اضخم زياده ولا ابدى تنشيف..،

[mr.dks]

معلومات المتقدم بالاستفسار :
العمر : 20 , الجنس : ذكر

الطول :184 متر
الوزن : 83 كيلوجرام

نسبة الدهون : 19

و الاستفسار كالتالي :
صارلي تقريبا اكثر من 3 شهور وانا احاول ابني جسمي ..، بنيت عضل لا باس منه بس مو كبير ..
نسبة الدهون كانت 22 ونزلتها ل 19.. بس وزني ما نزل ولا كيلو هذا طبيعي ولا لا ؟؟

بنيتي العضليه حلوه بس فيه دهون زايده في الخواصر واسفل الصدر وش الحل معاها..، ؟

استخدم واي بروتين الان مره وحده بعد التمرين.. استخدمت ليبو 6 بلاك لحرق الدهون بس ما لاحظت فرق..

اكل تقريبا وجبتين غداء وعشاء.. وابعد عن الدهون

ابي اوصل نسبة الدهون ل 12 او 10 حتى.. ايش تقترحون اسوي او اغير .. انا ف امريكا واكثر صالات اللياقه بدون مدربين فانا اعتمد على نفسي<<

[mr.dks]

الرجاء الرد...

[071071]

صارلي تقريبا اكثر من 3 شهور وانا احاول ابني جسمي ..، بنيت عضل لا باس منه بس مو كبير ..
ممتاز واكيد بدايتك 3 شهور وعضل لاباس به يعتبر مؤشر جيد

نسبة الدهون كانت 22 ونزلتها ل 19.. بس وزني ما نزل ولا كيلو هذا طبيعي ولا لا ؟؟
انت جاوبت على نفسك: وزنك ثابت (قللت نسبه الدهون وزاد عندك وزن العضل) ..ممتاز عليك و هذا طبيعي جدا ونقطة ايجابية من صالحك

بنيتي العضليه حلوه بس فيه دهون زايده في الخواصر واسفل الصدر وش الحل معاها..، ؟
طووول بالك بتروح مع تمارين البطن والاكل الصحي

استخدم واي بروتين الان مره وحده بعد التمرين.. استخدمت ليبو 6 بلاك لحرق الدهون بس ما لاحظت فرق..
واي بروتين ممتاز لوضعك .. اما ليبو 6 مقارنة بمقاساتك ونسبة الدهون قبل وبعد استنتج انه اشتغل معك ولو انك ماحسيت فرق ( اعتمدت على الارقام اللي انت وضعتها )

اكل تقريبا وجبتين غداء وعشاء.. وابعد عن الدهون
وجبتين فقط .. ليـــــــــش !!!!!!!!!!!! اقترح عليك ان تفتح موضوع جديد بهذا الشأن

ابي اوصل نسبة الدهون ل 12 او 10 حتى.. ايش تقترحون اسوي او اغير .. انا ف امريكا واكثر صالات اللياقه بدون مدربين فانا اعتمد على نفسي<<
بتوصل لهدفك بس طوووووووووول بالك وركز بالاكل والبرنامج الغذائي بالاكل الصحي اذا ضبطت هالاشياء فتكون المسالى مسالة وقت فقط ..

مووووفق ياكابتن ..

[the legond]

بيض الله وجهك ياراعي القصيم ماقصرت مع خوينا
وان شاء الله يطمنا عن اخباره

[mr.dks]

يعطيك الف الف عافيه اخوي ما قصرت..

نصيحتكم اضخم زياده ولا ابدى تنشيف..، استخدم شي ثاني مع الواي بروتين ولا كفايه << لاني احاول اخلي كل شي طبيعي

[mr.dks]

اسوي كل يوم تمارين بطن .. اول عضلتين فوق بدت تصير واضحه .. المشكله صرت احس انه طلعلي كرشه معضله؟ وش الحل

[071071]

يعطيك الف الف عافيه اخوي ما قصرت..

