رايكم يهمني للضخامه

[lovr71]

معلومات المتقدم بالاستفسار :
العمر : 30 , الجنس : ذكر

الطول :170 متر
الوزن : 80 كيلوجرام

نسبة الدهون : 22

و الاستفسار كالتالي :
السلام عليكم ورحمه الله وبركاته

حي الله وحوش المنتدي

عندي استفسار وحاب استفيد من خبراتكم انا مكملاتي

سوبر فيول

اكستند وكيف استخدامه لا افضل النتائج ( يقولون الشباب في المنتدي انه يعني عن الاحماض وعن الجلوماتين ) اذا كان يسد عنهم

ياليت تقولون لي واذا كان غير كذا لازم اخذ قلومتين

وعندي اوميقا 3

وجينا للاهم

عندي كرياتين من جي ان سي حبوب كيف طريقه استخدامها لاني بحث في المنتدي كل الناس بورده

بس ابي طريقه استخدامها وكيف فترات التحميل

هل مكملاتي مناسبه للضخامه او احتاج اضافات عليها

[lovr71]

وهل فيه تعارض للكاريتين مع القهوه والانناس


وين الشباب !!!!!!!

[THE CAST]

وعليكم السلام ورحمة الله وبركاته

سوبر فيول

ياليت ترفق صورته افضل
لانه لو كان غينر فمااحبذ استخدامك له خصوصا لان هالانواع تكون غنيه بالسكر سريع الامتصاص والي اغلبه يخزن دهون....

اكستند وكيف استخدامه لا افضل النتائج ( يقولون الشباب في المنتدي انه يعني عن الاحماض وعن الجلوماتين ) اذا كان يسد عنهم
ياليت تقولون لي واذا كان غير كذا لازم اخذ قلومتين

الاكستند يكفيك
خذ منه خمس سكوبات الى ست .. اخلطها مع ماء وخذ منه رشفات في النادي بين التمارين

عندي كرياتين من جي ان سي حبوب كيف طريقه استخدامها لاني بحث في المنتدي كل الناس بورده

بس ابي طريقه استخدامها وكيف فترات التحميل

اذا كان كرياتين مونهدرات حبوب(كبسول)
فهذا غير اقتصادي البته لانه كلها كم يوم وبتخلص العبوه .... عالعموم كم فيها العلبه الي عندك ؟
لاجل نخصخص الاستعمال قدر المستطاع

[lovr71]

وعليكم السلام ورحمة الله وبركاته


ياليت ترفق صورته افضل
هذي صورته سوبر قينر فيول

لانه لو كان غينر فمااحبذ استخدامك له خصوصا لان هالانواع تكون غنيه بالسكر سريع الامتصاص والي اغلبه يخزن دهون....

ممكن توضح لي اكثر يعني كم اسكوب في اليوم واذا كان يخزن اقدر وقت الضخامه بعد التمرين علي الدرجه نص ساعه وتمارين بطن وجوانب

الاكستند يكفيك
خذ منه خمس سكوبات الى ست .. اخلطها مع ماء وخذ منه رشفات في النادي بين التمارين


ذا كاست خمس سكوبات مره وحده اذا كان كذا مع كم ملي ماء وهل هو نفس سكوب البروتين او علي قولت الشباب ملعقه شاهي

او ان الخمس سكوبات متفرقه يعني 2 قبل التمرين و 2بعد التمرين و 2 قبل النوم

وهي هو يغنني عن القلوماتين

اذا كان كرياتين مونهدرات حبوب(كبسول)
فهذا غير اقتصادي البته لانه كلها كم يوم وبتخلص العبوه .... عالعموم كم فيها العلبه الي عندك ؟
لاجل نخصخص الاستعمال قدر المستطاع

حبيب قلبي الكرياتين عندي كبسولات من جي ان سي الي غطايته ذهبيه
وهذي صورته


وفيه 120 حبه وابي اعرف ايش كثر اخذ وقت التحميل بالخمس الايام الاولي لان كل الاخوان هنا يقولون خمس قرام وانا الي عندي كبسولات

وعن الكبسولات مكتوب خلاص خمسه ايام 28 حبه علي مااعتقد

وبعدين قريت ان القهوه تسوي تعارض مع الكرياتين او تبطل مفعوله وانا بصراحه مدمن قهوه مااقدر استغني عنها ياليت توضح لي


الله يجزاك خير ويرحم والديك


وفي الاخير ماقصرت ياوحش

[lovr71]

اذا كان الاكستند مايفي بالغرض المطلوب اقدر اضيف قلوماتين قبل النوم

وهل احتاج احماض او يغني عنه !!!!!!

