انـا اطلب (الله)
السلام عليكم ورحمة الله وبركاته
حيّاكم ربي جميعاً..
أنآأطلب الله وأرتجيه..للمنشد إبراهيم سحآري(أبو حمزه)
الكلمآت:
أنا اطلب الله وارتجيه .. إنه يحقق ما نبيه
ما نشتكي إلاّ إليه .. من يشتكي له ما يخيب
رب ٍغفورٍ راحمٍ .. بـ أمور عبده عالمٍ
وان تاب ذنبه ماحيٍ .. ذنبٍ بعيدٍ أو قريب
ياعالمٍ ما بالخفى .. يا واحدٍ فوق السما
عبدٍ ضعيفٍ لك رمى .. نفسه وزاد به النحيب
يبكي وزادت به هموم .. متكدرٍ ما لذ نوم
من طاعتك عاش محروم .. من طاعتك ماله نصيب
ياربنا ارحم ضعفنا .. ارحم ضعيفٍ ما اهتنى
في دنيته صابه عنى.. ما فاد في طبه طبيب
قالو علاجك قلت وين .. مرضاة رب العالمين
يزول همك والونين .. من تاب ربي له حبيب
احرص على فروض الصلاة .. جنب دروب المنكرات
وانس الليالي الماضيات .. واحذر خطرها ياللبيب
رفيقك أول بدله .. ذكراه من قلبك شله
الخير وأهله مآأجمله..ترتاح وقليبك يطيب
داوم على ذكر الولي..همٍ بقلبك ينجلي..
هنآ وسعآدة يمتلي..وجنب طريق فيه عيب
احذر من اصحاب الهوى .. كم عاقل معهم غوى
قلبه بالهموم انكوى .. وماينفعونك يا الحبيب
الخير وأهله يفرحون..وبشوفتك يستبشرون
خوفٍ عليك من المنون..لاجآك مآينفع طبيب
جرّب مجالسهم وشوف..سرور بالمجلس يطوف
في الضيق تلقاهم وقوف..إخوان مافيهم غريب
هذي نصيحه يا عمر .. للي عن أهل الخير فر
من عقبهم حاله كدر .. متنكدٍ ماهو عجيب
وختامها صلوآ على .. نبينا خير الملى
حبه فالقلوب امتلى .. المصطفى الهادي الحبيب
للتحميل
من هنـــــا..
حفظكم ربي ورعاكم..
المشاركة الأصلية كتبت بواسطة استغفار
