مريض بالسكر يسال عن البروتين

[أصيل العود]

معلومات المتقدم بالاستفسار :
العمر : 32 , الجنس : ذكر

الطول :168 متر
الوزن : 68 كيلوجرام



و الاستفسار كالتالي :
سلام عليكم

اخواني سمعت عن الواي بروتين وانا اخذ ابر انسولين مرتين باليوم صبح وليل الحمدلله على كل حال

حاب اسال عن الواي بروتين هل له مضار علي بما اني مريض بالسكر ايضا يقولون فيه انواع منه زيرو فات وكارب

هل الكلام هذا صحيح اذا صحيح ماهو الافضل لي وكيف طريقة استعماله


حاليا انا العب حديد صارلي 20 يوم يوميا ماعدا يوم الجمعه راحه
متى اقدر اخذ الواي بروتين علما بان تمريني يوميا لا يقل عن ساعه ونص الى ساعتين طبعا سويدي 45 دقيقه للاسف عندي كرش خفيفه مو راضيه تروح جننتني والباقي من الساعتين العبه حديد


ايضا ابي جدول مناسب يعطي عضل صافي وايضا لا تحرمونا من نصايحكم

[daughtry]

وعليكم السلام كيف حالك اخوي
دام صارلك 20 يوم اصرف النظر عن البروتينات حاليا واجعلها بعد شهر الى شهرين من عالم الحديد

[أصيل العود]

ماقصرت على الرد اخوي ننتظر البقيه ونبي رد وافي على كل تساؤلاتي بارك الله في الجميع

[Leaner]

وعليكم السلام، نعم فيه انواع من الواي بروتين خالية من السكر والكارب والفات او بكميات قليلة جدا وانا أتفق مع اخوي daughtry ، بالأول استمر في الصالة شهر شهرين ومن ثم اخذ بروتين وانا رفيجي فيه سكر وياخذ مكملات مو مشكلة ، وماتشوف شر ان شالله

[أصيل العود]

وعليكم السلام، نعم فيه انواع من الواي بروتين خالية من السكر والكارب والفات او بكميات قليلة جدا وانا أتفق مع اخوي daughtry ، بالأول استمر في الصالة شهر شهرين ومن ثم اخذ بروتين وانا رفيجي فيه سكر وياخذ مكملات مو مشكلة ، وماتشوف شر ان شالله

بارك الله فيك اخوي والشر ما يجيك ويسعدني مشاركتك طيب وانا اخوك مافي اي مشكله قربت اكمل الحين شهر ابي شنو الواي بروتين اللي تنصحني فيه وانا وزني وطولي مثل مانت شايف طبيعي عندي بس كرش خفيفه وابي الله يسلمك جدول امشي عليه مع استخدامي للبروتين انا مابي امتن ولا ابي اضعف حيل يعني لو وزني ينزل 65 مافي مشكله بس مادري هل هنا العب تنشيف ولا تضخيم وشنو الجدول الانسب لي ابي جدول ربي يحفظك ل6 ايام مع راحه يوم الجمعه

انا مازلت مبتدئ بس ابي العب صح وياليت ذكر التمارين لكل عضله حتى اطبع الجدول وامشي عليه واوريه مدربي حتى يعلمني على اسماء الاجهزه اللي راح تذكرها ومشكوووووووور ولد ديرتي

[Leaner]

دام مصر على البروتين عيل مو مشكلة ، انا أنصحك ب بلاتينوم هايدرو واي واسمه بالانجليزي ( Platinum Hydrowhey) من شركة optimum واعتقد تلقاه ب أكسجين العديلية أو هيلث بلانيت سوق شرق أو بلازا السالمية. هالبروتين سريع الامتصاص وممتاز لبعد التمرين وخالي من الكلسترول والسكر ونسبة معدومة من الكارب فقط ( ٢ جرام كارب لكل جرعة = سكوب واحد) ، وفيه أحماض أمينية ، انا جربته وكان ممتاز ولكن نكهته عادية (فراولة) ، انصحك تختار نكهة غيرها. وانا انصحك تبني صافي وتسوي جدول غذائي عالي البروتين ومتوسط الكارب وقليل الدهون ... يتبع

