السلام عليكم
اشكرك استاذي على هذا التوضيح ولكن انت يمكن جديد و ماعرفت القصه من البدايه
استاذي هذا الشخص نفسه كتب موضوع سابق فيه من المغالطات الكثير , وبعد ان تعرى هرب ولم يدخل المنتدى مره اخرى
تقريباً 100% نفس اسلوب العضو السابق ونفس الموضوع من ناحيه ان يبحث عن اخوان او اصدقاء
وبعدين دخل بأسم مستعار جديد وكتب موضوع ثاني ونفس الموال ولكن مشكله اخرى
الحين دخل وكتب هذا الكلام بعضويه جديده و هرب , انا بسألك انت المتزحلق وين العضو هذا مايرد علينا ويبرر , ليش اختفى بعد المشاركه
اهو صحيح ماكتب في منتديات ثانيه لأن عضو معانا هني , واقولك السبب
لكن اذا كان صحيح ان شخص يعاني من هذي المشكله لماذا يبحث عن اخ وليس صديق ؟ تدري ليش ؟
لأن يبي يخاطب القلوب الرحيمه اكثر و يكسر خاطرهم اكثر
وبعدين لو نفرض ان كلامه صحيح , ليش قفلها مره وحده , هذا بالضبط نفس ما عمل في مشاركات سابقه , يعني يقطع الامل بحياته مره وحده
يقولك يتيم , يعني لا اب ولا ام , ويقولك وحيد والديه , يقولك ماعندي اصدقاء , ماعندي اقارب , ماعندي احد بالدنيا غيركم يااهل المنتدى
هل يعقل هذا الكلام يا المتزحلق ؟
اسألك بالله هل يعقل ؟
جيرانك وينهم ؟ راح يقول مااعرف جيران عايش بالصحراء , طبعا احتمال يكون هذا رده عشان يقطع الامل مره وحده
في احد بالدنيا مايعرف اصدقاء , بالمدرسه عالاقل
لما والدينه عملوا حادث في بلد مؤسسات كيف كانت الاجراءات ؟
انا ماراح اقولك اهو وين كان وقت الحادث , يعني امه وابوه عملوا حادث اهو كان وين معاهم بالسياره او قاعد بالبيت ؟ ولدهم الوحيد هذا وعمره 17 سنه اكيد راح يكون معاهم دايم في حلهم وترحالهم
ولا بقولك ابوه و امه ايضا ماعندهم اقارب او اصدقاء , اكيد لما يزورون ناس يكون معاهم ويتعرف
انا بطوف هذا كله وبقولك لما عملوا حادث و توفوا
منو اللي دفنهم ووقع على استلام الجنازه , من هم المعزيين
الدوله وين مكانها بالاعراب ؟
شؤون القصر وينهم بما ان الحبيب عمره 17 سنه يعني قاصر , و الدوله تحتفظ بأملاك القاصر وكل شي يتعلق بوالدينه , حتى الراتب الشهري راح يستلمه من وظيفه ابوه الى ان يتوظف
هذا شي معروف , شؤون القصْر اهي المسؤوله عن القاصرين و تعطيهم بعض من راتب الوالد المتوفى وتحتفظ بالباقي حتى سياره يشترون له وسكن , ولما يبلغ 21 سنه يسلمونه كل المبالغ
طبعا غير لما توفى ابوه والناس اقل شي اقل شي جيرانه
يعني اذا اهو مايعرف احد من الناس ولا اقارب واهو قال هذا الكلام عشان يقطع الامل
لكن اهو مو ضروري يعرف , لكن الناس ماتعرفه ؟ اصدقاء اهله او جيرانه
اقل شي الجيران واللي يعرفون ان الولد ماعنده الحين لا اب ولا ام ولا اخوان ولا حتى اقارب
اذا اهو مايعرف جيرانه يعرفون والحكومه تعرف بعد وشؤون القصر تبحث عن اقارب له حتى لو من بعيد من 10 جد
المهم انا ماراح اطول اكثر في موضوع من هذا ولكن لو كان كلامه صحيح وكان فيه خير مايكتب موضوع ويهرب
المفروض منه ان يكتب موضوع و يشوف اللي يردون عليه , يعني مثلا ردي هذا ماعجبه عالاقل ياخذ ردك و ياخذ ايميلك ويكلمك
لو اسألك الحين هل كلمك بالايميل راح تقولي لأ
معناته ان كتب و هرب
قلت ليش يكتب بالقسم هذا الميت ليش مايكتب بالمنتدى العام
انا اقولك
لأن شخص غيور على المنتدى , واهو اكيد في قسم مو ميت ولكن الرجل غيور على منتداه ويبي الحركه بكل اقسامه
دخل هني كتب الموضوع وطلع عشان يسوي حركه بالقسم الميت
عرفت ابوي
هذا السر
