أرائكم حول جسمي و مشكلة في عضلات البطن العلوية يوجد صور

[لاعب متقدم]

معلومات المتقدم بالاستفسار :
العمر : 16 , الجنس : ذكر

الطول :158 متر
الوزن : 56 كيلوجرام

نسبة الدهون : 0

و الاستفسار كالتالي :
السلام عليكم

أخواني أنا عندي مشكلة بي عضلات البطن العلوية و جوفو الصورة و أبغي رايكم حول الصدر و ماذا أحتاج إلية من تعديل و قبل لا أبدأ اللعب كنت نحيف جدا ووزني كان في 30 و بحمدالله تقدمت في الوزن 56 و أنا لي في اللعبة سنة و 7 شهور تقريبا و أول شهر في الجم و الباقي كلة ألعب في البيت و أول سنة كنت ألعب بل هبل لعبي غلط و تغذيتي ضعيفة جدا لكن بحمدالله عزمت من شهر 1و خذيت جدول تمارين و أمارسة بشكل سليم و إلى الآن ألعب بي جد و تغذية سليمة من غير مكملات و إن شاء الله لين أدخل 18 أبتدي مكملات تحياتي لكل الوحوش ألي في المنتدى

لاعب متقدم

[بردان1]

وعليكم السلام

ماشاءالله تبارك الله جسمك ممتاز وواصل وقدامك مشوار
وبالنسبة للمشكلة الي تقول بالبطن العلوي ! مادري مالاحظت شي ممكن تووضحها ؟

[لاعب متقدم]

أخوي شوف البطن من جهت اليمين العلوي صاير معا بعض ما في خط نفس الجه اليسار لاحظ

[the rock 911]

جسمك ناشف وممتاز وممكن عضلة البطن مشكلتها طبيعة جسمك تحتلف من شخص لاخر وفي ناس عندهم السكس باك 8 ولو تدخل واي بروتين فقط بيتطور جسمك اسرع
وبالتوفيق يا وحش

[لاعب متقدم]

مشكور أخوي يا ذا روك لكن في الوقت الحالي أنا أقدر أفيد نفسي بل الأكل الطبيعي و بعد ما أوصل بأذن الله لي عمر 18 بأخذ لي مكمل ضخامة و أتعمق في اللعبة أكثر و إن شاء الله تعالى بس محد أعطاني راية حول الصدر هل هو جيد

[SDal]

ما شاء الله .. بالمستقبل راح تشكر ربك كثير انك دخلت من بدري باللعبة .. و لو تركت راح تندم ندم كبير بالمستقبل .. بالتوفيق ..
عضلات البطن ما شاء الله ممتازة .. و شكلها الي يحدده الجينات و هذي جينات بطنك .. و عموماً استمر بالي بتعمله ما دامت النتائج ممتازة ..
جسمك فيه تناسق و استمر و استغل هرمونات جسمك بهذي المرحلة و استمر بزيادة وزنك و كتلة العضل ..

[.hamad.]

الله لايضرك يابطل

الجسم مرتب ماشاء الله بس عضلة الصدر العلوية محتاجة منك جهد ..

واصل وان شاء الله للافضل

[HHSA2002]

ما شـــــــــاء الله تبـــــــارك الله


أستمر يا بطل ، مع الوقت راح توصل للي تبغاه

[Rashid.S]

ما شاء الله عليك جسمك حلو وناشف ،،

ورأيي مثل رأي الكابتن حمد ،، وهو الصدر العلوي ،،

وممكن الحفره الصغيره اللي بالنص تعبيها بالكروس أوفر ،، بس سوي أكس بيدك عشان تشغل الداخلي مو الخارجي ولا تنسى تعصر العضله لما تجي تسكر يدك خلال هذا التمرين ،،

بالتوفيق يا بطل ،،

[لاعب متقدم]

ما شاء الله .. بالمستقبل راح تشكر ربك كثير انك دخلت من بدري باللعبة .. و لو تركت راح تندم ندم كبير بالمستقبل .. بالتوفيق ..
عضلات البطن ما شاء الله ممتازة .. و شكلها الي يحدده الجينات و هذي جينات بطنك .. و عموماً استمر بالي بتعمله ما دامت النتائج ممتازة ..
جسمك فيه تناسق و استمر و استغل هرمونات جسمك بهذي المرحلة و استمر بزيادة وزنك و كتلة العضل ..

إن شاء الله اخوي و أنا أحمد ربي على ما وصلت إلية و إن شاء الله في تقدم ممتاز

[لاعب متقدم]

الله لايضرك يابطل

الجسم مرتب ماشاء الله بس عضلة الصدر العلوية محتاجة منك جهد ..

واصل وان شاء الله للافضل

يسعدني ردك كبتن حمد و هذي ألي أبيه و إن شاء الله أحط على نفسي و أعدل الصدر العلوي و أبذل كل جهدي و شكرا لك

[لاعب متقدم]

ما شـــــــــاء الله تبـــــــارك الله


أستمر يا بطل ، مع الوقت راح توصل للي تبغاه

إن شاء الله اخوي و يسعدني مرورك العطر

[لاعب متقدم]

ما شاء الله عليك جسمك حلو وناشف ،،

ورأيي مثل رأي الكابتن حمد ،، وهو الصدر العلوي ،،

وممكن الحفره الصغيره اللي بالنص تعبيها بالكروس أوفر ،، بس سوي أكس بيدك عشان تشغل الداخلي مو الخارجي ولا تنسى تعصر العضله لما تجي تسكر يدك خلال هذا التمرين ،،

بالتوفيق يا بطل ،،

مشكور أخوي راشد على مرورك و إن شاء الله أسويها

[brown body]

مشاء الله تبارك الله

جسمك ناشف وحلوو

ومثل ماقالو الاخوان الصدر العلوي