جسمي تغير للأسوأ !

[احمـد العتيبـي]

معلومات المتقدم بالاستفسار :
العمر : 22 , الجنس : ذكر

الطول :172 متر
الوزن : 71 كيلوجرام

نسبة الدهون : 17

و الاستفسار كالتالي :
السلام عليكم ..


اخواني , سويت نظام اكل صحي !! وجدول تمارين مظبوط !
نزلت دهوني من 22 لي 16 , لكني ابتعدت عن النادي "10 ايام " بسبب المرض " نزله معويه *
واخترب نظام اكلي وخسرت عضل .. وصارت نسبة دهوني 17

المهم شكلي الحين هزيييييييل ..
الكل يشوفني يقولي انت داخل نادي عشان تصير بهالشكل ..

انا بالغت بالتنشيف ..ومع فترة المرض خسرت عضل وبالتالي اصبحت ضعيف بلا مكتسب عضلي
والسبب اني ناوي اضخم لين ما تصل نسبة دهوني 15 % او اقل

السؤال .. هل ابدأ تضخيم ؟ رغم نسبة دهوني 17%
ام انتظر لي ما اوصلها 15 %


الكرش رااح .. والدهون كلها راحت شكليا .. لكن مازالت لدي بعض الدهون في الارداف .. الحل ؟
يا جماعه .. ساعودني الله يرضى عليكم .. شنو تنصحوني فيه ؟

[u turn]

‘

وعليكم السلام

ألف سلامة عليك

بغض النظر عن نسبة الدهون لو كان جسمك ضعيف مرة خلاص ابدأ تضخيم ماله داعي تنزل نسبة الدهون اكثرر

[احمـد العتيبـي]

والله ودي .. لكن كشكل .. جسمي فييه دهووون قليييييييييييله جدا ..
فقط في منطقة الارداف ..
هل انتظر وانشف كمان لي ما تختفي الارداف .. ام عادي اضخم ..

-
-
-

واذا نصحتوني اضخم .. انا بخاطري اضخم عضل صافي.. لاني تعبت في التنشيف ما ابي اكسب دهون كثيره ..

[daughtry]

بو يعقوب ,

تخيل معاي اشوي

هل انت على كلامك جسمك حاليا مافيه عضل ولكن فيه دهون بالارداف واماكن بسيطه .؟

اذا كان الجواب ايه / . خسس وزنك ونزل هالدهون كلها ,
وبدأ من الصفر

[احمـد العتيبـي]

في عضل بس شوية ..
يعني بالباي والصدر ولاكتاف .. بس قل عن قبل بوايد بعد ما قطعت 10 يوم طحت مريض ..
امانتا صارلي 3 اشهر ..تنشيف .. قبل لا ادش النادي دهوني كانت 26 .. وصلتها 22 .. والحين 17 ..
قبل لا اقطع كانت 16 .. قدرت اتخلص من كل الدهون ما عندي الارداف ..

شتشور علي ؟ .. هم اكمل ؟ ..
لان كل من يشوفني يقول ضخم .. امس وانا اتمرن قالي مدرب بأكسجين .. يقولي ليش تنشف .. شكلك راح يصير غلط .. تنشف وانت ما عندك عضل ... يقولي ضخم احسن لك ..
وانا متوهق هاليومين .. بس افكر بهالموضوع .. اكمل ولا اضخم ..

[daughtry]

حمد
عشان لا اقص عليك ولا تقص على نفسك
مدربين اكسجين وبالنادي اهناك كله يتعاملون نشف طق وزنكك 200 وبعدها غروث
ماعليك منهم شلون حكم عليك من ورى الملابس ؟؟ لازم يقولك افصخ عشان اشوف نسبه الدهون هي الى تحدد

اي والله شوري تكمل تنزل دهونك عشان مستقبلا تسهل عليك بناء العضل وعروقك تكون بارزه وطالعه وتبني جسمك على كيفك وماتخاف من الدهون بعدين

اما الحين تضخم راح تحاتي الدهوون

[احمـد العتيبـي]

ايي بس شافني قالي جذي -.-!
بالظبظ .. انا احاتي ارجع ازيد دهون مره ثانيه !
دام جذي بتوكل على الله وبسوي الي تقول عنه ..
بكمل لين ما احس ان خلاص .. جسمي جذي مظبوط ومافيه دهون
عشان حزتها اضخم على راحتي ..

