مشكله الخواصر ... ارجو المساعده

[the kmoot]

السلام عليكم شباب ؛

انا بديت العب حديد من شهرين تقريبا ... طولي 178 ووزني 107 والحين صار وزني 99 الحمدلله ...

بس طلعتلي مشكله اخوان انه طلعتلي وبرزت بشكل كبير الخواصر رغم انها كانت موجوده بس مو بهذا الشكل ... والي يبين لي زياده انه التي شيرت كان يجي علي عادي الحين كبر الشيرت علي بس الخواصر باينه وبارزه بشكل كبير ...

جدولي للتغذيه كالتالي :
الفطور : موز مع حليب + شوفان + opti men vit
الغداء: من البيت عموما والتركيز على اللحوم والسلطه والرز ما اكثر.
قبل التمرين : فاكهه (موز او تفاح) + خليط عسل ومغذيات من غذاء الملكه ..... + امينو فيول ماس liquid
بعد التمرين : بروتين بيور + امينو فيول ماس liquid
العشاء : في الغالب شاورما او subway

الكارديو 15- 20 دقيقه على السيكل بالنادي +
10-15 على اله المشي بالبيت مشي مب ركض

الجدول التدريبي كالتالي :

4 مرات بالاسبوع صدر + باي , كتف تراي ، ظهر سواعد مثلثات، ارجل معده

اخوان ارجوكم ملاحظاتكم نصائحكم ورايكم في كل شي ... واسمحولنا على الاطاله

[the kmoot]

نسيت اسال شباب ماء الشعير يسبب هل الشي لاني بدلت مشروبات الطاقه الي مدمن عليها الى ماء الشعير ..

[Heartbeat]

وعليكم السلام
اخوي اي مشروب لا يحتوي على غازات او سكر لا مانع به
ولكن يفضل لو كان عصائر طبيعيه او حليب خالي الدسم
على العموم الكارديو قليل عندك
حاول انه لا يقل عن 45 دقيقة

حاول تتمرن خواصر وبطن ادخل على موضوع ابو راشد سكس باك
تجده في قسم المواضيع المميزه مثبت هناك
سوف تستفيد منه ان شاء الله
ايضا ابحث في بقية المواضيع المميزه ستستفيد

[M A J E D 1984]

ياخي في تمارين كثيييييرة للبطن والخواصر

تقدر تلعبها بالنادي والبيت بعد ... عندك الخواصر لها اكثر من تمرين في خواصر خلفي وجانبي

لحظة.... عندكم مدرب لياقة بالنادي؟؟ اسأله ياخي وراح يعطيك بالهبل تمارين بطن وخواصر

والله ليكسر ظهر بتماربن البطن ..

نصيحه اخوي البطن لاتهملها .... العب يوم بطن خواصر ويوم كارديو.

لأني ومن خلال جدولك اشوفك مهملها كثيييير ..ياخي البطن والخواصر حتى في البيت انا العبها.

[the kmoot]

اخي sportsman شكرا يا بطل على الرد بس 45 دقيقه كثيره بس بحاول انشالله لين ما اخطاها بعد ... بس السؤال يقولون كثر التمرين لهل العضله ممكن يكبرها زياده ويضخمها وتزيد المشكله ؟؟؟

[the kmoot]

اخوي ماجد مشكور على المرور والنصائح وجعلها الله في ميزان حسناتك

[the kmoot]

بس شرايكم كباتن في التغديه والمكملات مناسبه ولا يبالها تعديل

[the kmoot]

وين الشباب وحد عنده كريم لشد الخواصر مجرب

[scaryface]

[السلام عليكم شباب

وعليكم السلام

انا بديت العب حديد من شهرين تقريبا ... طولي 178 ووزني 107 والحين صار وزني 99 الحمدلله ...

ممتاز

بس طلعتلي مشكله اخوان انه طلعتلي وبرزت بشكل كبير الخواصر رغم انها كانت موجوده بس مو بهذا الشكل ... والي يبين لي زياده انه التي شيرت كان يجي علي عادي الحين كبر الشيرت علي بس الخواصر باينه وبارزه بشكل كبير ...

