طالبوا معنا بريليم عربي

[راعي بدية]

لو سمحتو ساعدوني في المطالبة بسيرفر عربي للعبة بالرد في هذا الرابط

http://eu.battle.net/wow/en/forum/to...35585?page=1#6

[Shotgun879]

أيه شباب لو سمحتوا طالبوا معنا أنا الي كاتب الموضوع وبعض الأصدقاء يساعدوني في الردود
ياليت لو كل واحد يدخل ويأيد طلبنا
يله شباب الهمه

[schneelol]

انا بحاجة الى account قى battle.net اريد ان العب مثلكم warcraft و صراحة انا فقير ابى لا يستطيع ان يدفع المال .. اريد ان العب فى سؤفر stomscale فادا كان احد لديه account و لا يحتاجة يرسلو لى على اميلى yanschee@web.de و شكرا جزيلا

[Karazhan]

الشركه مو بحاجه انها تسوي سيرفر عربي

الشركه اصلا ما عملت اللعبه للعرب , وانا كلمت شخص باللعبه اوربي وقلتله اني مااعرف انجليزي , رد علي رفيجه معانا بالقروب قال مستحيل انتوا العرب 90% منكم يعرف انجليزي

الشركه لو حبت تسوي سيرفر عربي راح تحتاج الى مترجمين وتكاليف زياده , يعني تخيل يترجمون كل شي باللعبه الى العربيه , من كويستات وقصص و لهجه مثل الحوارات اللي تصير بين الشخصيات و تحتاج سيرفر جديد عشان يلعب فيه 5 الاف لاعب بس

يعني تبي بليزرد تسوي كل هذا عشان 5 الاف لاعب ؟ انا وغيري ماراح ندخل للعربي لأن راح يكون ميت , يعني تخيل 5 الاف قسمهم على هورد و الاينس و راح تشوف العالم فاضي ولا في حركه نفس السيرفرات الثانيه

ثاني شي الباتل جراند راح تنتظر اسبوع عشان يفتح , واذا تروح رايد او قروب انطر متى يجي الدور , هذا غير ان العرب نفسهم راح يسوون شخصيات بالسيرفر ولكن راح يظلون في سيرفراتهم الاصليه عشان الحركه و النشاط هناك

يعني انا اعتقد ان مشروع ماراح ينجح و بليزرد اظن فكرت بالشي هذا وقالت ماتسوى نسوي الفكره , خصوصا وانها شركه تبحث عن المال مقابل الشي القليل , يعني يصنعون لعبه على لغتهم و تدر عليهم الاموال الطائله هذا يكفي بالنسبه لهم

غير ان اللعبه شارفت على الانتهاء واذا ما انتهت راح تقتل من قبل الالعاب الاخرى , العاب النظام الجديد اما ووركرافت نظام قديم من سنه 2004 يمكن الى الان والنظام تستخدمه وتحاول ترقع فيه من راندوم باتل جراند و رايد و دنجن

يعني مااتصور انهم راح يدفعون فلوس عشان يضيفون شي كبير مثل اللغه العربيه في هذا الوقت

[Karazhan]

انا بحاجة الى account قى battle.net اريد ان العب مثلكم warcraft و صراحة انا فقير ابى لا يستطيع ان يدفع المال .. اريد ان العب فى سؤفر stomscale فادا كان احد لديه account و لا يحتاجة يرسلو لى على اميلى yanschee@web.de و شكرا جزيلا

في لعبه اسمها سيلك رود يقولون مجانيه

اذا كلش كلش في لعبه اسمها ترافيان هم مجانيه

او انك تنتظر العيد و تحافظ على العيادي لغايه ماتنزل لعبه جيلد وور وتشتريها لأنها مجانيه بدون اشتراك شهري