معليش ياوحش بس حاب استفيد من خبرتك قد مااقدر

هذا المكملات لشهر قدام او شهر ونص

بعدها ايش تنصحني بمكملات ثانيه ((( فرصه انك متواجد في موضوعي وحاب استفيد اكثر ))

ذا كاست

[THE CAST]

ياليت ترفق صورته افضل
هذي صورته سوبر قينر فيول

لانه لو كان غينر فمااحبذ استخدامك له خصوصا لان هالانواع تكون غنيه بالسكر سريع الامتصاص والي اغلبه يخزن دهون....
ممكن توضح لي اكثر يعني كم اسكوب في اليوم واذا كان يخزن اقدر وقت الضخامه بعد التمرين علي الدرجه نص ساعه وتمارين بطن وجوانب

هذا المنتج اعرفه ومجربه . وراح يزيدك دهون بشكل كبير لان محتواه عالي جدا من السكر والدهون
واذا كنت تقصد بتمرينك للبطن والجوانب منع تراكم الدهون من عليها .. فاحب اوضح انه لايمكن بفترة الضخامه حرق الدهون او منع تراكمها في مناطق معينه

ذا كاست خمس سكوبات مره وحده اذا كان كذا مع كم ملي ماء وهل هو نفس سكوب البروتين او علي قولت الشباب ملعقه شاهي

او ان الخمس سكوبات متفرقه يعني 2 قبل التمرين و 2بعد التمرين و 2 قبل النوم

وهي هو يغنني عن القلوماتين

نعم .. لان الاكستند سكوبه صغير مو مثل سكوبات البروتينات المعروفه إلا لو غيروا حجمه في الاصدار الجديد والي له اكثر من ثمانية اشهر الله اعلم
تقريبا حجم السكوب فيه مقارب لمحتوى ملعقة الشاي الممتلئه.

بالنسبه لكم ملل , مقدار قارورة ماء ام ريال اي تقريبا 5,5 الى 6,5 ملل. وموشرط تلتزم بالكميه هذي فبإمكانك تزيدها او تنقصها حسب رغبتك بكون الطعم
لاذع ام العكس ...

ونعم يغني عن الجلوتامين وماله داعي تشتري جلوتامين

حبيب قلبي الكرياتين عندي كبسولات من جي ان سي الي غطايته ذهبيه
وهذي صورته


وفيه 120 حبه

هالمنتج غير اقتصادي ..لتكن المره الاخيره الي تشتريه فيها
ودايما منتجات الكرياتين البودر تجيك اوفر واحسن من نواحي عده

وابي اعرف ايش كثر اخذ وقت التحميل بالخمس الايام الاولي لان كل الاخوان هنا يقولون خمس قرام وانا الي عندي كبسولات

وعن الكبسولات مكتوب خلاص خمسه ايام 28 حبه علي مااعتقد

لو استعملت العبوه بالشكل المطلوب فماراح تكمل معك ست ايام
لذا استعمال بالشكل الاتي
اول خمس ايام / خمس حبات قبل الفطور + خمس بعد التمرين او قبله بساعتين
سادس يوم ومابعد خمس حبات بعد التمرين مع البروتين

وبعدين قريت ان القهوه تسوي تعارض مع الكرياتين او تبطل مفعوله وانا بصراحه مدمن قهوه مااقدر استغني عنها ياليت توضح لي

هالسؤال بحاله محتاج نثر
الجدل قائم بين الكرياتين والكافيين على وجه الخصوص , الكافيين له تاثير معاكس للكرياتين بالجسم حيث ان الكافيين يعتبر مدر خفيف للمياه(خفيف)
حتى ان بعض الابحاث نفت التاثير مالم تكن كمية الكافيين عاليه
الخلاصه
حاول تخفف من القهوه (الكافيين بشكل عام) ولاتحرم نفسك منها

اذا كان الاكستند مايفي بالغرض المطلوب اقدر اضيف قلوماتين قبل النوم

وهل احتاج احماض او يغني عنه !!!!!!

معليش ياوحش بس حاب استفيد من خبرتك قد مااقدر

هذا المكملات لشهر قدام او شهر ونص

بعدها ايش تنصحني بمكملات ثانيه ((( فرصه انك متواجد في موضوعي وحاب استفيد اكثر ))

ذا كاست

لا لاتضيف جلوتامين مايحتاج .


و احب اذكرك مره ثانيه انه البروتين الي معك يعتبر من اقوى الغينر في الاسواق واذا ماكنت تعاني من نحافه او جسمك هزيل لاتستعمله افضلك

اذا انهيت الي عندك وحاب تستعمل فعندك
- ايزو100 بروتين مناسب لك وبالامكان الاستمرار عليه فهو من البروتينات الممتازه في القيم والطعم والجوده
- اي ملتي فايتمن من الصيدليه
- حبوب بيومارين مفيده لصحة الجسم
- الكرياتين لاتستعمله بشكل دائم ولو تحب تجربه مره اخرى فليكن بودر

والاهم من السبلمنت هو نمط تغذيتك اليومي فالتغذية هي الركاز الاول لكل هدف




حياك الله وموفق ان شاالله

[بردان1]

نعم .. لان الاكستند سكوبه صغير مو مثل سكوبات البروتينات المعروفه إلا لو غيروا حجمه في الاصدار الجديد والي له اكثر من ثمانية اشهر الله اعلم
تقريبا حجم السكوب فيه مقارب لمحتوى ملعقة الشاي الممتلئه.

#شطحة : سكوب الاكستند الجديد = سكوبين من الاكستند القديم = 13 قرام
يعطيك السكوب الواحد 7000 bcaa موزعة على نمط 2:1:1 يعني الليوسين 3500 والفالين والايزوليوسين 1750
والباقي يتوزع على الجلوتامين بـ 2500 والسيترولين 1000
طريقته مثل ماتفضل اخوي ابو منصور تكون من 5-6 بالاصدار القديم , اما الجديد سكوبين إلى 3 سكوبات خلال اليوم


ودي