ماأكثر موقف انحرجت امامه

[Gin113]

سلام عليكم
هل يمكنك اخبارنا اكبرموقف احرجك.

[Lawer]

على حسب ذكري قبل 7 سنين كنت رايح المدرسة بدون جوتي ( اعزكم الله ) والدنيا كلها تضحك وسئلت صاحبي شنو اللي صاير ؟ قال لي شوف تحت ههههههههه شكرا ليون ^^

[:Rebecca:]

^
^
ههههههههههههههههه خطير هالموقف = ))
هممم حسب ما اذكر مرة وصلت متأخرة للمحاضرة فكنت اجري بسرعة و لما فتحت الباااب صرخت بصوت عااالي (يسسسسسس)و اغلقت الباب و اذا اجد المدرسة واقفة امامي و الطالب كانوا يدرسون <<لا تعليق XD

[Lawer]

^
^
^
هههههههههههه صارت لي لكن بطريقة غير كنت راكض واشوف المدرس قبل لا يدخل وادخل بسرعة قبله واصكر الباب بوجه هههههه

[Arashi]

كان في مثل هالموضوع من كم سنه لكن التجديد حلو....يعطيك العافيه

أنا عادة حذره واتجنب الاحراج فما عندي شي أذكر غير موقف مليون مره عدته في المنتدى هههه وهو لما قلت لوحده "شلونج خالتي؟" وطلعت أصغر مني بثلاث سنوات

[meyrin]

ههه .. مرة كنت في نص المحاضرة و فجاءة بدأت بالسعال المستمر ما ادري ليش ..

صديقتي كانت شايلة ماء معاها .. اعطيتني بس من غير فائدة : ( .. استمر السعال معي

رفعت ايدي عشان ما ازعج الجالسين قريب واستأذنت للخروج .. وانا طالعة اتعثرت شوي امام كل القاعة بس الحمد لله ما سقطت مجرد عثرة بسيطة .. كان الموقف كله محرج و سخيف جداً ..

[ALMANTHERI Girl]

بصراحة صارتلي كثير مواقف محرجة ....
من غير الطيحات طبعا...

كنت في السوق مع ولد عمي الصغير ....
وكان عنيد لأبعد الحدود..
قاللي انه يريد ياكل لأنه جوعان انا قلت الحين بنروح البيت ونأكل هناك
فجأه ومن غير سابق انذار طاح على الارض وبدأ مسلسل الصراخ
ويقول بصوت عالي " انتي ما تحبيني , تريديني أموت , دايما تقولي كذا ....الخ "
طبعا كل السوق زحمة وانا متفشله وما عارفة كيف اتصرف ...
في الأخير روحت عنه ولما سكت وتبعني مسكته من اذنه وقلتله آخر مرة اجيبك السوق معي ...
وبدأ يصيح لكن هذي المرة أقل وبدون احراج ...

[mario 64]

اكثر موقف احرجني انه دخلت مكان والكل تمو يطالعوني بدون سببب وشعرت بالأحراج