[Leaner]

الجدول: (يوم ١: صدر+ معدة + ٢٠د كارديو) (يوم ٢: بيطان أو ظهر + خواصر + ٢٠د كارديو) (يوم ٣: باي + تراي + سواعد + معدة + ٢٠ د كارديو) (يوم ٤: أكتاف + مثلثات + خواصر + ٢٠ د كارديو) (يوم ٥: تسخين ١٥ دقيقة بالدراجة +أرجل + بطات + معدة) (يوم ٥ او يوم ٥ و ٦ : راحة أو سباحة بالنادي) ، ملاحظة: الكارديو عبارة عن أي تمارين هوائية تؤديها كالهرولة كالمشي السريع والسويدي والدراجة والسباحة الخ..

[Leaner]

مثال على النظام الغذائي: (وجبة ١: شريحتين توست اسمر بالتيركي القليل الدسم والجبن القليل الدسم + ٢٠٠ مل حليب قليل الدسم وتضيف عليه ٣ ملاعق شوفان + ملعقة زيت زيتون) (وجبة ٢: كوب على حجم ايدك من لوز وجوز وكازو(كاجو) كلهم ني أي مو مطبوخين وبدون ملح + ٢٠٠ مل حليب قليل الدسم) (وجبة ٣: صدرين دجاج مشوي + سلطة بدون صلصة دسمة + كوب عيش (رز) أبيض أو ١ خبزة سمرة) (وجبة ٤ : تفاحة خضرا مثلا) (وجبة ٥: سلطة دجاج مشوي بدون صلصة دسمة، فقط تضيف فيها ليمون وفلفل اسود وخل التفاح وخل أبيض اذا حاب) . هذا مثال بسيط من النظام الغذائي ولازم الفرق يكون بين كل وجبة وأخرة (ساعتين الى ثلاث ساعات)

[Leaner]

مثال على النظام الغذائي: (وجبة 1: شريحتين توست اسمر بالتيركي القليل الدسم والجبن القليل الدسم + 200 مل حليب قليل الدسم وتضيف عليه 3 ملاعق شوفان + ملعقة زيت زيتون) (وجبة 2: كوب على حجم ايدك من لوز وجوز وكازو(كاجو) كلهم ني أي مو مطبوخين وبدون ملح + 200 مل حليب قليل الدسم) (وجبة 3: صدرين دجاج مشوي + سلطة بدون صلصة دسمة + كوب عيش (رز) أبيض أو 1 خبزة سمرة) (وجبة 4 : تفاحة خضرا مثلا) (وجبة 5: سلطة دجاج مشوي بدون صلصة دسمة، فقط تضيف فيها ليمون وفلفل اسود وخل التفاح وخل أبيض اذا حاب) . هذا مثال بسيط من النظام الغذائي ولازم الفرق يكون بين كل وجبة وأخرة (ساعتين الى ثلاث ساعات)

[Leaner]

البروتين وقت استخدامه فقط بعد التمرين = ١ سكوب مع ماء ، بالتالي راح تغطي حاجتك من البروتين كمبتدئ ومع الوقت بتزيد من البروتين ان شالله، والنظام الي حطيته لك تقريبا كمية البروتين الي فيه طوال اليوم = ١١٠ جم وهي كمية ممتازة على وزنك

[Leaner]

وبالنسبة ل جدول التمرين انا انصحك انه المدرب الي يعطيكياهم لان كل نادي يختلف بالآجهزة أحيانا وهو أكيد عارف كل التمارين بس عالعموم ، الصدر تلعب فيه ٥-٦ تمارين ، الباي ٣ ، التراي ٣ ، السواعد ١ او ٢ ، البيطان (الظهر) ٥-٦ تمارين ، أكتاف ٢ (أمامي وخلفي) ، مثلثات ٣-٤ ، الأرجل ٥ تمارين ، البطات ١-٢ ، المعدة ( ٢ تمرين للبطن العلوي + ٢ للسفلي) ، خواصر ٢-٣ تمارين

