اذا اكلت الأكل الي ابيه اصير قووي في الجيم !! بعكس الأكل الصحي !! ارجوا الافاده

[كبسه]

السلام عليكم

بعد مانشفت جسمي وراح الكرش والدهون بعد عناء استمر لمده 3 شهور دايت ورجيم وصل وزني للوزن المثالي اواستطيع العب حديد لكن لكن هناك مشكله تواجهني من 3 سنوات !!
كل مانقص وزني والعب حديد يرجع وزني يرتفع بسرعه يرتفع بشكل سريع !!
تقولوا أكل اكل صحي والعب حديد اقولكم جربت اخلي اكل صحي ووزعته على 5 وجبات (( صدور دجاج + تونه + مشاوي+ البان اجبان قليله دسم حبوب مكسرات وووالخ ))
رائيسيه لكن المشكله بأني ماقدر ارفع اوزان اذا اكلت اكل صحي ونفسيتي تنسد ماكون في ذيك القوه! ودخل الجيم ومالي نفس العب وتمرن!
جربت اكل اكل عادي (( كبسه + رز + مكرونه + صدور دجاج + مشاوي واي شيء يخطر في بالي )) وفعلاً لحظت اني في الجيم اصير وحشششش واشيل اوزان ونفسيتي تكون ممتازه

ابي الحل الله يوفقكم هل اكل الأكل الي ابيه واتمرن وبكذا ماكسب دهون يعني الأكل يتحول الى عضل !!
لإني اذا اكلت كل شيء نفسيتي تكوون عالي ارجوكم افيدوني

[كبسه]

اسف طرحت الموضوع في مكان خطاء اتمنى من المشرف القدير حمد مشكوراً نقله الى قسم الأسئله والاستفسارت لإني ماعرف انقله وجزاكم الله خير جميعاً

الوزن 89 الطول 185

[.hamad.]

فالك طيب اخوي

[fares allil]

أخوي المفروض تركز على النشويات قبل التمرين و ليس على المشاوي و الدجاج
و الأرز يعتبر من النشويات الصحية...المفروض تاكل رز او معكرونة او خبز قبل التمرين...لكن لازم تحدد الكمية بحيث انها ما تزيدك دهون..
أنا شخصيا آكل كوبين رز و صدر دجاج..و مستمر على هذا الشي و الحمد لله وزني يزيد..لكن يزيد عضل..مو دهون..و كذلك أحس بطاقة عجيبة أثناء التمرين

كل اللي تبي يا عزيزي..لكن أهم شي الكمية...
يعني لما تاكل رز...لا تدق بالخمس و ما تقوم الا لما تحس ان الأكل وصل لين حلقك..
لازم تحدد كمية معينة و تجربها لمدة اسبوع او اسبوعين...و اذا ما زادتك دهون..استمر عليها..
اما اذا فيه زيادة دهون..حاول تنقص من الكمية شوي...
و زيادة الوزن مو شرط يكون معناها انك دزت دهون..ممكن يكون عضل او ماء..عشان كذا خذ صورة لجسمك بين كل اسبوعين او كل شهر
عشان تعرف اذا انت ماشي عالطريق الصحيح ولا لأ

[العاشق M]

ماقصر الاخ معاك
بس ترى السالفه كلها قنعات الشخص نفسه
على فكره اكلك الي تقول تفتح فيه اغلب الي ذكرت كله ممتاز بس تبعد عن الدهون
حاول تاكل سكريات اقصد حلى او قهوه مع كارب قبل التمرين

[mr.m0hamed]

بكل بساطه تناول الكاربوهيدرات قبل التمرين وبعدها تناول البروتين لآفضل النتائج
امثله على الكارب (الارز-الماكرونه-الخبز-عسل-كيك مثلا)

[كبسه]

جزاكم الله خير جميعا على الردود

[jkd1]

فعلا كلامك صحيح ومضبوط
والسبب إن أكلك الصحي مافيه الكميات الكافية من الطاقة وغيرها الي موجودة في الكارب والدهون وهالشي عادي وأنا مريت فيه
وإلا وش فايدة مكملات البور الي ماليه السوق والي تعطي قوة تساعد الواحد في حال التنشيف أو الضخامة على حمل الأوزان؟
نقطة مهمة :زيادة الوزن حتى مع وجود دايت أو زيادة في الوزن معناها إن شغلك صح وإن جسمك يبنى عضل فأكيد بيكون فيه زيادة أو ثبات للوزن
بالتوفيق