كم سعرة حرارية وكربوهيدرات للتنشيف مع أنيمال كت

[Ahmed559]

معلومات المتقدم بالاستفسار :
العمر : 31 , الجنس : ذكر

الطول :175 متر
الوزن : 85 ك كيلوجرام

نسبة الدهون : 22%؟

و الاستفسار كالتالي :
السلام عليكم
اخواني بدأت دايت شديد مع أنيمال كت للتنشيف
فحبيت أعرف كم سعرة حرارية مسموح لي في اليوم وكم كربوهيدرات وكم قرام دهون؟ مع ذكر بسيط للأطعمة ولاهنتوا
بالنسبة للكربوهيدرات أبحاول أخليها قبل التمرين بس لأني بصراحة مالي الا 3 أيام وأحس بإرهاق في وقت التمارين على غير العادة وأتوقع بسبب قلة الكربوهيدرات ويمكن شبه معدومة في الدايت اللي أنا فيه
الدايت اللي أنا عليه مثل التونة بالموية والملح ( وهذه مناسبة للحفاظ على الكتلة العضلية مع قلة الدهون اللي فيها)
وسلطة خضروات خضراء وحبة تمر باليوم
عارف انه دايت سيء للصحة ولكن كلها مدة بسيطة بس اللي يقدر يساعدني بذكر الأطعمة اللي ممكن تساعدني على التنشيف يسوي فيني خير
تحياتي لكم

[Rashid.S]

وعليكم السلام ،،


كل كارب معاد اخر وجبه ،،

خل كاربك كله كمبلكس ولا تاكل منه كثير ،،

البروتين 2 غرام لكل كيلو
والدهون شبه معدومه اي ما يأتي من المصادر البروتينه ويمكن اضافه قليله مثل ملعقة طعام من زيت الزيتون او زبدة الفول السوداني مره في اليوم ،،

التمارين :- لازم تلعب كارديو كويس مرتين باليوم او مره HIIT
الحديد يكون على مجهود عالي ،، سوبر سيت ودروب وتراي سيت FST-7

[Ahmed559]

مشكور على الرد وبإذن الله أسوي اللي أقدر عليه :-)

[fares allil]

حاول في البداية

انك تقلل حوالي 500 سعرة من الكارب اللي تاكلة...بما يعادل 125 جرام كارب..
في البداية لا تسوي كارديو...وزنك بينزل من دون كارديو..و اذا شفت النزول بدأ يبطأ..ذيك الساعة دخل كارديو خفيف..راح تشوف النزول يزيد عندك من جديد..و اذا علق عليك الوزن مرة ثانية..
دخل تمارين الـ HIIT و ان شاء الله تكون وقتها
وصلت للهدف..و إذا ما وصلت و علق عليك الوزن..اتبع طريقة الكايتو دايت..اللي هي..يكون يومين يكون دايت قاسي يكون فيه كارب قليل جدا..50-100 جرام في اليوم..و اليوم الثالث..ترجع تاكل كارب بشكل طبيعي..و تستمر عليها لمدة أسبوعين كحد أقصى عشان لا تخسر عضل كثير..وهذا الدايت لا تستخدمة إلا إذا وصلت نسبة الدهون عندك إلى 10% و نقول تبي تنزلها إلى 6%..بس تراها راح تخسرك بعض العضل بشكل عام..عشان كذا لا تطول فيها

[Ahmed559]

فارس الله يعطيك العافية على المعلومات القيمة
طيب أنا بمشي على كلامك ومابسوي الكارديو وأصلا مابديت الا من 3 أيام
السؤال وش أسوي قبل رفع الأوزان وبعدها؟ ينفع أمشي 5 دقايق سير وبعدها تمارين بطن وبعدها رفع أوزان وبعدها مشي سريع على جري قليل؟؟

[fares allil]

الأفضل..
هو تبدأ بالتسخين 5 دقائق...بعدها تلعب برفع الأوزان..بعدها البطن..و فيه البداية مثل ما قلت لك ما تحتاج مشي او جري...
وزنك راح ينزل..لكن بعدين اذا تبي تضيف المشي او الجري..خلة اخر شي..

الفكرة بأنك تمشي بالتدريج هي ان الجسم يحاول يتأقلم مع عدد السعرات اللي تحرقها و بعدها تقل سرعة الحرق عندك
فلو بديت على طول..دايت قليل السعرات مع كارديو و HIIT بعد اسبوعين راح تشوف جسمك بدأ يتأقلم..
بعدها صعبة انك قلل السعرات أكثر و هي بالفعل قليلة..أو انك تزيد مدة الكارديو..و انت من الأصل كنت تلعب مدة طويلة..45 دقيقة مثلا!!
و لو زدت المدة أكثر ممكن تعرض نفسك لفقدان العضل