[Leaner]

عدد جولات كل تمرين ماعدا (المعدة والخواصر) = ٣ والعدات (١٥-١٢-١٠) مع زيادة بالاوزان بين كل جولة وأخرى ، تمرين المعدة والخواصر= ٤ جولات وكل جولة (١٥-٢٥) الي تقدر عليه ومع الوقت بتزيد العدات ان شالله. الله يوفقك

[أصيل العود]

دام مصر على البروتين عيل مو مشكلة ، انا أنصحك ب بلاتينوم هايدرو واي واسمه بالانجليزي ( Platinum Hydrowhey) من شركة optimum واعتقد تلقاه ب أكسجين العديلية أو هيلث بلانيت سوق شرق أو بلازا السالمية. هالبروتين سريع الامتصاص وممتاز لبعد التمرين وخالي من الكلسترول والسكر ونسبة معدومة من الكارب فقط ( ٢ جرام كارب لكل جرعة = سكوب واحد) ، وفيه أحماض أمينية ، انا جربته وكان ممتاز ولكن نكهته عادية (فراولة) ، انصحك تختار نكهة غيرها. وانا انصحك تبني صافي وتسوي جدول غذائي عالي البروتين ومتوسط الكارب وقليل الدهون ... يتبع

رحم الله والديك انا مايهمني النكهه لاني متعود اشرب شغلات من غير سكر وكليت اعشاب حق السكر قبل هم من غير عسل فالنكهه مو مهم عندي بس بسالك يعني فراوله يعني النكهه عشان يغير من طعمه بس

الجدول: (يوم ١: صدر+ معدة + ٢٠د كارديو) (يوم ٢: بيطان أو ظهر + خواصر + ٢٠د كارديو) (يوم ٣: باي + تراي + سواعد + معدة + ٢٠ د كارديو) (يوم ٤: أكتاف + مثلثات + خواصر + ٢٠ د كارديو) (يوم ٥: تسخين ١٥ دقيقة بالدراجة +أرجل + بطات + معدة) (يوم ٥ او يوم ٥ و ٦ : راحة أو سباحة بالنادي) ، ملاحظة: الكارديو عبارة عن أي تمارين هوائية تؤديها كالهرولة كالمشي السريع والسويدي والدراجة والسباحة الخ..

بالنسبه الى اليوم السادس للاسف ماعندنا حمام سباحه بالنادي فهل ابدا من جديد من يوم 1 وبعدها اريح الجمعه والسبت ادخل في تمرين يوم 2 وهكذا

مثال على النظام الغذائي: (وجبة ١: شريحتين توست اسمر بالتيركي القليل الدسم والجبن القليل الدسم + ٢٠٠ مل حليب قليل الدسم وتضيف عليه ٣ ملاعق شوفان + ملعقة زيت زيتون) (وجبة ٢: كوب على حجم ايدك من لوز وجوز وكازو(كاجو) كلهم ني أي مو مطبوخين وبدون ملح + ٢٠٠ مل حليب قليل الدسم) (وجبة ٣: صدرين دجاج مشوي + سلطة بدون صلصة دسمة + كوب عيش (رز) أبيض أو ١ خبزة سمرة) (وجبة ٤ : تفاحة خضرا مثلا) (وجبة ٥: سلطة دجاج مشوي بدون صلصة دسمة، فقط تضيف فيها ليمون وفلفل اسود وخل التفاح وخل أبيض اذا حاب) . هذا مثال بسيط من النظام الغذائي ولازم الفرق يكون بين كل وجبة وأخرة (ساعتين الى ثلاث ساعات)

