افضل بروتين وامينو لجسمي

[zesht0o0o]

معلومات المتقدم بالاستفسار :
العمر : 25 , الجنس : ذكر

الطول :1,76 متر
الوزن : 77,2 كيلوجرام

نسبة الدهون : 18,3

و الاستفسار كالتالي :
ياجماعة انا حاليا بطق تقريبا السنه وانا العب وما احس ان جسمي تغير فيه شي

استخدم الويه بروتين ستندر
واستخدم الامينو 1000
واستخدم الجلوتامين بيور

وللاسف مو راضي على نفسي كلش

اتمنى منكم تفيدوني بأفضل بروتين يناسبني ونفس الشي الامينو

انا في شباب نصحوني اني اغير الويه بروتين واستعمل السيريوس ماس

فابي منكم الله لايهينكم افضل بروتين لجسمي استعمله ومثل ماقلت شنو افضل امينو استعمله ؟

ردودكم الله لايهينكم

[بردان1]

تم تعديل العنوان بما انها اول مشاركة
وياليت لو تراجع القوانين اخي
لك الشكر

---
بالنسبة لاستفسارك
سنه تمرن وماحسيت بفرق
طيب خبرنا عن نظامك الغذائي ؟! قبل ماتخبرنا عن المكملات

[zesht0o0o]

بصراحه ياخوي
انا اكلي طبيعي ريوق + غدى + عشى
يعني ياخوي اكل كل شي روتين طبيعي مو ملتزم بشي

[ياضلوم]

وعليكم السلام ..اخوي قسم بلله لو تلعب عشر سنين على نضام اكلك هذا ما راح تشوف نتيجه خخخخ .. يا طوويل العمر .يفضل تكون 6 وجبات خلال اليوم وتكون مليانه بروتين وكارب ..+بدال الامينو الي عندك خذ امينو 10000

بدال 1000 الي عندك ..+مكمل بمب اذا حبيت .. واي استفسار انا تحتح امرك .. بلتوفيق

[X TREME]

اخي لاحظ ان المشكلة ليست في مكملاتك لانها تقريبا هي المكملات الاساسية التي يستخدمها اغلب لاعبي كمال الاجسام
ولابد ان تكون المشكله اما في تغذيتك او تمرينك او انك لاتاخذ القدر الكافي من الراحة
فلو تركز في الثلاث نقاط هذه ممكن تحدد وين المشكلة..

[zesht0o0o]

الله يجزاك خير بس ياخوي للاسف ودي بس برنامج غذائي مو عارف شنو الوجبات المفيده

[the rock 911]

طريقة تمارينك وتاديتها - نظامك الغذائي - الراحة الكافية = زيادة الكتلة العضلية ونوع البروتين ماهو مقياس لتحسن الجسم وخلي عنك السيريس لانه بيزيد دهونك
راجع الاساسيات الثلاثة للعبة وحاول تصلح الخلل

[ياضلوم]

اخوي هذا برنامج وتوكل على الله ..........بلنسبه للوجبات كل 2 او 3 ساعات (على راحتك)
الفطور .. من 6 الى 8 بياض بيض +حليب مع شوفان
الوجبه 2= واي بروتين مع حليب
الغداء =صدر او صدرين (شوي) +1 بطاطا مسلوقه او مشويه
4 وجبة ما بعد التمرين = موز او عسل او مربي (سكريات بشكل عام) +واي بروتين
الوجبه5 = صدر الى صدرين دجاج (تقدر تستبدلها ب 8 بياض بيض ) ... ملاحضه .هذي الوجبه بعد البروتين ب 30 الى 45 دقيقه
الوجبه 6= اجبان +البان ..او كازين بروتين مع حليب ...
واتمنى اذا فيه اي خلل او نقص يصححون لي الاخوان ..... بلتوفيق

[ياضلوم]

والله طلعت اخصائي تغذيه وانا مو داري ههه ^^

[Booyaka]

سنة تتمرن وماحسيت بفرق ، ذكرتي بواحد من الاخوان بالمنتدى هو يعرف نفسه خخخ

عموما اخوي أحس نظامك الغذائي سيئ ، فلا تركز كل همك على المكملات وتحتار من بينهم
ضبط اكلك وان شاء الله امورك طيبة ..

[بردان1]

ماقصر اخوي ياضلوم
وعندك هالجدول جدا رائع واضمن لك اضمن لك تحقق النتيجة الي تعجبك واكثر بس تطبقه صح وتمرن صح

http://montada2.com/showthread.php?t=686348

وعيسى تماما هذا مثل صاحبنا ههههه