ما قصرت يالغالي ..
بميزان حسناتج ان شاء الله

[daughtry]

بميزان حسناتك*

متعود على ال شسمه ;p


موفق يا احمد
ومثل ما قلت لك نزل وزنك على كيفك
وبعدين ضخم وماتحاتي الدهون

[.hamad.]

السلام عليكم

تقدر تكتب نظامك اللي ماشي عليه + تدريبك بالضبط

[احمـد العتيبـي]

السلام عليكم

تقدر تكتب نظامك اللي ماشي عليه + تدريبك بالضبط

وعليكم السلام ورحمة الله وبركاته ..
اكيد ممكن ..

نظام الأكل :

الافطار : 4 بياض بيض + حليب خالي الدسم مع شوفان + توست اسمر مع مرتديلا " لايت " قليلة الدهون
الغذاء : عيش ابيض " صحن صغير " + صدرين دجاج + روب خالي الدسم + خبزة سمراء البدائل .. دجاجه مشويه أو ساندوريتش سابويه أو سمك
سناك : فواكه
قبل النادي : بطاطه أو حليبمع كورن فلكس وعسل وموز
بعد النادي : ساندويتش سابوي أو صدرين دجاج
قبل النوم : تونه مع ماء

للامانه في الشهر الاخير في ايام خربطت بالنظام .. فطار وغدا وعشى فقط .. لان عطلت واقوم حزت العصر .. ما يمديني اكل ..


نظام التدريب :

السبت : صدر
الاحد: ظهر
الاثنين: اكتاف مثلثات
الثلاثاء باي + تراي + سواعد
الاربعاء: كارديو
الخميس : OFF
الجمعه : OFF



وصارلي يومين بلشت بجدول جديد :

السبت : صدر + تراي
الاحد : كارديو
الاثنين : ظهر + باي
الثلاثا : كاريدو
الاربعاء : اكتاف مثلثات سواعد
الخميس : كاريدو
الجمعه : OFF

ملاحظه : ما اقدر العب ارجل .. بسبب اصابه قاعد اتعالج منها ..
-

المكملات : بروتين قولد ستاندرد + بروتين كازين قولد ستاندرد + مالتي فايتمين + اكستند .. وامس ضفت عليهم ال كارنتين + CLA


شتشوف يا كابتن ؟

[احمـد العتيبـي]

[QUOTE=daughtry;7372519]بميزان حسناتك*

متعود على ال شسمه ;p


موفق يا احمد
ومثل ما قلت لك نزل وزنك على كيفك
وبعدين ضخم وماتحاتي الدهون[/QUOTE

السموحه بميزان حسناتك ..
لوول يعني xD

[Booyaka]

والله شوف أخوي أترك عنك المسميات حاليا تضخيم تنشيف وما إلى ذلك ،
ليش ماتكسب عضل صافي ، ثبت نسبة الدهن على ماهي واكسب عضل قدر المستطاع
لكن هنا السستم يباله تركيز لانك راح تضبط أكلك بشكل كبير من نسب الكارب والبروتين وما إلى ذلك وعن هذا الشيئ الصراحة انا مالي خبره فيه ، شوف الكابتن حمد وش بيعطيك من نظام غذائي
انا متأكد انه هو في باله النقطة اللي ذكرتها لك ..

[احمـد العتيبـي]

والله ياخوي لا تلومني .. حط نفسك مكاني .. انا خبرتي بعالم الحديد 3 اشهر .. وكل الي اعرفه اكتسبته منكم اخواني ..
والله انا ضايع ومتردد .. تعرف كل ربعي يقولون كلام غير عن الثاني غير المدربين .. وانا ضايع بالطوشه !

[Rashid.S]

ما راح يقصر معك الكبتن حمد
وأيضا الكابتن منصور عطاك رأيه وهو جميل جدا .. لكن لا أؤيد : D السموحه يا كابتن
وبعد عطاك الكابتن عيسى رأيه وأنا معه لكن نشوف الكابتن حمد هو أخبر وأدرى وأكيد ما راح يخذلك ان شاء الله

[daughtry]

ما راح يقصر معك الكبتن حمد
وأيضا الكابتن منصور عطاك رأيه وهو جميل جدا .. لكن لا أؤيد : D السموحه يا كابتن
وبعد عطاك الكابتن عيسى رأيه وأنا معه لكن نشوف الكابتن حمد هو أخبر وأدرى وأكيد ما راح يخذلك ان شاء الله

هلا بالحب
لا ابدا انا ماقلت رايي الا وانا واثق ان كميه العضل كبيره لان مده الاعب بسيطه جدا
لو كانت المده سنه واكثر لكان رايي يختلف