اريد نظام عذائي للتخسيس برمضان

[وآآآفي]

معلومات المتقدم بالاستفسار :
العمر : 21 , الجنس : ذكر

الطول :178 متر
الوزن : 123 كيلوجرام



و الاستفسار كالتالي :
السلام عليكم ورحمه الله

اخباركم يا وحوش
ابغى نظام عذائي للتخسيس في رمضان
تعرفون انا لازم افقد وزن كبيييييير جدا للوصول للوزن المثاني فقلت رمضان هذا راح يكون بدايه

عندي سير في البيت وعندي بار و اوزان وعندي دامبلز

يعني التمرين راح يكون في البيت


وبعد عندي ليبو 6 بلاك
ابي استخدمه (بتقولون مو وقته لكني مصررر )

واخر شي الله يعطيكم العافيه يا رجال وبأنتظار ردودكم

[THE CAST]

وعليكم السلام ورحمة الله وبركاته

اخباركم يا وحوش
ابغى نظام عذائي للتخسيس في رمضان
تعرفون انا لازم افقد وزن كبيييييير جدا للوصول للوزن المثاني فقلت رمضان هذا راح يكون بدايه

وبعد عندي ليبو 6 بلاك
ابي استخدمه (بتقولون مو وقته لكني مصررر )

وزنك عالي وماانصحك بالليبو اقترح عليك رمضان تمسك دايت بدونه لاسباب منها
- وزنك عالي والليبو اصلا يستعمل من اشخاص نسب الدهون عندهم مابين ال12-18 او اعلى بقليل
- تأثيره راح يكون كبير عليك كون جسمك يعاني من الوزن الزائد(دقات القلب وغيرها...)
- رمضان ماراح تلتزم بالجرعات لان وضعها صعب

اذا كنت مصر فأجل استعماله لبعد رمضان على الاقل وهذي طريقته
اليوم الاول والثاني/حبه على الريق(تاكل بعد نصف ساعه)+ حبه قبل التمرين بنصف ساعه
الثالث /حبتين على الريق+ حبه قبل التمرين
الرابع/حبتين فكل مره
الخامس/ثلاث حبات على الريق + حبتين قبل التمرين
سادس يوم وانت رايح/ثلاث حبات فكل مره

بالنسبه للدايت في رمضان جاري اعداده الان ...

[THE CAST]

الدايت

مع اذان المغرب / 3-5 حبات تمر من نوع الخلاص او روثانا او رطب عادي + كوب متوسط لبن قليل الدسم
الفطور بعد نصف ساعه(وقت الصلاه ...)
الفطور/ ارز بني كميه بسيطه مقدار صحن صغير + صدر دجاج مشوي او مسلوق + صحن جيد شوربة خضار مسلوقه او سلطه خضراء منوّعه
أو
4 شرائح ديك رومي + 2 شريحه تست اسمر + كاس عصير برتقال طبيعي او اناناس او جوافه
أو
3 قطع سمبوسه بالفرن + شوربة مقدار زبديه(طاسه) متوسطه + صدر دجاج

سناك1 قبل صلاة العشاء(قبل التمرين بساعه ونصف الى ساعتين) / 3 قطع سمبوسه + كميه صغيره سلطه
والتمرين بعد التراويح من ساعه ونصف الى ساعتين واحرص على الكارديو في السير والسبيننغ اذا عندك ...

سناك2 حوالي الساعه 12/ شريحة تست اسمر مع ملعقة طعام فول سوداني + عصير ليمون او فراولة بدون سكر طبعا

السحور حدود الساعه 3 / بطاطا حلوه مسلوقه (جزر يماني) حجم متوسط + صدر دجاج كالسابق + صحن سلطة او شوربة خضار
أو
ارز بني كمية بسيطه + صدر الدجاج او علبة تونا كبيره مصفّاه + سلطه كميه جيده

قبل اذان الفجر / ياليت توفر لك بروتين كازين تاخذ منه سكوب ونصف قبل اذان الفجر مع حليب خالي او قليل الدسم

ايضا ممكن تاخذ من الصيدليه حبوب اسمها بيومارين وهي عباره عن حبوب زيت سمك مركزه مفيده جدا


للتذكير
- الحلويات مثل الكريمه والكاستر والمهلبيه وغيرها ابعد عنها ....
- الغازيات بجميع انواعها
- لاتشرب الماء مع الاكل بل بعده بساعه او قبل بربع ساعه
- اذا حاب تشرب شاي او قهوه ماعندك مشكله لكن استعمل سكر سبلندا او ستفيانا




بالتوفيق

[وآآآفي]

الله يسعدك يا غالي اشوفك تبذل جهود جباره مع كل الأعضاء

بالنسبه لحبوب زيت السمك ذي وش فايدتها وبكم سعرها

وايضا سمعت بحبوب الشاي الأخضر وش رايك فيها

[THE CAST]

آمين واياك

راجع هذا الموضوع
http://www.montada.com/showthread.php?t=694461
سعرها تقريبا 60-70ريال النوع الي قلتلك عليه


بالنسبه لحبوب الشاي الاخضر بعض انواعها ملوثه بماده ناسي اسمها للاسف ..لو تبعد عنها افضل
اشرب شاي اخضر من النوعيه الممتاز افضلك
والشاي الاخضر تأثيره على الدهون موللدرجه الي تسمع فيها ....

[وآآآفي]

الف شكر يا كابتن بس سؤال اخير :
شلون استخدام الحبوب ذي

[THE CAST]

اذا اخذت نفس النوع "بيومارين"
فحبه الى اثنين كافيه يوميا والعلبه فيها 60 كبسوله ..

حبه بعد الفطور + مع السحور .. واليوم الي تاكل فيه سمك قلّص الاستخدام الى حبه فقط

[وآآآفي]

بيض الله وجهك يا الغالي

[nk655]

ابو منصور جزاه الله خير ما قصر كفى ووفى

وبالتوفيق ياوحش