نقاش حول Tera والـ Guild war 2

[Rshaman]

السلام عليكم ورحمة الله وبركاته

طبعآ اللعبتين ينافسون واركرافت عشان كذا حبيت اشوف الأجواء في القسم

بعد اعتزالي لعبة واركرافت صارلي 6 شهور ادور لعبة mmo قوية .. طبعآ طوال الفترة الماضية من شهر 9 سمعت ان لعبة guild war 2 بتنزل بشهر 11 لكن تأجلت اللعبة للتعديل لأنها انتقلت من شركة NCsoft كـمنتجة الى arena.net وهذي الشركة من اقوى الشركات في العالم حسب ماسمعت .. طبعآ اللعبة لعبتها تجريبي قبل 6 شهور وكانت عادية .. لكن التعديلات الجديدة رهيبة وتغيرت 180 درجة وصارت حلوه وانا الآن ابي العبها الحين الحين لكن للأسف لسه في طور التعديل وللعلم ان الكثير يتابعون اللعبة على تويتر وصار زحمة لطلبات البيتا (التجريبي) وتوقف التسجيل للتجريبي حتى تصدر اللعبة بشكلها الرائع .. لكن شفت ان هناك لعبة تنافسها بقوة الا وهي tera هاللعبتين من اقوى الألعاب .. طبعآ تيرا الحين تسجيل بيتا وتقدر تجربها وبتصدر رسميآ 3-5-2012 يعني بعد شهرين .. طبعآ حتى نقدر نتناقش هذي فيديوهات للعبتين



tera


http://www.youtube.com/embed/uLIET2Gs8t8



guild war 2



http://www.youtube.com/embed/ytXHJyzVGOw

http://www.youtube.com/embed/Tan2I50Pz0o

http://www.youtube.com/embed/9V6Ckj6--Z0



بنتظار تعليقاتكم ..

[Karazhan]

راح فيها ،،،،، لاحول ولا قوه الا بالله ،،،،، كان خوش ولد الله يذكره بالخير ،،،، كان اخلالالالاق ،،،،،، يلا هذي الدنيا

[Rshaman]

ههههههههههه منو ؟؟

[Karazhan]

انت ، يبا الناس هني ماترحم انا قبلك تكلمت عن جيلد وور و guess what توقيف اسبوع مع نقاط سلبيه ومع تهديد بعدم التطرق لأي لعبه اخرى ، خصوصا المراقب هني ماعنده يمه ارحميني ، بتطبيق القانون ماعنده رفيج او رفيق او اخو حتى ، يبا تعال قسم العاب الكمبيوتر وادخل موضوع ستار وورز وتكلم على كيفك ، لا مراقب ولا احد يقولك لاتتكلم بشي ثاني ، هني تتكلم عن لعبه ثانيه يزعلون و يبجون ويطالبون بتوقيفك مثلي بالضبط

[Karazhan]

انا الحين بالدوانيه لما ارجع البيت اعطيك رابط موضوعي وتشوف شلون تكلمنا باللعبه وبعدين صارت هوشه وكلهم طالبوا اني اسكت ، انطر ارجع البيت

[Rshaman]

ههههههههههههههههه والله انا ماأدري شسالفة بعد ماصكت فيني الدنيا وكرهت واو شفت مواضيعك عن جويلد وار 2 لكن ماعجبتني (قبل التعديل) .. بعدها طلعت من المنتدى وبعت اكونت واو .. وقعدت اطالع التلفزيون وخليت الكمبيوتر وصرت مضرب عن الطعام بسبب الأحباط الي صارلي .. على العموم انا مناضل واطالب بدستور يكفل الحريات بالمنتدى مايصير الشعب يريد اساط نظام واركرافت ههههههه .. واركرافت بهالمنتدى نفس حسني مبارك .. ياأخي نبي اخوان مسلمين (يقصد جيلد وار ) ههههههههههههههه

بنتظارك *_^

[Karazhan]

انا صارلي 3 ساعات ابحث عن الموضوع واللي كان عنوانه اللعبه نصابه , بعد 3 ساعات طحت على الموضوع عشان احطلك الرابط وتشوف اننا تكلمنا فيه من زمان وصارت مشاكل

ولكن الصدمه تدري شنو ؟

انا لما شفت الموضوع ودخلت عشان اشوف بأي صفحه بدأت القصه لجيلد وور عشان انقلها لك , لما شفت قعدت ابجي , بجيت لما صار على خدودي خطيت لونهم اسود من كثر جريان الدموع

