هاع بنت ضايعه في ........
بنت ضايعه في السويدي
الموضوع مثل ماقلت لكم ..
للكبار أون لي !!!
يعني بدون إحراج ياليت الصغيرونين يتقلعون برا …
والصغيرون اللي يحس إنه كبير يدخل حياه الله..
على العموم
القصه هذي أقصها لكم ولا زدت عليها ولا شي … اللهم شوية بهارات وكمون وفلفل أسود…من عندي .. عشان الطعم يصير أحلى
القصــــــــــــــــــــة:
أربعة شباب .. تواعدوا يطلعون للثمامه سوا ويكشتون ليلتين!
إتفقوا بينهم وبين بعض ؟؟ وزبطوا كلّش!!
اللي جاب الخيمه واللي جاب الأكل واللي جاب الورقه.. واللي جاي بروحه بس..
ويوم جتّ حزّة الطلعه ..والله وخويهم اللي بيجي بروحه بس !إنشغل!
دق عليهم وقالهم إن أبوه عليه قلّ صحّ ويبي يوديه المستشفى؟
الشباب قالو عادي.؟. طبعاً هو ماراح يأثر لأنه موب جايب شي معه.
المهم..
تجمعو الشباب .. وركبوا في ذاك الموتر ورصوا في المرتبه اللي قدام ((تدرون ليش !!)) لأنه ددسن غماره وحده!!
وبدت رحلتهم .. كانو مستانسين في الطريق ويغنون ..ويرقصون .. ويسقطون على خلق الله!!
ويوم دخلو للثمامه وعدو دوار العويضه .. إلا ويشوفون ذاك الشقّ .. الشلخ!!! ياويل قلبي ويلاه!!!
شيٍ أسود مخصر وعليه لثمه!!! قاعدةٍ تشّر على قارعة الطريق؟؟
ويكعون فرامل لين طلعو كلهم في الشارع مع القزازه!!! وتقولهم : معليش شباب ممكن توصلوني بيت أهي؟ قالو لها وإنتي وش جايبتس هنا بلحالك؟؟ قالت :أنا جيت مع أهلي.. بس رحت أقضي الحاجه .. وأبطيت شوي .. ومن كثر خواتي أبوي يحسبني معهم وكفخو وخلوني!!!
الشباب قالو خير إنشاءالله.. وين بيتك؟؟ قالت : بيتنا في السويدي!!!
الشباب مسكو روسهم!!! قالو وش بيودينا للسويدي وحنا في الثمامه .. ثم نعوّد نرجع للثمامه.. بس مش مشكله عمل إنساني!! ((وإلا لو إنه أبو شنيب إن نشوف الأعمال الإنسانيه!!)) .. طبعاً لأنها بنت هم بيوصلونها وهذا بحد ذاته سبب وجيه؟؟؟
عاد أقووولكم… ركبوها في الصندوق … ويمشون مليونين.. واللي قدام كل شوي يلتفتون واللعابين تقطر!! والخشش مندلقه .. تقول ماقد شافو بنت.. واللي يلتفت عليها وهي بالصندوق ويغمز,,, واللي يشّر لها .. وهي معطيتهم أشكل .. ويوم وصلو للسويدي..
ويقولون لها .. : شاوريلنا بيدك ودلينا على بيتكم.. البنت قامت تشر وتدلدل فيهم بس المشكله هي ماتعرف البيت لأنهم دخلو للسويدي من جهه غير اللي عودهم أبوهم يجيبهم معها … عاد ضاعت طاسة البنيّه!!! وقعدت تصيح!! والوقت كان ليل!!
وقالو لها ميب مشكله .. إنا بنروح نكشت في الثمامه والصباح رباح!!!وش رايتس تجين معنا هناك !!
البنت وافقت بس بشروط .. إنها ماتفصخ عبايتها … وتنام فيها لين الصبح!!
الشباب وافقوا!
رجعوا للثمامه!!!
وطقو خيمتهم…
هم مستانسين ويلعبون ورقه… والبنت تعاينهم من بعيد!!! يقالها خايفه
قعدو عقبها يشوون … وويوم خلص الشوي حطو للبنت كل الأكل ويوم خلصت وشبعت كلوا عقبها
وقهووها وشهووها وحلو … وسمروا على ضوّ القمر… وضحك ووناسه والبنت من بعيد لبعيد بس..
وجتّ حزّة النوم…. الشباب تراصو في قرنه وفرشو للبنت الفراش الكبير …
وناموا….
وهم نايمين
حسوا إن البنت تقرب يمهم حبّه حبّه؟؟؟؟
العيال شكوا في الموضوع … قالو شكلها من البنات اللي ماش!! (تكفى يالعاقلين)؟؟؟
والله والبنت تقرب وتقرب …. لين مره صار بينها وبينهم سنتي واحد وتفتش …
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
.
وش تتوقعون صار…
طلعت البنت ذي … هي خويهم الرااااابع اللي إعتذر… لابس عبايه!!!
ويشبون عليه ويدبجونه ويقومون ويضفون خيمتهم وعفشهم حتى العبايه خذوها !!! وخلوه بروحه هناك ؟؟؟
يقولون خل نشوف من اللي بيوصلك لبيتكم … هههههههااااي.
وبس!
على تكون القصه راقت لكم… والله يستر لاتصيرون قد سمعتوها من ذي قبل
":"
قصة خيالية حلوة ..