اريد ان يكون جسمي هكذا كيف ؟

[دموع من دم]

معلومات المتقدم بالاستفسار :
العمر : 15 , الجنس : ذكر

الطول :157 متر
الوزن : 67 كيلوجرام



و الاستفسار كالتالي :
السلام عليكم يعطيكم العافية وكل عآم وانتم بخير استفساري هذه لاصحاب الخبرة اتمنى يفيدوني < انا وزني 67 تقريبآآآ وطولي 157 وانا اخاف اكبر وامتن زيادة ف فكرت اني اتخلص من هالكرش ويصبح جسمي هكذا من الان << لكي لا اجد صعوبات عند التقدم بالسن ارجوا افادتي بمعنى اي مجال ادخل في النادي ووزني مناسب لكي اكون هكذا ؟ و الباقي لكم < ويعطيكم العافية مره ثانيه الصوره تحت

[خانق العبره]

تدخل صالة حديد
تمرن اسبوعيا كل عضلات الجسم+تزبط جدول غذائي متكامل= جسم افضل من هذا ان شاء الله
بالتوفيق

[دموع من دم]

تدخل صالة حديد
تمرن اسبوعيا كل عضلات الجسم+تزبط جدول غذائي متكامل= جسم افضل من هذا ان شاء الله
بالتوفيق

يعطيك العافية ي بعد قلبي وشكرآ ع الرد السريع لكن تتوقع كم المده لكي يصبح جسمي هكذه ؟ بمعني شهر 2 3 4 ؟

[خانق العبره]

الي يحددة المده انتا

كيف انتظامك في التمرين..؟ كيف اكلك ووجباتك الغذائيه ..؟ وكمان النوم مهم للراحه

إذا حققت المتطلبات هاذي ..بتشوف نتايج بأسرع وقت

[السلطان..]

[QUOTE=خانق العبره;7220159]الي يحددة المده انتا

كيف انتظامك في التمرين..؟ كيف اكلك ووجباتك الغذائيه ..؟ وكمان النوم مهم للراحه

إذا حققت المتطلبات هاذي ..بتشوف نتايج بأسرع وقت[/QUOTE]

+كلام سليم.

اضافه:
مثلا انت بدأت انت ومعك واحد من اخوانك أو من اصدقائك وتمشون بنفس التمرينات والتكتيكات وتغذيتكم وحده............الخ.
ممكن إنك يطلع جسم صديقك قبلك أو أنت يطلع جسمك قبله.هذا راجع لجيناتك....................وبالتوفيق ياوحش

[السلطان..]

هلابك أخوي جيتني برساله وأبشر باللي تبيه.

انت ماشاء دخلت بدري للنادي وهذا من صالحك.

شوف لا تدخل ضخامه على طول نزل وزنك بلعب الكارديو مثل الركض والهروله ونط الحبل..........الخ.والسويدي والسباحه.واذا شفت جسمك ناشف خش على الضخامه وراح تكون التكرارات من 8 الى 12 واكيد جسمك راح يزيد عضل مع شويه دهون لا تخاف اذا وصلت لجسم المطلوب نشف تلعب من15 الى 20 تكرار للجلسه الواحده.وقول للمدرب ابي جسم فرنسي أو جسم متوسط نفس الي بالصورةوهو راح يفهمها ناديك من أفضل النوادي بالمملكه المدربين راح يكونون أكفاء إن شاء.
وبالنسبه لعمرك لاتلعب اكثر من 5 تمارين للعضله الكبيرة,و3 لتمارين للعضله الصغيره.

وفي فترة الضخامه راح تكون الوجبات من5 الى6.
أساسيات اللعبه:التغذيه الجيده+التمرين السليم+الراحه التامه=جسم متناسق.ولا تنسى التركيز التركيز.مثلا:اذا كاان عندك تمرين صدر تلعب و عقلك وتفكيرك كله على الصدر.وانت تقول ابي أنحف بسرعه فهذي طريقه خاطئه تنزل وزنك بسرعه وتحرك نفسك من الاكل فهذا غلط غلط راح يسبب لك مضاعفات بجسمك ويجيك ترهلات فمراح تستفيد شيء خل اكلك مركز على البروتينات وقليل من الكاربوهيدرات وخالي الدهون والفيتامينات والمعادن.
وأعلم أن لعبه كمال الاجسام يبيلها صبر وإصرار وعزيمه.
اذا عندك اضافات في الاسئله فأنا جاهز..........بالتوفيق

[بردان1]

خخخخخخخخ

الصورة مضحكة

والاخوان ماقصرو فادوك
بالتوفيق يابطل

[veto100]

اخوي انت عمرك صغير لسى 15 سنه ما ينفع انك تدخل حديد

حاول تمارس رياضه المشي والسباحه اولاً

والاهم انك تنظم اكلك وتبتعد عن اكل المطاعم ( ماك , هارديز ....الخ ) والحلويات والببسي لاني متأكد انها هي السبب في زيادة الوزن عندك ،

صدقني اذا صرت تمشي وتسبح + اكل منظم وخالي من الدهون والسكاكر راح ينزل وزن وعلى بال ما توصل 18 سنه ان شاء الله يكون وزنك حلو وقتها تقدر تدخل حديد وتبني جسمك مثل ما تحب

بالتوفيق