وان شاء الله نلعب مع بعض

كلش كلش روح سوق شعبي اشتر تيل والعب طنب بالبراحه

هم لعبه مجانيه

كلش كلش كلش اخذ شوارب ابوك وروح لأصاحبك فيه العبوا شد الحبل

هم مجانيه

كلش كلش كلش كلش

صجم , يعني نقف , يعني حط اصبعك بخشمك و تعبث فيه

هم لعبه مجانيه

واذا ماقدر تسوي اي شي من اللي فوق

في حل اخر

تصير مجرم , وطبعا هذي الشغله يبيلها رجل شهم وشجاع واذا انت مو شهم وشجاع لاتسويها

تروح المجمع المخصص للألعاب , ان كنت كويتي روح مجمع الرحاب بحولي , وبالليل اسرق المحل واسرق لعبه ووركرافت و كروت الاشتراك , اسرق 100 كرت ل10 سنوات لعب متواصل و بيع شوي واشترك فيهم جولد

واعتبر موضوعك منتهي , ولاتنسى تسوي مسابقات هني وتوزع كروت

بالتوفيق وعقبال التجاره بالصنف

وثق تماما ان مشوار المليون ميل بخطوه , اول ايامك سارق صغير وبعدين تترفع وتسرق سيارات وبعدين بيوت ومجوهرات وبعدين الله يفتحها عليك وتسرق بنوك وبعدين تصير معلم وتسرق حكومات واملاك دوله

بالتوفيق والى الامام ولا تخاف اهم شي لاتخاف لأن كلنا كنا نخاف بالبدايه بعدين صرنا زينيين وتعدينا هالمرحله و سرقه املاك الدول , الحين نسرق اعضاء بشريه من المستشفيات مثل قلوب و كلى وغيرهم ونبيعهم لأوربا وامريكا

ونطمح اننا نسرق بشر بكامل اعضائهم ونبيعهم بعد

[zezoQ9]

ولد بطنها

اذا صارت اللعبة بالعربي
راح يزيدعدد الاعبين لأنو كثير ما يلعبو اللعبة بسبب حاجز اللغة
وراح تزيد شعبيتها عند العرب

[Yoshi]

الشركه لو حبت تسوي سيرفر عربي راح تحتاج الى مترجمين وتكاليف زياده , يعني تخيل يترجمون كل شي باللعبه الى العربيه , من كويستات وقصص و لهجه مثل الحوارات اللي تصير بين الشخصيات و تحتاج سيرفر جديد عشان يلعب فيه 5 الاف لاعب بس

كلامك غلط !

يعني هذول هم فتحوا سيرفرات صيينيه ؟ وسيرفرات فرنسيه والمانيه وكوريه وغيرها من السيرفرات
ماراح تكون صعبه على بليزرد انها تسوي عربيه بالعكس .. لو هي تبغى كان تجرب وتسوي سيرفر باللغه العربيه وابصم على العشرهـ
ان السيرفر راح يكون FULL من كثر الناس اللى تلعب فيه

تخيل تروح تقابل ال Death Wing بعدين يقول لك
مالذي تفعله هنا هيا انقلع عن وجهي هههههههههههههههههههههههه
ههههههههههههههههههه

برب

[love2002]

الصراحة نحن العرب مو وجه نلعب واو .. اكثر ناس تسوي نينجا ومشاكل نحن العرب
وما اتوقع انه فيه احد بيلعب في العرب خاصة ان اغلب المصطلحات الانجيليزية صعب تترجمها للعربي

وتخيل كيف الواحد بيكلم صاحبه بالعربي .. اكيد شوي صعب وفوق عندك فوق ال20 لهجة عربية وصعب تلاقي احد يتكلم عربي
يعني تخيل واحد يقول .. هنا وليمة تعالو كلوا ! هههههههههه او واحد يسويلك whisper هل لي ببعض الماء " المانا" ولا ميج يقول ط اسحره غلى شاة او معزة "
يا اخي انقلبنا الكواسر والجوارح

[xDeathbrandx]

الموضوع حقك بموقع بليزارد تقفل ولا كان شاركت فيه

صراحه انا ما اشوف انها صعبه فلوس بليزارد واجد يقدرون يحطون لنا واحد بالدول العربيه مثل الامارات بما انها دوله معروفه سياحيا

