ودي اضعف شبآب سآعدوني لاهنتوآ

[حلمي فرنسي]

معلومات المتقدم بالاستفسار :
العمر : 21 , الجنس : ذكر

الطول :178 متر
الوزن : 142 كيلوجرام

نسبة الدهون : 50.2

و الاستفسار كالتالي :
السلام عليكم

انا امس رحت vlcc للتخسيس ..

عاد سوو لي فحوصآت لاني نويت انزل من وزني لاني متنت لدرجه كبيره ..

صرت اذا اصعد الدرج ركبي تعورني ..

المهم هذي ورقه الفحوصات ..






مثل ماتشوفون مكتوب ف الورقه المعلومات المهمه مالتي حطيت عليها دائر بالاسود ..

ويمها خط احمر اللي اهو الرقم الطبيعي ..

وزني 142 بينما الطبيعي من 60 لين 80 تقريبا ..

الكتله العضليه عندي 40 كيلو ..

والدهون والشحم وزنه 71 كيلو .. !!

نسبه الدهون بجسمي حسب فحوصاتهم 50.2% !!!!

وعندي مآي محتبس بجسمي .. تقريبا الماي 52 كيلو ف جسمي .. بينما الوزن الطبيعي المفروض يكون 40 لين 47 كيلو ..

وآخر شي عمليه الايض عندي 1903 بينما عمليه الايض الطبيعيه لطولي المفروض تكون من 2700 لين 3200 تقريبآ !!

يعني عمليه الايض عندي وآآآآآآآآآآيد نآزله ..

الحين بتقولون لي انزين شنو المطلووووب عقب كل هالارقام والبيانات ؟

المطلووووب ابي جدول تمآرين وابي جدووووول غذآئي من المختصين و من اصحآب الخبره والابطآل ..

شباب ابي انزل اقل شي 20 كيلوو قبل تآريخ 1/1/2012 بآذن الله اذا ربنآ عطآني وعطآكم عمر لذلك التاريخ ..

اعرف بتقولون مو زين تنزل بسرعه وجي .. لكن انا مليت وابي انزل ع الاقل بسرعه ف البدايه عشان يكون لي دافع قوي اكمل ..

وعندي آخر استفسآآآآر .. شنو آحسن حآرق دهون اقدر استعمله ..؟؟

ليبو6 ؟؟ ليبو6 اكس ؟؟ ليبو6 بلاك ؟؟

او شي ثآني ؟؟

ابي حآرق دهون جبآر ومآآآله ااثار جآنبيه ..

ابي مسآعدتكم يالذيآبه الله لايهينكم ..

نآطر ردودكم بآسرع وقت لاني ابي اشتري حارق الدهون هاليومين ..

[jawad07]

اخوي انشاء الله الاعضاء يجاوبونك لاكن انا عندي سواال من فين سويت هذا الفحص (الموقع الله لا يهينك وبكم السعر )

[shop.sport]

السلام عليكم اخوى ممكن تستخدم OXYELITE PRO افضل من الليبو وليس له اثار جانبية

[حلمي فرنسي]

اخوي جواد رحت شركه خاصه اسمها vlccهالشركه تقدم خدمات التنحيف وهالسوالفقالو لي ادفع 400 دينار يعني 4000 ريال لمده شهرين وبآذن الله ينزل وزني من 30 لين 40 كيلووهال400 شامله التنحيف وشد الجلد المترهل بآجهزه خاصه بدون جراحهلكن الحاله تعبانه وبصراحه ماعندي 400ف بشترك ف جيم ..اخوي شوب سبورت مشكور ع المعلومه ونآطر بآقي الاعضاء

[abu kinan]

ابدا ما يصلحلك اي حارق دهون بتاتا واياك ثم اياك تستعمل حوارق دهون لأنها بتسببلك رفع بضغط الدم اللي هو اساسا بيكون مرتفع عندك بسبب زيادة الوزن

مختصر الكلام كل شي يلزمك هو الالتزام بالرياضه المناسبه لوضعك من تمارين الكارديو اللياقة والتأكيد على تلك التي لاتسبب لك ضغط على الركبه ( يعني تبتعد عن السرعات العالية بالسير )
اضافة الى دايت صحي يفيدونك فيه خبرا ءالتغذية بالمنتدى

[حلمي فرنسي]

هقوتك مايصلحون لي ؟

تسلم ع المرور والتعليق ..

ونآطر بآقي الاعضآء ..

[abu kinan]

اكيد ما يصلحلك وانا اخوك

[الـــســـامـــر]

باول تقدر تاخذلك زيت السمك هذا زين حق الركب راح تفيدك


وخلك من حوارق دهون انت تقدر تنزل وزنك بدون هالحوارق باول ركز على تغذيتك وابتعد عن مشروبات الغازيه والحلويات والملح وسكر


والعب سويدي وكارديو وحديد بعدات كثيره علشان مايصير ترهل في جسمك


وصدقني انشا الله بتنزل وزنك وعندك كريم جديد اسمه كريم amilean يمدحونه ناس كثير سعره تقريبا 20 دينار

[الناعسي]

عشان الترهلات
بعد ما ينزل وزنك ويخليك بالشكل اللي يسمح لك بالجري فلا تقطع الجري نهائيا لان الجري هو اللي بيشد الترهلات بقوة باذن الله

نظامك الغذائي خله على ست وجبات صغيره مكونه من بروتين عالي + كارب معقد قليل + دهون مفيده اقل
نظامك التدريبي يوم كارديو قوي ويوم حديد تكرار عالي من 15 وما فوق بوزن خفيف الى متوسط على 3 او 4 مجموعات اللي تقدر عليه بس مو اقل

وشف الكباتن اصحاب الخبره والله يكتب لك اللي فيه الخير

[حلمي فرنسي]

تسلمون والله افدتوني بشكل كبير ..

ونآطر بآقي النصآيح ..