بالنسبه للنظام هذا يكون 3 وجبات رئيسية ( وجبه 1- 3 -5 ) ووجبتين خفيفه (وجبه 2 - وجبة 4 )
بالنسبه لوجبه رقم 5 في خيارات اخرى مثلا لاني ماحب سلطه دجاج

البروتين وقت استخدامه فقط بعد التمرين = ١ سكوب مع ماء ، بالتالي راح تغطي حاجتك من البروتين كمبتدئ ومع الوقت بتزيد من البروتين ان شالله، والنظام الي حطيته لك تقريبا كمية البروتين الي فيه طوال اليوم = ١١٠ جم وهي كمية ممتازة على وزنك

طيب 1 سكوب يعني بالعلبه معاها السكوب مالها احطه في ماي شكثر الله يسلمك وبالنسبه للوجبه رقم 5 متى اكل يعني لما اشرب البروتين بعدها كم ساعه اقدر اكل

لاني الله يسلمك اروح النادي عالساعه 6.45المغرب واطلع منه8.45 بالليل

طبعا مع النظام الغذائي 110 + 30 جرام من البروتين =140 كذا صح كمية البروتين في اليوم

واخيرا شنو المقصود مع الوقت بزيد بروتين هل يعني راح احتاج اكثر من سكوب واحد في اليوم

[Leaner]

اخوي النكهة جيدة بس فيه احسن منه ، جرب نكهة الكاكاو او الفانيلا. وبالنسبة لأيام التمرين، خلهم 5 ايام ويوم راحة مو مشكلة، وصحيح كلامك بخصوص الوجبات ، ممكن تستبدل الوجبة 5 ب علبة تونة تصفيها من الدهون (غسلها بالماي مثل الي اسويه عشان تطيح الصوديوم والزيوت الي فيه) او بس تصفيها اذا مهتم من الطعم + ضيف عليها بصل مقطع + بقدونس + ليمون وفلفل اسود وخل ابيض ، او انك تاكل 6 بيضات مفيوحة (تاخذ بياض البيض فقط) مع علبة روب قليلة الدسم (اكتيفيا مثلا) . خل الوجبة 4 تكون قبل التمرين واول ماتطلع الساعة 8:45 ، اخذ البروتين مع ماي وبعدها بساعة تتعشى، والسكوب موجود بالعلبة . مجموع البروتين في اليوم بيكون 110 جم (مع سكوب البروتين)، كافية على وزنك وكافية على اساس انك مبتدئ، مع الوقت ان شالله بتزيد عضل وبيزيد وزنك وبالتالي تحتاج كمية اكبر من البروتين.

[أصيل العود]

اخوي النكهة جيدة بس فيه احسن منه ، جرب نكهة الكاكاو او الفانيلا. وبالنسبة لأيام التمرين، خلهم 5 ايام ويوم راحة مو مشكلة، وصحيح كلامك بخصوص الوجبات ، ممكن تستبدل الوجبة 5 ب علبة تونة تصفيها من الدهون (غسلها بالماي مثل الي اسويه عشان تطيح الصوديوم والزيوت الي فيه) او بس تصفيها اذا مهتم من الطعم + ضيف عليها بصل مقطع + بقدونس + ليمون وفلفل اسود وخل ابيض ، او انك تاكل 6 بيضات مفيوحة (تاخذ بياض البيض فقط) مع علبة روب قليلة الدسم (اكتيفيا مثلا) . خل الوجبة 4 تكون قبل التمرين واول ماتطلع الساعة 8:45 ، اخذ البروتين مع ماي وبعدها بساعة تتعشى، والسكوب موجود بالعلبة . مجموع البروتين في اليوم بيكون 110 جم (مع سكوب البروتين)، كافية على وزنك وكافية على اساس انك مبتدئ، مع الوقت ان شالله بتزيد عضل وبيزيد وزنك وبالتالي تحتاج كمية اكبر من البروتين.

بيض الله وجهك وماقصرت كفيت ووفيت جاري اخوي الغالي