تدري ليش ؟ لأن اول مادخلت شفت نكك بوجهي , قلت هذا معانا بالسالفه يعني شايف كل شي وانا صارلي 3 ساعات ادور

يااخي حرام عليك تسوي فيني جذي , 3 ساعات تخليني ادور بين المواضيع حتى اني شفت مواضيع اول مره اشوفها نفس مسابقات رمضان واللي ما شاركت فيها كلها طول الشهر والسبب كنت توقيف رمضان كله

المهم جيلد وور الحين بيتا ويبيلها شوي وتنزل , وانا قلت من زمان كانت بيتا لكن بشكل غير رسمي يعني ناس قله يلعبونها والرسم مو هذاك الزود ولما الحين الناس يشتغلون فيها , لكن الحين انزلت بيتا رسمي وكل شي تحسن فيها

و بلاش كده متوديناش بداهيه

روح ستار وورز في قسم الكمبيوتر واكتب عنها على راحتك , مالي خلق اشوف تحت الاوسمه كلمه عضو موقوف

[Rshaman]

هههههههههه الله يهدي الجميع .. انزين ماقلتلي رايك بـ Tera ؟؟

http://www.youtube.com/watch?v=Veg-C...eature=related

(ارجوا من المشرف نقل الموضوع الى قسم العاب البي سي)

[Karazhan]

المشرف مو ينقل الموضوع

المشرف راح ينقلنا انا معاك قسم الانتظار مده اسبوع


لعبه تيرا حلوه وشايفها من قبل وعندك العاب كثيره مثل soul & blade



هذي نفس تيرا لكن من نفس الشركه اللي مسويه جيلد وور و ايضا مجانيه هاللعبه , ونظام القتال تقول نفس بلي ستيشن لما تعلب Taken او الالعاب اللي فيهم نظام combo مادري شنو يطلقون عليه هالنوع , بس تقريبا الحين حتى مورتال كومبات و ستريت فايتر جذي

واول لعبه حطت نظام الكومبو , يعني ضربات ورى بعض , اهي لعبه كيلر انسينت

شاهد عيان موجود

شوف المقطع هذا عن اللعبه وشوف الكومبو يمكن مافهمتني عدل ولكن بالمقطع تشوف الضربات المتتاليه واهي اللي نسميها كومبو , مو وجبه كنكاتي , لا يروح بالك مطعم

المهم حتى اللعبه من كثر ما هم مركزين على الكومبو حاطيت مسميات لكل عدد ضربات والمعلق يصارخ , مثلا
monster combo
killer combo
awesome combo
king combo
و اعلى كومبو اللي اهو ultra combo

لعبه جميله اذكر كنت مدمن عليها قبل وكانت على النايتندو القديمه مو 64




نرجع لتيرا و سول اند بليد

ولكن اللعبتين مالهم جمهور نفس جيلد وور 2 , جيلد وور 2 اللي ناطرينها بس 10 ملايين , غير ال5 ملايين اللي مازالوا يعلبون الجزء الاول واللي ينطرون الثاني بأحر من الجمر

لأن جيلد وور 2 ماتركت كبيره ولا صغيره بالالعاب الا وحطتها بلعبتها , يعني جيلد وور 2 كامله و شامله

[Karazhan]

انا ادري انت دازك علي اللي في بالي

يدري اني بسرعه انطلق بالكلام عشان جذي قاعد تدقني سلف عشان انطلق وبعدين تنحاش وتخليني بوجه المدفع , ويصكوني توقيف وانا مسكين مالي ذنب

لكن ان عطوني توقيف ماراح اهدك , بدزلك الجنود المجهولين واكيد سامع عن شبيحه الملك , القائد البسطويسي وباقي الشبيحه

[Rshaman]

ههههههههههههههههههههههههههههههههههه لا محد دازني بس انا فتحت موضوع جويلد وار لأني خابرك تكلمت عنها وبعدين انا ادش المنتدى عشان قسم واركرافت وبعد اعتزالي اللعبة مادري ممكن نسوي قسم حق الجويلد وار ونرشحك رئيس جمهورية القسم

تعرف انا احب التكنوقراط وانت مؤهل للأشراف بأي قسم .. كامل المواصفات .. اقول تعال العاب البي سي حيث لا سلطة لأحد على احد ..