عضلات بطني تستهبل !!

[جنون ابوظبي]

معلومات المتقدم بالاستفسار :
العمر : 18 , الجنس : ذكر

الطول :170 متر
الوزن : 73 كيلوجرام



و الاستفسار كالتالي :
السلام عليكم

كيفكم اخواني


الحمدالله بالاراده قربت كثير من السكس باك ! كل يوم العب كارديو واتغذي زين واتمرن بطن لا يقل عن 500 !


المهم اخواني !


الحين الي اعرفه عضلات البطن نفس هذا

OO
OO
OO

6 عضلات , والعضلات تظهر من فوق لتحت ! مستحيل تحصل حد عضلاته تجي من تحت لفوق !


ياغاليين انا عضلاتي احسها تستهبل علي او انها تمزح ومزحها ثقيل شوي !!

يعني بطني العضلات الي فيها ظهرت فقط اول ثنتين على اليسار والثنتين الي على اليمين مختفيات والي تحت مختفيات !

يعني لازم يكون عندي

OO
OO
OO

لكن انا عندي كذآ

OO
OO
OO

( الاحمر الي طالع عندي , والاسود للحين ماطلعت )
يعني فقط الي على اليسار ظاهر ويبين والي على اليمين مايبين ولا شي ! فقط احس بقوتها لكن ماتبين ابداَ !


للعلم التمارين الي اتمرنها يومياَ حوالي 5 تمارين , وكلها بالتساوي , وسط وخواصر وفوق وتحت والجنبين !
يعني ماامرن اليمين واليسار لا , بالعكس امرنهم مع بعض !



يااخوان الي يعرف شو قصتها يكملني او شو الحل معاها ! لان شكلها بصراحه يضحك جدا -,-

[Hamad111]

ههههههههههه اما تستهبل

بس اتوقع ان مع الوقت تبين كلها لان احتمال يكون عضله تبرز او اقوا من الثانيه وهذا وارد والله اعلم

وان شالله يفيدونك الوحوش اهل الخبرا

بالتوفيق يارب

[جنون ابوظبي]

ايه والله !


تسلم لي , وبإنتظار اهل الخبره !


على فكره صارلها يمكن اسبوعين بهذا الحال !!

[Mn2]

ههههههههههههههههههه صراحه العنوان متعوب عليه

انتظر ويجون الخبراء يفيدونك بس حبيت اشارك في موضوعك تقبل مروري

[bobo22]

انا دخلت بس ابي احيك على اسم الموضوع هههههههههههههههه

[Booyaka]

يا جماعة صلو على النبي ، قمتو تستهبلون

أخوي لو تبي تضخم عضلات بطن صح ، اللعب البطن مرة او مرتين بالاسبوع على أوزان وحاول انك تأدي التمرين بشكل جيد ومتوازن بجسمك مو انك تميل لجهة اكثر من الثانية ..

[.hamad.]

يا جماعة صلو على النبي ، قمتو تستهبلون

أخوي لو تبي تضخم عضلات بطن صح ، اللعب البطن مرة او مرتين بالاسبوع على أوزان وحاول انك تأدي التمرين بشكل جيد ومتوازن بجسمك مو انك تميل لجهة اكثر من الثانية ..

+1

انا مع الكبتن بويوكا مرتين بأوزان معتدله ومرتين بدون اوزان = 4 مرات فالاسبوع بالكثير
او 3 مقسمة على مدار الاسبوع

[bobo22]

ما ازيد على كلام الاخوان شي بس ترى بعض الاحيان الشغلة وراثية يعني شوف الابطال مثل جاي كتلر عضلات بطنه ما هي متساوية ...

***

[M5Q]

أبدأ بالتضخيم للعضلات بـأستخدام الأوزان ، راح تحسس بالعضلـة ، وراح تطلع لك بشكل جدا واضح !
لأن مو شرط تكون نسبة دهونك قليلة عشان تبين العضلات ، بعض الناس نسبة دهونهم تصل 16 %
و واضحة بشكل خيالـي ، السبب في ذلك ، هو تمرين عضلات البطـن بالأوزان !
ولكن كلما قلت النسبة ، زاد وضوح العضـلـة !