لاعب كمال الاجسام بين السترويدات و الطبيعي
* قمع انتاج التستستيرون الطبيعي في الجسم
السلام عليكم
قبل ان ابدا موضوعي لازم أكد موضوعي بغرض التوعية فقط و ليس دعوة لاستخدام السترويدات
بس حبيت اكتب الموضوع بسبب الجهل و الخوف الزائد من السترويدات
يعني بصراحة لما تجي سيرة السترويدات امام ايا شخص .. سترويدات ؟؟ خلص رح تموت
شخص اخر .. سترويدات ؟؟ خلص عقم مافي كلام .. طيب عطيني دليل او دلني على شخص صار معو عقم بكون الجواب الدكاترة قالتو كانو كلام الدكاترة كلام منزل
طيب هلء رح ناقشكون من الناحية العلمية
الاعراض الجانبية للسترويدات
* تضخم عضلة القلب
* تضخم البروستاتا
* نمو الصدر بطابع انثوي للرجل
* حب شباب
* ارتفاع نسبة الكلوسترول بالدم
* خشونة في الصوت
* نمو الشعر بمناطق غير مرغوب بها في الجسم
* توقف نمو العظام عند الاستخدام بعمر مبكر
* الضعف الجنسي
* ضمور الخصيتين
و في كثير بس هدول يلي تذكرتون اثناء كتابة الموضوع
قبل ما ترتسم هل نظرة على وجهك .. روح لايا صيدلية و اشتري علبة مسكن الالام المشهور بنادول و اقرا الراشيتة المرفقة داخل العلبة و شوف الاعراض الجانبية للبنادول انا متاكد بنفس خطورة الاعراض الجاانبية للسترويدات و يمكن أخطر
طبعاً الاعراض تختلف شدتها من شخص لاخر حسب طبيعة الجسم
طيب من ناحية العلم هناك شروط قبل دخول الكورس الهرموني و الي هية :
* التأكد من عدم موجود أمراض مزمنة أو أمراض وراثية
* التأكد من العمر المناسب للدخول بالكورس
اذا تحققو الشرطين بإمكانك دخول كورس هرموني و لكن بشروط لضمان سلامتك و الي هية :
* عدة تحاليل يفترض القيام بها قبل دخول الكورس
* مضادات يجب اخذها مع الكورس لحماية نفسك من الاعراض الجانبية المزعجة ( ما رح اذكر المضادات لانو مو موضوعي المضادات بس يلي بحب يعرفا أنا حاضر )
* الستريودات و الجرعات بيختارا شخص ذو خبرة كافية أو طبيب مختص وفق جدول منظم
* عمل تحاليل اثناء الكورس للتاكد من سلامتك و ان الامور ضمن المتوقع و رؤوية تجاوب جسمك مع السترويدات
* بعد انتهاء الكورس بفترة قصيرة توجد مضادات لارجاع الهرمونات الطبيعية بجسمك لمستواها الطبيعي ( فترة التنظيف pct ) و يجب عمل تحاليل بعد التنظيف و تأكد أنت بنفسك بأنو كل شي
رجع لوضعو الطبيعي و ذلك بمقارنة تحاليل قبل الكورس مع تحاليل بعد الكورس
و للمعلومة في سترويدات معينة بجرعات معينة لا تقمع انتاج التست الطبيعي مثل ( الانافار )
طيب بدي اسالكون سؤال يلي بشوف ابطال مستر اولمبيا و العديد من الابطال العرب هدول برأيكون ما بيستخدمو السترويدات ؟
الجواب أكيد نعم ستخدمو السترويدات وما زالو يستخدمونها حتا لو نكرو .. طيب شوف الصورة مبين عليهن أعراض السترويدات شي ؟ أكيد لاء و السبب المضادات يلي ذكرتا بالأعلى
طيب معقول هنن بيعرفو أنو رح يموتو و مع ذلك أستخدمو السترويدات ؟ أكيد لاء
مع العلم فترة استخدامون للسترويدات لا تقل عن 15 عام و هذا أكبر دليل على الخوف الزائد من السترويدات
أكيد رح يجي شخص و يقلي على المصارع يلي مات من الهرمون والله نسيت شو أسمو بس هذا المصارع مات نتيجة جرعات زائدة و غير مقبولة ابداً
في مثل مشهور بسوريا بقول : كل شي زاد عن حده قلب ضده
و في عالم بتحكي عن السيناثول و السايكلين كمان بفكرو أنو هدول سترويدات و هذا يدل على جهل أكيد السيناثول و السايكلين ليست سترويدات و إنما هي زيوت معقمة تحقن موضياً في الضعلة الضعيفة قبل البطولة و حتا هذه المنتجات لها شروط خاصة لأستخدامها و لن أذكرها لأنها ليست ضمن موضوعي .. بعض الصور تؤيد كلامي
و هذه الصورة نتيجة الأستخدام الخااااااااااطئ للسيناثول
و من تجربتي الشخصية للسترويدات و لاكثر من كورس و لمدة لا تقل عن سنتين لم يحدث معي من كل الاعراض الجانبية إلا حب الشباب و ذلك لأني لم أستخدم المضادات المناسبة
و بعد كل كورس بعمل التحاليل المطلوبة و كل شي بكون طبيعي و الحمدلله و لو معي التحاليل كنت صورتا و ارفقتا بالموضوع حتا تتاكدو بانفسكون بس والله العظيم كبيتا
و بعد بحث طويل جداً على الانترنت كانت النتيجة بثلا مقاطع فيديو على اليو تيوب و للاسف باللغة الانكليزية
أول مقطع يتحدث عن اسباب الوفيات بالعالم من تبغ و كحول و مخدرات كلها تأتي في المراتب الأولى و تسببت بوفيات تزيد عن الالاف أما السترويدات تسبب بمقتل 3 أشخاص فقط و ذلك بسبب الأستخدام الخااااااااااااطئ
طيب هلء رح احكي عن الاعب الطبيعي بدون سترويدات .. كل البحوث اكدت انه مهما كانت تغذيتك جيدة و صارمة و مهما كنت بارع بأستخدام المكملات و بمهما كانت مدة تمرينك لو وصلت لعشرين سنة سوف تصل لحد معين و تتوقف العضلات عن النمو .. ليس من الضروري أن يكون هذا الحد صغير أو ضعيف أو ليس جميل لكن اكيد ما رح يكون مثل لاعب السترويدات
و هذا موقع بتعبي فيه بياناتك بيعطيك ئديش ممكن يصير وزنك بدون أستخدام السترويدات http://www.weightrainer.net/maximum_bodypred.html
و أكثر شي ممكن يساعد لاعب كمال الاجسام الطبيعي هو الجينات الوراثية يعني مثلا شخص لديه معدل الايض اليومي مرتفع و هذا يعني بطبيعته لديه جسم ناشف و مفصل مع بعض المكملات و الغذية الجيدة و التمرين رح يوصل لمرحلة جيدة بجسمو أما لو كان لاعب عادي مثل أغلب العالم رح يتعذب أكتر بكتير
كان بودي أحكي بالتفاصيل أكتر و أكتر بس رح أنهي موضوعي حتا ما تملو
و برجع بذكر مرة تانية ليس الغرض من الموضوع الدعوة لأستخدام السترويدات و لكن بغرض التوعية فقط
بتمنا من الشباب يلي ضد أستخدام السترويدات ما يعصبو علي .. و شكراً لوقتكم و دمتم بصحة و عافية
المشاركة الأصلية كتبت بواسطة GNC
