لا اعرف الطريق الصحيح لي لبناء جسم عضل ..

[HENDERSON]

معلومات المتقدم بالاستفسار :
العمر : 19 , الجنس : ذكر

الطول :163 متر
الوزن : 63 كيلوجرام

نسبة الدهون : 20

و الاستفسار كالتالي :
اريد بعد الارشادات للوصول لجسم عضلي صح ( يعني الذراع تكون بارزه والصدر والضهر مشكلين + التخلص من الدهون الزايده في البطن )

لان انا جسمي ناششف ( حتى ذراعي تبين فيها العروق فلو خسست راح اصير هزيل جدا ) .. فابي شي ينفخ الذراعين ويبني 6 باك او على الاقل بس يحرق الدهون الا في البطن ويكون مشدود بشكل تام

مقاس الخصر : 31.5
مقاس الذراع : 10.5

" اريد يكون هدفي مثل الا في الصوره .. ابي ابني مشوار لسنوات قدام علشان احصل علا جسم رهيب "

[HENDERSON]

شباب ناطركم .. حتى لو كان ردكم اني اخسس بعدين اضخم

[بردان1]

اهلا وسهلا اخي

اعجبني كلامك
ابي ابني مشوار لسنوات قدام علشان احصل علا جسم رهيب "

وهذا اهم شي باللعبة ان الواحد مايتصور انه والله بلعب شهر شهرين واخذ جسم وعضلات واترك اللعبة لا اللعبة للي يبي جسم صح اول شي لازم يتعايش معها طول العمر
وهالشي سهل لإن الواحد مجرد مايحب اللعبة مستحييل يتركها

من النظر الى صورتك اخي
من وجهة نظري تبدا بالتخسيس افضل
ومافيه مشكلة طبعا تلعب حديد بس يكون تركيزك على التخسيس التمارين السويدية والكارديو ومع الوقت اذا شفت جسمك بدا يتفصل ويصير اكثر صلابة تبدا بالضخامة

وانصحك تاخذ لفة على قسم المواضيع المميزة ان شاءالله تستفيد

موفق

[HENDERSON]

طيب .. انا عندي شهر واسبوعين قبل رمضان .. اقدر اخسس فيها وزني وبعدين على طول اضخم علشان لا ترجع الدهون من جديد ( خبرك عارف لو خسست راح يرجع الوزن من جديد .. يعني لازم اعوضه بسرعه بالتضخيم ) .. يعني رمضان يكون بدايه التضخيم ليي

بس كم الوزن الا تنصحني فيه حق انزل تخسيس ؟

[بردان1]

مافيه وزن محدد
انت تقدر تستشير المدرب هذا افضل لك وهو يشوف حالتك وينصحك بالطريقة الافضل
كا مثال ممكن
اول اسبوعين
يكون تركيزك على التمارين السويدية فقط + السباحة والكارديو الجري والسيكل وغيره
بعد كذا
تبدا بجدول حديد
ويكون قبل التمرين مثلا 10 دقايق كاريدو وبعد التمرين 25 دقيقة كارديو

ومتى ماشفت جسمك نشف من الدهون وحسيت بالعضلات صارت مشدوده عندك
تبدا مباشرة ببرنامج تضخيم وتكون حريص على الجدول الغذائي هذا اهم شي

[HENDERSON]

طيب .. بس كثير من المدربين يقولو حاول تاكل ٧ وجبات في اليوم ..! هادا كثير ..! .. ما ابي اكل واجد وانا اخسس .. ويش اقتراحك في هاذا ؟ وما هي الاشياء التي يجب عليي قطعها من الدايت والاشياء اللي اتناولها بكثره ^^ ؟ شاكر لك ^^

[بردان1]

اخوي مو شرط تكون السبع وجبات كبيرة
لا سبع وجبات خفيفة
والتقسيم هذا مفيد لتسريع عملية الايض فبتالي الحرق بيكون اسرع
انت لو قدرت تاكل من 5 الى 6 وجبات ممتاز
اهم الاشياء الي مفروض عليك تقطعها
المشروبات الغازيه - السكريات - الوجبات السريعة - الاكل الغير صحي المليء بالدهون مثل المقليات .

بالنسبة لبرنامجك الغذائي تهتم بالاكلات المليئة بالبروتين مثل صدور الدجاج السمك علب التونة اللحوم الحليب والاجبان والزبادي البيض
وايضا الاكلات الكاربوهيدراتيه لكن تقطعها بالليل
مثل البطاطا الخبز الاسمر الارز الماكرونا
وايضا السلطات الخضار والفواكه ايضا

[HENDERSON]

تم تسجيل جميع الملاحظات .. ان شاء الله يجيب فايده .. لان انا نوع جسمي .. ادا اخسس ( سويتها من قبل ) وجهي و ذراعي يصيرو هزيلين .. والبطن والخواصر تصغر ويمكن بس احرق انش واحد بس .. ونفس الحاله مع المؤخره ..

يعني فكرت اني ما ادخل في الحديد الا لين ما اخلي جميع اجزاء جسمي ناشفه كامل وبعدين ادخل فالتضخيم علشان ابدي بجسم ناشف

[Booyaka]

من النظر الى صورتك اخي
من وجهة نظري تبدا بالتخسيس افضل
ومافيه مشكلة طبعا تلعب حديد بس يكون تركيزك على التخسيس التمارين السويدية والكارديو ومع الوقت اذا شفت جسمك بدا يتفصل ويصير اكثر صلابة تبدا بالضخامة.

موفق

عمر أنت تقرا أفكاري ، كلامك سليم 100 %
انا اول ماشفت جسمه قلت هذا يباله تمارين سويدية وانت جبتها عني ..

أخوي ركز بنضامك الغذائي كثير ، قلل الكارب وامتنع عن الدهون ، وبعدها يجي التمرين ..