تشققات في الأكتاف؟

[Could I DO IT]

معلومات المتقدم بالاستفسار :
العمر : 18 , الجنس : ذكر

الطول :178 متر
الوزن : 72 كيلوجرام



و الاستفسار كالتالي :
السلام عليكم.

شباب أنا من سنه تقريبا بعد ماصرت أخذ مكملات
شفت ألاحظ شقوق خفيفه تحت الأكتاف في كلتا اليدين
وزاد خوفي منها لما وصلت هالتشققات الى عضله الباي
تشققات باللون الأحمر هي مو باينه مره لكن حبيت استفسر عنها
لان الوسواس صار يأخذني بعيد حتى كنت افكر اترك المكملات نهائيا.



نصائحكم لاهنتم. *

[Rashid.S]

وعليكم السلام ،،

هل زدت زيادة وزن سريعه أو كنت سمين ونحفت أو انت سمين ،،

هذه بعض الأسباب ويفضل ترفق الصور ،،

[خانق العبره]

عاديه جداااااااااا

هيا تشققات في الجلد.....وعندي في عضله البااااااي وكثيره

لا تشيل همها ..موفق يا بطل

[اختصاصي]

صباح الخير اخوي

هالتشققاات يعني انه العضله كبرت
مثل فلسنه الجلد يتمدد كذا سنتي ... لاكن انته جبرته يتمدد اكثر والسبب انه الباي كبر
اول ماطلعلي التشقق قلت يمكن حساسيه راجعت المدرب قالي الباي عندك كبر لانك مره وخده انتفخت
تري هيه تلاحظ بلبشره البيضه والحنطيه اكثر عن السوده

[اسـم العضو]

انا من شهور ما فارقني ها التشقق .. يوم توقف التمارين يتحول للبني ويختفي ويوم ارد للتمرين يرد مره ثانيه .. بالعكس انا كل ما اشوف التشققات استانس واتحمس

[mr.911]

ما قصرو الشباب لا تحاتي هالموضوع هذا دليل على تمرينك الصحيح والعضلة جالسه تتوسع

[benGo]

التشققات او علامات تمدد الجلد وهي الستريتش مارك تظهر
عندما الجلد يتقلص بمعنى اذا كنت سمين ونحفت راح تظهر
اذا كنت في مرحلة ضخامه ونشفت راح تظهر ، والبعض
وخاصة اللي بشرتهم بيضاء مثلي تضايقهم وتبان
فعندك كريمات أو زيوت تخفف من الخطوط هذه مثل
الكاكاو + زيت الزيتون .
وتقدر تشيلهم على جلسات بالليزر اذا مره مزعجتك ولكن مانصحك

وبالتوفيق

[mr.911]

يا جماعه ترى مو شرط اساسي سبب التممدات يكون الانسان سمين وضعف صحيح في اسباب كثيره لهذه التمددات مثلا انا يوم كنت ضعيف ووزني 56 وطويل لكن جسمي كان كلللللله تمددااات اغلب المناطق

ومازالت موجوده يعني الانسان السمين و الضعيف ممكن يتعرض لهذه التمددات لكن احب انوه من رايي الشخصي في فرق بين التمددات والتشققات

موفقين جميعا