يا اخوي لازم تفهم انه الدهون مجرد طاقة وهذي الطاقة لازم تحرقها وحاليا ركز على الوزن وانسى الارداف لانها معا الوقت راح تخف

بعد التعديل

جدولي للتغذيه كالتالي :
الفطور : موز مع حليب + شوفان + opti men vit + حبة زيت سمك
الغداء: من البيت عموما والتركيز على اللحوم والسلطه والرز ما اكثر.
قبل التمرين : استخدم العسل او الفواكه فقط في ايام الحديد واما في تمارين الجري والسويدي فانته مب محتاجه معا اني انصحك انك تستبدل هذي الاشياء بعصير العنب او الجلوكوز ..... + وي بروتين افضل
بعد التمرين : بروتين بيور + امينو فيول ماس liquid
العشاء : صدر دجاج خالي من الدهن او لحم معا سلطة

الكارديو 15- 20 دقيقه على السيكل بالنادي +
10-15 على اله المشي بالبيت مشي مب ركض

الجدول التدريبي كالتالي :

4 مرات بالاسبوع صدر + باي , كتف تراي ، ظهر سواعد مثلثات، ارجل معده

اول شي تمرن حديد ومن بعدها عليك بالكارديو بس يكون معتدل وليس مجهد ولانه بعد الحديد نسبة السكر بالجسم تنخفض فالجسم بهذي الحاله راح يستخدم الطاقة الثانية وهي الدهون


وابتعد عن البيرة لانها تزيد او تنشط من هرمون الانوثة بالجسم وبشكل عام هي ما بتفيدك واكثر من شرب الماء

وذا حاب تقلل من هرمون الانوثة بشكل طبيعي عندك مستخلص بذرة العنب وهو يعتبر مضاد للارمطة

وفيتامين دي 3 ابضا ممتاز

بالتوفيق

[the kmoot]

scaryface جزاك الله خير يا بطل ...

[شفاف قطر]

شيل الموز والعسل وبدلهم بتفاح او عصير برتقال
لانه في سكريات كثيرة

وشكرا

[the kmoot]

شفاف قطر بارك الله فيك ...تم انشالله يا بطل

[Rashid.S]

هلا اخوي لاحظت عندك حجات اشوف من الافضل انك تغيرها
الفواكه اولا انت ما تحتجها لانخا مشبعه بالسكر وانت تبي تخسس
بعدين مليانه انا اشوف ان ماله داعي الموز والعسل لا صبح ولا قبل التمرين
انت تحاول قد ما تقدر تاخذ طاقتك من الكل يعني ما يمنع لو تعتمد بس على اخر وجبه قبل التمرين
يعني العب بعدها بساعه ونص الي ساعتين
والشورما بعد ترى مليانه دهن ولا تنسى ترى يستخدم معها الخبز الابيض وانت ما تحتاجه
وابعد عن الرز والمكرونات وقت الغدى

ادري مالها دخل بالخواصر لكن راح تساعدك

[بارجيم]

الخواصر لها تمرين مثل صحن توقف عليه وهو جهاز اصلا وتلف يمين ويسار
وتقدر تمسك دنبلين خفاف او اثقل اشوي بس اخف من الوسط يكون وتوقف بشكل مستقيم وتنزل يمين وتنزل يساار وانت تطالع سيده يعني تنزل جمب وتقدر تلعبه بالعصا شوف اي كبتن بيعلمك كيف

والشوارما لاتكثر منها لان فيها دهون لان الشوارما سواء لحم او دجاج عباره عن صدور وماتلصق ببعض الا بزيت او دهن عشان كذا لاتكثر اذا انت تبي تسوي نظام هاف دايت

[بارجيم]

والعسل الطبيعي مفيد لاكن خذه مره وحده الصبح وتكون ملعقه طعام
والرز اكل صحن صغير على الغدى بس يكون ابيض مسلوق بماي يعني مبو مطبوخ عشان يكون بدون دهن وانت حتى لو تبي تنشف تحتاج مصدر ولو بسيط من الكارب للطاقه بالصاله والمصدر تاخذه من هالرز الابيض المسلوق