معلومات المتقدم بالاستفسار :
العمر : 23 , الجنس : ذكر
الطول :177 متر
الوزن : 74 كيلوجرام
نسبة الدهون : ؟؟؟
و الاستفسار كالتالي :
السلام عليكم ورحمة الله وبركاته ^_^
صارلي قرابة الثلاث شهور في اللعبة وناوي اشتري بروتين سريع الامتصاص يساعد على حرق الدهون بالاحرى بدون دهون وايضا ما ابي منتج للتضخيم لان ابي جسم فتنس
انا بحثت في المنتدى وشفت البعض يمدح هذا المنتج ISO 100 DYMATIZE بس السؤال هل هو سريع الامتصاص يعني ينفع اخذه بعد التمرين ولا تنصحوني بمنتج اخر
واذا في منتج اخر ياريت لو تضعون لي صورته وسعره عشان لما ابحث عنه اتاكد انه نفس الي بالصورة ومو مضروب ولا شي وايضا انهم مو مبالغين في سعر بيعه :P
وبالنسبة لاستخدام البروتين يكون يوميا ولا فقط ايام التمرين وكم سكوب في ايام الراحة وايام التمرين ؟
واذا في امكانية هل في احد يعرف محل يبيع بروتينات وثقة بالبحرين ؟
سؤالي الثاني عن تمارين البطن
ايهما افضل اسوي تمارين البطن بشكل يومي ولا بشكل متقطع يعني يوم امرنه ويوم لا لاني جربت الطريقتين واحس باي استفدت اكثر لما كنت امرنه كل يوم ^^"
سؤالي الثالث ان بعض الاحيان كانت تجيني دوخة خفيفة سواء في التمرين او خلال اليوم فحاليا بدات باكل 5 تمرات وواصلت على هالنظام ان خمس تمرات يوميا الصبح واشوف الدورة اختفت جربت مرة اكل 3 تمرات بس التركيز احسه اقل من لما اكل 5 تمرات
فهل في شي افضل اكله عشان تختفي الدوخة ولا ابقى على اكل التمر
اتمنى اني ما كثرت اسئلة :P
المشاركة الأصلية كتبت بواسطة mr.dark.gym
