انا اقولك
في ناس تحب جير لفل 70 وانا واحد منهم , ولكن اللي عنده الجير تشوفه قاطه بالبنك لأن ماله معنى يلبسه في لفل 85 , بليزرد الحين حطت خدمه انك تغير الجير مالك من اللي انت لابسه الى اي شكل ثاني تحب , والناس اللي محتفظه بالجير القديم مثل تاير 4 و 5 و 6 راح وغيرت شكل الجير فقط الى القديم
في ناس نفس حلاتي لما شافت ان الجير ماله معنى باعته قبل مايعرفون ان في راح تكون خدمه تغير شكل الجير لأي شكل تحبه
التغيير لازم يكون عندك الجير القديم عشان تغير شكل جيرك , يعني مثلا لو انت وورلوك وتحب شكل تاير 6 اللي يطلع جنحان لازم يكون عندك موجود وتاخذه تروح للي يحول الشكل ولما تكلمه يفتحلك مربع فيه خانات للقطع اللي تبي تغير شكلها , انت تحط القطع كل وحده في مكانها وتضغط اوكي وتغير شكل الجير
هذي السالفه كلها , لكن اللي انا ضفته بالموضوع ان الحين لو عندك اطلس لوت و تدخل على جير الpvp ايام لفل 70 ماتشوف الا البروتال واللي تشتريه من البياع في تاناريس , والتاير 6 او الفانجفل راح تشوف مكتوب تحته no longer available يعني خلاص راح من اللعبه
اما تاير 4 و 5 موجودين بس يبيلك تروح تلعب رايدات القديمه لفل 70 مثل كارازان و ماجذريدون و جرول لير , واذا تبي تاير 5 لازم تلعب ssc و the eye واذا تبي تاير 6 تلعب بلاك تمبل و هايجال
بالطريقه هذي تحصل الجير لفل 70 وتروح تغير شكل الجير مالك , اما بالpvp ماتقدر تشتريهم خلاص , راح تحصل بس بروتال واللي اهو اخر جير نزل بي في بي للفل 70
ولكن في بياعين يبيعون الجلاديتر واللي شكله نفس تاير 4 و الميرسلس اللي شكله نفس تاير 5 ولكن تشتريهم بالتوكن اللي يطيح من الرايد , يعني بالعربي لازم تدخل رايدات عشان تجمع القطع , لأن الجلاديتر والميرسلس مو بالنقاط تشتريهم نفس ماهو معروف
اما الفانجفل واللي يشبه تاير 6 هذا راح من اللعبه
انا هني بالموضوع هذا اقول ان في مكان وحيد في ووركرافت يبيع كل الجير الخاص للفل 70 واللي يشبه التاير 4 و 5 و 6 وهالبياع اهو الوحيد الموجود حاليا ولا احد طاح عليه تدري ليش ؟ لأنه جوبلن والجوبلن لهم مدن يعيشون فيها مثل جادجزن اللي في تاناريس و ايريا 52 اللي في تويستنق نيذر وغيرها من المدن
فاللاعب من اللاعبين يقول ليش اتعنى واروح اوتلاند اشوف شنو الجير او اشيك شنو فيه دام ان الجير يباع في المدن الرئيسيه لنا , واذا ابي الجير القديم لفل 70 و 80 و حتى 85 اروح تاناريس لأنها الاقرب واشوف الجوبلن شنو عندهم , لما يشوف ان لفل 70 اخر شي موجود البروتال يقول بعد ليش اروح ادور اذا في غيره
واساسا هم الجوبلن يبيعونه ولو موجود كان اعرضوه لنا
هذا اللي خله الناس ماتروح لarea 52 وتشوف الجير هناك , عرفت شلون
الحين انا اقول للي يحبون شكل الجير القديم تاير 4 و 5 و6 لاتتعبون نفسكم وتروحون تبحثون عن رايد عشانه ولا تفقدون الامل منه وتشوفون ناس لابسه جير قديم عندهم وتقولون ياليت عندنا نفسه
الحين انا قلتلكم المكان وانتوا روحوا الحين وشوفوا الجير واشتروه اذا تبونه وعاجبكم
فهمت الموضوع ولاتبط جبدي عشان ما اشخطك بالاسأله