ولا يترجمون ولا شي خلنا نكتب انجلش معرب

اهم شي ياخي نفتك من اللأأق اللي لاعب فينا بالبي في بي

تنافس الناس الاوروبيين وهم تقول يلعبون قيم بوي
وانت كل ثانيتين يالله تطق حركه

[arlund]

في شعوب واجد مالها realm خاص فيها
dutch و finnish و sweedish و و و و و وووو arabs

بعدين يا اخوي في أشياء احس انها ما تترجم مثل druid او paladin ....... paladin ترجمته فارس الضوء او فارس الكنسية ؟! طيب خلنا نترجم priest ...... لول
اوكي خلنا نترجم السبلات ... divine shield اممممـ الدرع المقدس لول
اوكي خلنا نروح للـ warlock ....... اممممـ الساحر الأسود لووووول ؟! الـ demons حقينه بنترجمها الى شياطين ....... والله ما تجي

الصراحة نحن العرب مو وجه نلعب واو .. اكثر ناس تسوي نينجا ومشاكل نحن العرب
وما اتوقع انه فيه احد بيلعب في العرب خاصة ان اغلب المصطلحات الانجيليزية صعب تترجمها للعربي

كلام مية مية ...... أغلب العرب ماخذين اللعبة على أنها مسألة شخصية يمكن توصل الى الهواش و الزعل على لوت او مونت
بدون إساءة ..... أغلب العرب اللي قابلتهم في اللعبة يبون جولد أو يسون ننجا ( مو الكل)

[Karazhan]

انا قايل كان احسن لما السعوديه كانت حاجبه المنتدى

شوف بدأت المشاكل , يصطرهم كلاش بره ويدخلون يطلعون حرتهم فينا

فيكم خير روحوا حق كلاش مو هني

بليزرد انا قلت ماتحتاج تسوي سيرفر و تعرب كل شي عشان العرب واللي نسبتهم اقل من نسبه سقوط حصان ارثس

يسوون سيرفر حقنا ؟ مجانين انتوا ؟ ومنو الجيم ماستريه ؟ الملك و المناديب ؟

الشركه عملت سيرفرات اوربيه وامريكيه تتكلم الانجليزيه وكل الناس منهم العرب دخل باللعبه

انا اعرف كم شخص وانا استفدت بعد من هالشي , اعرف ناس 0 بالانجليزي وبعد اللعبه صاروا زينين

انا كنت اعرف انجليزي قبل اللعبه وبعد اللعبه تطورت وصرت اعرف الافعال و الماضي والمستقبل

killed لما نضيف حرفين ed يصير ماضي , يعني واحد انذبح وخلص

kill يعني اذبح , يعني واحد مطلوب ذبحه او defeat او slay تخلص او دمر destroy

killer لما نضيف er يصير قاتل , يعني واحد يقتل الناس

هذا كلها وغيرها تعلمتها وعرفت متى اكتبها

مو نفس قبل مااعرف الا كلمه kill بس

me kill you

الحين عرفت اقولها صح

i will kill you

حطيت i will يعني انا سوف

قبل اكتب me مايصير تجي بالجمله هذي , تجي you love me

يعني تثقفت شوي ولو اني اعتبر نفسي فاشل ولكن عرفت كم كلمه

وغيري الكثير اللي استفادوا من اللعبه مو بس تضييع وقت وانما كلغه لابد من الكل تعلمها

قبل اللعبه سنه 2000 واهي المره اللي رحت واتذكر كل شي فيها , كنت اروح تايلند وادخل مطعم اقول للجرسون التايلندي

me eat u food

يعني ابي اكل شنو عندك

الجمله مالها علاقه واللي يسمعها مايفهم

بعدين تطورت وقلت

i want kenkaw

يعني انا ابي اكل

بعد اللعبه صرت اقول

give me menu please

وصار يفهمني اسهل

والحين صرت اتكلم تايلندي واكلمه بالتايلندي واطلب بالتايلندي

لكن البدايه كنت اتكلم غلط واستفدت من اللعبه مو تضييع وقت بس ولكن كلغه استفيد منها