نصيحتكم اضخم زياده ولا ابدى تنشيف..، استخدم شي ثاني مع الواي بروتين ولا كفايه << لاني احاول اخلي كل شي طبيعي

لابد انك انت من تحدد هدفك .. اما من وجهة نظري اشوف انك تضخم ولكن بنسبة دهون قليلة يعني ماتفتح اكل مره ويكون اكلك صحي
بخصوص المكملات :
واي بروتين ممتاز + تحتاج معه BCAA او Extend واحد منهم يكفي والافضل extend + منتج طاقة مثل ( نواكسبلود او سوبر شارج او اي منتج بور يناسبك )
والميزة انك بامريكا يعني كل المنتجات عندكم متوفر واصلية .. تحياتي لك ياوحش ..

[mr.dks]

لابد انك انت من تحدد هدفك .. اما من وجهة نظري اشوف انك تضخم ولكن بنسبة دهون قليلة يعني ماتفتح اكل مره ويكون اكلك صحي
بخصوص المكملات :
واي بروتين ممتاز + تحتاج معه BCAA او Extend واحد منهم يكفي والافضل extend + منتج طاقة مثل ( نواكسبلود او سوبر شارج او اي منتج بور يناسبك )
والميزة انك بامريكا يعني كل المنتجات عندكم متوفر واصلية .. تحياتي لك ياوحش ..

يعطيك العافيه يا كابتن ..،

[mr.dks]

انتظر الباقين

[mr.dks]

اسفل الصدر عندي ( الحلمه ) احس فيها دهون زياده يعني مخربه شكل صدري جايه بشكل خط بالعرض ومرتخيه.. وقت ما امرنها تشد وبعدين ترخي، وش تفيدوني ؟؟ واتمنى احد يفيدني في مسالة البطن

[|| Turki ||]

حاول تضخم عضل صافي بس دهون

وبالنسبة للبطن .. يروح مع الكارديو والدايت <


بس خلها بوقت التنشيف .. وانتبه لا تلعب البطن باوزان عاليه عشان ما تصير كرش معضل

[071071]

اسفل الصدر عندي ( الحلمه ) احس فيها دهون زياده يعني مخربه شكل صدري جايه بشكل خط بالعرض ومرتخيه.. وقت ما امرنها تشد وبعدين ترخي، وش تفيدوني ؟؟ واتمنى احد يفيدني في مسالة البطن

ركز على تمرين الغطس وماشابهها من تمارين وغالبا هذه المشكلة يكون فيه ضعف بعضلة الصدر الخارجية
لاحظ لو كان عندك شكل الحلمة في الصدر اليمين كويسة والصدر اليسار زي ماذكرت فانك بتلاحظ ان عضلة الصدر الخارجية لليمين شكلها وزواياها جيده وحجمها طبيعي اما عضلة الصدر اليسار فيها ضعف وصغير شي بسيط عن اليمين وطبق هذا الشي على نفسك .. وبتلاحظ الفرق

مووووووووووووفق

[mr.dks]

انا الحمد لله بنيتي العضليه ممتازه بس الدهون عاليه .. تقريبا نسبة الدهون ١٩٪ ، يعني الشكل الخارجي للصدر كويس ومرسوم بس اسفل الصدر متجمع فيه الدهون .. انا الايام هذي انوع بين الهروله ٥ك او سباحه ساعه .. ومقسم تمارين الحديد تقريبا عضلتين كل يوم ، ٤ ايام بالاسبوع .. هدفي جسم رياضي ومشدود مو شرط معضل .. ووش لاحسن الهروله قبل او بعد لعب الحديد؟

[ياضلوم]

اخوي الهروله ترخي العضل في الجسم ... يفضل مشي سريع او ... جهاز الايبتيكال الي تحرك يدك ورجلك مع بعض ويفضل بعد الحديد ... بلتوفيق

[mr.dks]

اخوي الهروله ترخي العضل في الجسم ... يفضل مشي سريع او ... جهاز الايبتيكال الي تحرك يدك ورجلك مع بعض ويفضل بعد الحديد ... بلتوفيق

يعطيك العافيه ..