افكر استورد مكملات من امريكا مباشره

[الحقيقة لا غير]

السلام عليكم ورحمة الله وبركاته
ازملائي ( لووول ) موضوعي مثل مانتم شايفين لكن للحين مو اكيد تعرفين فيه تعقيدات كثير لكن حاب اعرف وش اكثر المكملات الي مطلوبة
واذا الله يسر وبديت في الموضوع للامانه ماراح اكذب واقول مادور مكسب لا والله ادور مكسب يعني اسعاري بتكون اغلى من السوق لانه راح تكون قيمة الشحنه علية والكميات ماراح تكون كبيرة بس ان شاء الله كل شيء بالفواتير يعني كل شحنه تجي راح ارفق صورة للفاتورة
بس منتظر دعمكم وارآكم ووش الاشياء الي مطلوبه في الاخير انا ادور مصلحتي قبل كل شيء

مره ثانيه الموضوع ماتاكد لكن اول مايتاكد راح اعطيكم خبر مباشرة وراح ابين الالية الي اتعامل فيها

ملاحظة : الموضوع جزء منه معرفة وش اكثر المنتجات المطلوبة
والله يوفق الجميع

[العشق الازلي]

اول شي الله يرزقك ..ثاني شي لك معرفه في الجمارك يمشيها لك ؟بصيغه ثانيه : هل تتحمل تكاليف اي شحنه تتصادر ؟

[نااس على نااس ت]

زي ماقال الكابتن اذا متاكد من دخولها 100% وقتها استورد من امريكا غير كذا بتخسر كثير من الجمارك

[the rock 911]

منتج هيدروبلدر من اوبتميوم . . . منتج رائع وغير موجود + ركز على المنتجات الغير متوفرة عند الشباب بالمنتدى + المنتجات ذات الاوزان الخفيفة (اوفرلك بالشحن)
واخيرا تاكد من الجمارك . . . .
ولو تبغى رايي قبل ما تاخد فلوس من احد ويصير مشكلة بالجمارك جيب شوية اغراض مطلوبة دايما(يعني عليها طلب) مع الفواتير وشوف بتمشي من الجمارك ولا لا وبالحالتين الاغراض مبيوعة

[لؤي طارق]

جيب الاشياء الصغيرة اللي ماتاخد وزن

ملتي فيتامين - zma - كرياتين - omiga3 - حوارق الدهون ... والاشياء الصغيرة اللي ع شاكلتها

البروتين وزن الشحن حيقسم الظهر , مثلاُ السيرياس ماس 5كيلو ( اول كيلو بـ 50 ريال وكل كيلو بعد اول كيلو بـ 25 ريال ) يعني الشحن بس 150 ريال ,, غير الشحن الداخلي في امريكا وغير قيمة المنتج وغير قيمة مكسبك ^_^

وربي يوفقك

دمت بود

[الحقيقة لا غير]

الله يعطيكم العافيه
انا عارف انه البروتين بالاخص يكسر الظهر بسبب قيمة الشحن لكن احتمال اوفر نوعيات معينه لو فيها مكسب معقول يعني مصلحتي قبل كل شيء وثاني شيء توفير اصلي بالدليل الفاتورة بمشيئة الله
عموما وش رايكم بمنتج مصل فارم اسولت



يغنيك عن الاحماض والكرياتين والسيترولين ؟

[الحقيقة لا غير]

على فكره هو ماخذ 8.9 من 10 يعني ممتاز

[Dr.H.A.E]

اسمع عنه كلام حلو ,, وبدي بلدنق يمدحونه كثير ,, ونفسي اجربه

[الحقيقة لا غير]

ياشباب المنتجات الجايه باذن الله راح تكون التالي
اسولت الجديد Assault


راح يغنيك تشتري كرياتين فيه جرعه كامه وكرياتين كونكريت بعد ويغنيك تشتري الاحماض زي اكستند لانه يحتوي معدل احماض 3:1:2 مو مثل اكستند وان كان اكستند ممتاز

المنتج الثاني الجديد راح يكون ميوفيوجن الجديد


طبعا بروتين خليط كازين مع بيض مع وي بروتين يعني في اي وقت ينفع ومايحتاج تشتري بروتين ثاني عشان بعد التمرين وقبل النوم

المنتج الثالث سيل تيك


المنتج الرابع

اورانج ترياد ملتي فيتامين 3*1
1- ملتي فيتامين
2- للهضم
3- للمفاصل ي
يعني كانك اشتريت 3 منتجات وغير كذا يكفيك 45 يوم مو مثل باقي الفيتامينات

طبعا هذي اول شحنه اول ماراح توصل راح افتح موضوع لانه للامانه خايف اني قاعد اخالف شروط المنتدى بس عموما حبيت ابلغكم خاصة الشباب الي يدور جديد ومضمون وطبعا الي عنده لغه راح يعرف انه المنتجات ذي جدا ممتازه ويقدر يسوي سيرش ويشوف كلام الاجانب عنها وبعضها طبعا انا جربتها
وادعولي يا شباب الامور تكون تمام عشان نضبطكم بالجديد

[العشق الازلي]

موفق ان شاءالله ، شلون تبي تدخلها هل تعرف احد يدخلها لك او ع البركة ..

[.hamad.]

ان شاء الله يمشي الموضوع معاك وتفيد الشباب وتستفيد

بالتوفيق اخوي

[لؤي طارق]

الله يسهل امورك وتعدي ,,

دمت بود

[الحقيقة لا غير]

ابشــــركم جت البض

[الحقيقة لا غير]

ابشركم جت البضاعه وراح اعلن عن اسعارها قريب وترا الكمية بسيطه

[bam bam]

الف مبروك وصول الشحنه اخوي

وبكم ميوفيوجن وايش النكهات ؟

والايسلولت كم سعرة؟