دهون حول منطقة الصدر, وحلها ؟

[Maximuscle]

معلومات المتقدم بالاستفسار :
العمر : 19 , الجنس : ذكر

الطول :174 متر
الوزن : 67 كيلوجرام

نسبة الدهون : 23/2

و الاستفسار كالتالي :
السلام عليكم ,
أخواني أنا جسمي عادي يعني ماهو فآآت ,
لكن عندي مشكله وهي منطقة الصدر :-
هناك دهون حول منطقة الصدر أريد إزالتها إلى أدنى مستوى لأنها مضايقتني .. وعندي كم سؤال بخصوص هالموضوع .

أنا هدفي تضخيم وعداتي وتكراراتي كلها على نظام التضخيم ,
لكن فكرت بتحويل يوم الصدر إلى تنشيف .. يعني باقي العضلات كلها تضخيم, ويوم الصدر ألعب تنشيف لحل المشكله ,
أي مثلاً ألعب أربع إلى خمس تمارين صدر بـ 4 جلسات لكل تمرين وبعدات لاتقل عن 12 ولاتزيد عن 20 تكرار,
هل هذا الحل مجدي ومناسب لإنقاص دهون المنطقة ؟

أيضاً نظام الـ HIIT عن طريق الدراجه ,
هل إضافته للجدول بمعدل مرتين إلى ثلاث مرات أسبوعياً يساعد على التركيز في إنقاص دهون المنطقة ؟

ياليت نصآآئحكم ,
خصوصاً إنه مابي انشف بشكل كامل .. صحيح في شوي بطن لكن مايحتاج نظام تنشيف قوي أو حوارق دهون بإذن الله !

[buraydawi]

ركز على المتوازي ونط الحبل
وقبلهم اكيد التغذية
موفق

[Maximuscle]

تسلم على الملاحظه ,
وراح أضيف المتوازي بشكل مكثف بإذن الله .

أرائكم في جدولي المُعدل ؟

[متعب سعد]

انت شوف خلك على التضخيم بس نقص دهونك المستهلكة من الأكل يومياً ..

وحاول تركز على تمارين الصدر نفس أوزان التضخيم بعدات أكثر ..

أو فيه طريقة حلوة ..

مثلا انت تلعب اربع جلسات او مجموعات , والعدات 12 - 10 -8 - 6

خل آخر جلسة اللي هي 6 عدات خلها مفتوحة ,, يعني الين تتوقف توقف تام من التعب ..

يعني تصير 12- 10 - 8- ( ؟ ) ..

الاستفهام ممكن يكون مكانه 10 وممكن يكون 13 وممكن يكون 15 .. اللي تقدر عليه ..( فوق 6 عدات أهم شي )

أهم شي الأوزان هي أوزان التضخيم ..

وأهم شي التغذية ترى ما راح تستفيد اذا انت تاكل أي شي

موفق

[Maximuscle]

يطولي عمرك أخوي متعب ,
حركه جميله وذكيه .. لكن المشكله أوزان الضخامه خصوصاً العدات الأخيره عند زيادة الوزن ماتقدر تعدي الـ 8 تكرارات !

التغذيه والمكملات راح يتم إعادة النظر وترتيب جدولها بإذن الله بعد تنسيق جدول التمارين .

[Maximuscle]

+ نسبة الدهون من الأكل والمكملات راح أتحكم فيها بحيث لاتتعدى الـ 70 جم يومياً ,
لكن الكالوريز والكارب .. هل يجب خفضهم لحل مشكلة دهون الصدر ؟ > لأنه بدون كالوري أو كارب صعبه الضخامه !

[Maximuscle]

Up, please

[herohok]

اعاني نفس المشكله وجسمي كله خس ماعدل منطقه الصدر.........اعتقد لابد من مراجعه طبيب متخصص او شفط الدهون بعمليه جراحيه

[Rashid.S]

خل الدهون شبة معدومة وتاخذها من مصادرك البروتينية وإضف زيت السمك لتغذيتكـ لتوفيك بالدهون المفيدة في الجسم
وأيضا ممكن ان تضيف الفلاكس سيد اويل ،،

وحاول ان تكون الكاربوهيدرات من العناصر المعقدة مثل : الشوفان البطاطا الحلوة او الخضروات وايضا الأرز البني ،،

[Maximuscle]

كباتن ياليت الإفادة الله يخليكم لأني محتاج للنصيحه ,
الدهون راح أتحكم فيها بحيث لاتتعدى الـ 60-70 جم يومياً ,
لكن الكالوريز والكارب هل أخفضها لحل مشكلة الصدر .. أو إن المشكلة هي الدهون الفات فقط ؟ > لأني في مرحلة ضخامة .

وأكون شاكر لو تعطوني أرائكم أو حلول بالنسبة للجدول .

[Rashid.S]

اذا العندك مو جينو
اجل جسمك يعبي فات تحت الصدر ،، لازم تطنش شوي وقت الضخامة ،،