + الموز ايضا + (سعرات كل منهما ) + سعرات البيض والحليب من كارب وبروتين
= كميه كبيره من الكالوري الي اغلبه حيروح فات

[germany85]

مشكور ذا كاست

انزين اذا ابيك تساعدني بجدولي الغذائي انت والكوابتن هل افتح موضوع جديد