شنو افضل بروتين

[الجافي101]

السلام عليكم

كيف حالكم شباب ؟؟

انا وزني 55 وطولي 166 صارلي 3 شهور داخل صالة وحسيت بفرق بسيط بالعضلات وخاصة الصدر والكتف

المهم اول ما دخلت كان وزني 52 وقبل شهرين استخدمت up your mass اللي علبته زرقاء بطعم الشوكولاته

الحين خلصت علبة وجبت علبة بس مو ذاك الفرق كيلوين خلال شهر ما تفرق واجد كاني ما سويت شي ( اغلب الاحيان استخدمه مع ماء مو حليب ) بس الحين كله مع حليب يقول احسن وبشوف .

ودي اشوف احسن منه وياليت يكون طعمه جيد وفايدة مرة زينة .

وعندي مشكلة يدي ترجف لاني نحيف خاصة اذا جيت اشيل شي ثقيل قالولي استخدم امينو بس خفت منه

واستخدم حبوب mixviat فاتحة شهية وزينه لاني الموسيجور جربته طول الوقت نايم ما يصلح احد


بغيت مشورتكم وش الحل مع حالتي يا الطيبين والله يعطيكم العافيه مقدما ..

[TRIPLE H2]

بالنسبة للبروتين غذلك السيرياس ماس
اما بالنسبة للأحماض الامينية خذلك سوبر أمينو 4800 أما بالنسبة لرعشة اليد ما لها دخل في الاحماض الامينية
اما بالنسبة لفاتح الشهية و الله ما اعرف عنها لان دوم شهيتي مفتوحة
و موفق

[الجافي101]

بالنسبة للبروتين غذلك السيرياس ماس
اما بالنسبة للأحماض الامينية خذلك سوبر أمينو 4800 أما بالنسبة لرعشة اليد ما لها دخل في الاحماض الامينية
اما بالنسبة لفاتح الشهية و الله ما اعرف عنها لان دوم شهيتي مفتوحة
و موفق

يعني اللي عندي مو ذاك الزود صح ؟ السيريس ماس القاه بgnc وبكم قيمته لا هنت ؟؟ وطعمه كيف مقبول ولا ما ينبلع ؟؟

الامينو وش فوائده وهل له اضرار وكيف طريقة استخدامه ؟؟

[الجافي101]

هذا اللي استخدمه

http://www.absindonesia.com/files/co...UpYourMass.gif

[TRIPLE H2]

اذا كنت في الامارات تقريبا 350 درهم أما بالسعودية تلقاه 380 و نازل
أما بالنسبة للامينو هو عبارة أن أحماض أمينية لها عدة وظاءف منها نقل البروتين للعضلة تجديد الخلايا التالفة في العضلة المساعدة في نمو العضل و لها فوئد أخرى للجسم غير ذلك
و دمت بود

[الجافي101]

انا بالسعودية اخوي .... طيب كيف طريقة استخدامه الامينو والسيريس ماس؟

[TRIPLE H2]

السيرياس ماس : سكوب تخلطه مح حليب الصبح - سكوب مع ماء بعد التمرين - سكوب قبل ما تنام مع حليب
الامينو : 3 حبات الصبح - ثلاث حبات بعد الترين ثلاث قبل النوم يعني تاخذه مع كل سكوب بروتين
وممكن تزيد عدد الحبات الى 5 الحبات كل ما تتطور باللعبة
وموفق باذن الله

[الجافي101]

الله يعطيك العافيه بس ما جاوبتني السيريس ماس طعمه حلو ولا ما ينبلع ؟

[TRIPLE H2]

و الله أنا ما أنا ما جربته
لكن عموما هو أفضل منتج ضخامة مع البرو كمبلكس جينر
و غالبا منتجات ON نكهاتها ممتازة
لكن ممكن السيرياس يكون ثقيل
و ان شاء الله الاعضاء يفيدوك

[الجافي101]

كيف يعني ثقيل هل يسد النفس عن الاكل ؟

[TRIPLE H2]

هي أغلب مكملات الجينر تكون ثقلة على المعدة عند الشرب لكن لازم تتحدى الشعور يعني أنا أول بروتين اشتريته طعم الله لايوريك و ثقل على المعدة لكن قاومت و خلص وكله تمام التمام
و الناس أذواق فاحتمال انه يعجبك ومثل ما قلتلك أغلب الناس مدحوه
فاذا عزمت فتوكل على الله
موفق

[. الـشـمـري .]

ماشاء الله ماقصر الاخ تربل اتش2 يجزاه خير

بس عندي افاده للأخونا السائل

لو قررت تاخذ السرياس ماس خذ الشوكلت لذيذ جدا

وودي

[الجافي101]

يعني الكل يتفق ان سيريس ماس افضل من اب يور ماس ؟

[TRIPLE H2]

يا أخوي معروف في عالم كمال الاجسام أحسن بروتينات الجينر هي
السيرياس ماس و البروكمبلكس جينلر
موفق

[الجافي101]

طيب اخوي احصل له ب gnc ؟