نرجع لمحور حديثنا , انا ماقلت بليزرد ماتقدر تسوي هالشي , لا , بليزرد تقدر تسويها بأي لغه تبي

يكفي انها ألفت لغه خاصه فيها باللعبه

يعني انت الحين تواعد مع صديقك من الهورد اذا كنت الاينس , وتكلم معاه تشوف الكلام معكوس والحروف غير

والحروف نفسها ماتتغير يعني مايجي يوم تكتب نفس الكلمه وتطلع الحروف غير عن قبل

ثاني شي تشوفون مثلا هورد واقف في مدينه شاترا او دالاران ويصارخ بالاحمر ويقول me kill you

او you lose

واكيد مرت عليكم , ان كنت هورد و الاينس يقول هالجمل , يعني الحروف ثابته بأبجديه اللعبه والكلام معكوس والحروف متغيره

بليزرد تقدر تسويها عربيه 100% ولكن ليش تسوي ؟

تقول الصين عندهم سيرفر , اكيد يكون عندهم سيرفر لأن الصينيين بس اكثر من العرب باللعبه

غير كوريا وتايلند والدول الثانيه اللي يعتبرون اللغه الصينيه قريبه منهم , غير ان الدعم مفتوح لحروفهم

وغير انهم يلعبون بالامريكيه , ولو تقارن عدد لاعبين الصين و تايوان وكوريا تشوف ان عددهم كبير

المانيا نفس الطريقه ولأنها بعد الدراسه اتضح ان شبابهم مهتم بالالعاب وان نسبه كبيره من الاوربيين يتكلمون الالمانيه عملوا سيرفر لهم

لا تعتقد ان فقط المانيا يتكلمون الالمانيه , في دول ثانيه تتكلم باللغه الالمانيه وفرنسا منبع اللعبه لأنها موقعهم هناك

هذا غير ان الالمانيين مايتنزلون ويتكلمون باللغه الانجليزيه او الفرنسيه , ولا الفرنسيين يتكلمون الانجليزيه لكرههم لهم

ترى في عنصريه كبيره بينهم وانت ماتدري

الى هذا اليوم الشعب الفرنسي والانجليزي يكرهون بعض ولا يتواطنون الى الحرب العالميه الثانيه بدأت الحكومات تتقارب ولكن الشعوب مازالت تكره بعض

لذلك غصب يسوون سيرفرات لهم لأن اتحادهم واحد , يعني لعبه كويتيه مثلا ماتتوقع انهم يسوون بوس اخير يكون عربجي ؟ او مثلا يحطون كلاش بوس اخير

اكيد يسوون لأن اللعبه خليجيه ومجلس تعاون وهالامور فلازم يراعون بعض

لكن ان بليزرد تسوي للعرب شي خاص ؟ انسى

ولا تفكر ان هالشي راح يصير لأن انتوا حشو اللعبه هذا اولا وثانيا انتوا ماتمثلون ولا شي للشركه ولا الشركه تنظر اليكم لقله عددكم

والشركه مو ملزومه تسوي سيرفر عربي وتترجم كل شي عشانكم وبالاخير مرت 8 سنوات وباقي سنتين وتنتهي اللعبه

وفوق هذا كله الشركه قبل ماتسوي اللعبه اصلا تعمل دراسه عشان تسوق لبضاعتها

شافت ان السوق الاسيوي من اقوى الاسواق والاوربي ايضا اما العربي 90% منهم يحبون الكوبي

لذلك سوت اللعبه للمناطق هذي وقالت لو العرب يبون يلعبون راح يشترون الاوربيه او الامريكيه لأنها انجليزيه و في مناهجهم الدراسيه عندهم حصه الانجليزي منها يتعلمون الانجليزي

وشوي شوي باللعبه يعرفون كل شي ومايحتاجون سيرفر خاص فيهم

والدول العربيه اجباري الانجليزي غير انهم شعب يتسبح بالنفط وكل شهرين يزور اوربا للسياحه والتسوق ويعرفون انجليزي بعد ليش نسوي لهم سيرفر عربي

غير اني قلت فوق ان واحد قلتله مااعرف انجليزي جان يرد علي واحد قال انت ماتعرف ؟ انتوا 90% منكم يعرف انجليزي واللغه الانجليزيه ضروريه عندكم بعد

يعني مثلا لو اخذ قرض من البنك واقول بروح فرايديز اتعشى , اول مااقعد يجيني الجرسون الفلبيني ويكلمني انجليزي , اقول me no english يقولي اوكي هبيبي سنو يبي

اروح ماكدونالدز يكلموني انجليزي , اروح السوق محلات راقيه عشان اطالع بس يطلعلي اللي يبيع يكلمني انجليزي

اروح سفريات اقص تذكره يكلمني انجليزي

تقول انا مو بالكويت في الهند

ولا يجيك هندي يتكلم انجليزي خصوصا اذا نطق حرف R يسد نفسك

يعني احنا حياتنا كلها انجليزي في انجليزي

وانا غيور على اللغه العربيه , يعني يكلمني انجليزي ما ارد عليه حتى لو افهمه وافهم شنو ابي بالانجليزي

ولكن اقوله نو انجلش مي اربي يو سبيك اربي ؟

اذا قالي نو ارب اقوله شوفلي واحد يكلمني عربي

قاعد بالكويت بوسط ديرتي ويكلمني عربي ؟ هزلت

لا ويصطرني ونروح المخفر ويطلع براءه وانا انحبس ليش لأن الشرطي يقولي انت كويتي اكيد انت اللي متحرش فيه و بدأت الهوشه

اقوله يالطيب انا مالي شغل بس اهو فركني حتى شوف وجهي كله دم واهو مافيه شي

يقولي لا انت كويتي ومعروفين اهل مشاكل اما هذا مسكين وافد جاي يترزق الله هني وانتوا تتحرشون فيهم

نهايه الفيلم اقعد بالنظاره يوم واهو يطلع بنفس الدقيقه

ولما اطلع يسجلون فيني تعهد اني مااتحرش فيه , عاد انا مااروح المحل ماله كلش عشان ان شافني وطبعا اهو يعرف القانون ويدري انهم مسجلين علي تعهد فيجي يصطرني مره ثانيه ونروح المخفر ونفس القصه بس هالمره يسجل علي قضيه وياخذ 5001 دينار كتعويض ويطير بلده بتذكره درجه اولى على ظهري

فأنا ليش اروح المجمع مره ثانيه ويصير هالشي ؟ اقعد في بيتنا احسن احشي كوسا مع امي , اغسل الحوش مع الخدامه , ازرق بيض حمام مع اخوي , اسوي الغدا , اخم الدار

يعني اشوفلي شغله بالبيت لأن الوافدين ماكلين الديره كلها وان كلمت واحد صطرك وسحبك المخفر واخذ منك تعويض

انا وين رحت بالسالفه

اي نرجع لمحور حديثا

اللعبه انسى تتعرب واذا تعربت انا ادق شنبي واسويه خطوط بالطول يعني جذي اسوي شنبي | | | | | | | واقص شعري بالمكينه اسوي خط بنص راسي يعني امشي المكينه من بين عيوني لغايه افاي واسوي خط بالنص

والبس تنوره وقميص واروح سوق السالميه اللي كله ناس واتمشى هناك وارقص واسوي حركات يعني اكوكس او امشي على كتوفي او اقلد مشيه الدوده

اذا صارت بالعربي

[love2002]

Karazhan
صح كلامك اخوي واتفق معاك ...
بليزارد اثبتت ان خطوتها بفتح سيفر صيني وكوري كان سليم والدليل ان الكوريين حصلو world first لأول مرة بعد ما كان محتكر من الاوروبيين والامريكان
والسوق الاوروبي والامريكي والشرق آسيوي سوق كبير ويعتبر مربح للشركة عكس العرب اللي محد ربحان منهم شركات والfarming rep , gold and mats
اعتقد ان المطالبة لن تجد لها اذان صاغية يعني العرب بالكثير كم ألف يلعبون .. هل هذا يقارن بسوق يحوي عدة ملايين اللاعبين !