بروتين وي جولد ستاندرد اماراتي ؟

[~ Snake ~]

معلومات المتقدم بالاستفسار :
العمر : 23 , الجنس : ذكر

الطول :176 متر
الوزن : 62 كيلوجرام

نسبة الدهون : ؟؟؟

و الاستفسار كالتالي :
السلام عليكم ورحمة الله وبركاته


بغيت استفسر هل منتجات شركة اوبتيميوم تصدر في ا?مارات او هناك تقليد على منتجاتها ؟


لان المدرب يقول ان بعضهم اماراتي وان الي عنده من الشركة الأم


علما بأن الي حصلته مثل الصورة بالضبط المعروضة من الشركة الام وكل الكلام المكتوب حتى فيه ستيكر فوق الغطى يوريك المنتجات تبع الشركة ومغلق باحكام و بنايلون


فحبيت اخذ برأيكم علما ان فرق السعر بينه وبين المنتج الي محصله قرابة ال 50 ريال واذا كان يضدر في الامارات شلون اعرف ان هذا من الشركة الام او من الامارات ؟

[غامدي الشرقيه]

شوف انا سمعت من ناس واجد يقولون يوجد منطقه بالامارات اسمها جبل علي وهناك كل شي مقلد تقليد بدرجه ممتازه مااحد يقدر يفرق بين الاصلي والتقليد هذا والله اعلم لكن انا ماراح افتي عليك بس اذا تبي تفك نفسك من وجع الراس هذا اصلي وهذا تقليد او مضروب الحل الوحيد ياتطلب منتجاتك من برى او تشتري الي تبيه من gnc صحيح غالي بس اضمن

موفق

[~ Snake ~]

مشكور ياخوي عالمساعدة

طيب. يعني ممكن حتى الي عند المدرب يكون اماراتي لان التقليد مثل ما قلتوا احترافي ^^“

[sami1989]

^^^^^^ اشوفك كابت snake تتمرن حديد
اهلن وسهلا فيك وشركة اوبتيموم شركه رووعه لكن للاسف مااقدر افيدك لاني ليس مقيم في الامارات

[S.alkalbani]

انصحك ماتاخذ شي من عند المدرب الا اذا مدرب زين وانت واثق فيه وعارفنه زين

فالامارات اذا تبا بروتينات خذ يا من جي ان سي او نيترشونال اضمن محلين

لاتاخذ من برع لانهم اغلبيتهم اييبو بروتينات من جبل علي او رأس الخيمه وهذول بروتينات مضروبه

[عمر 1]

انا مقيم في راس الخيمه وخايف من المكملات المضروبه

[بن غانـم]

السلام عليكم و رحمة الله و بركاته

اكثر المكملات المضروبة في الامارات موجودة عند اغلب المدربين

المحلات الموجودة و المضمونة

1- GNC
2- ليف ستايل نيوترشن
3- محل بأبوظبي اسمه World Nutrition
4- مركز د. نيوترشن


و السموووحة

[~ Snake ~]

مشكورين شباب على تفاعلكم بس انا ساكن بالبحرين ^^"

مو بالامارات فهل المكملات المضروبة منتشرة في دول الخليج ولا فقط في الامارات ؟

[.hamad.]

مشكورين شباب على تفاعلكم بس انا ساكن بالبحرين ^^"

مو بالامارات فهل المكملات المضروبة منتشرة في دول الخليج ولا فقط في الامارات ؟

لا مب منتشره

بس الواي بروتين جولد صار تقليده مثل الماي لدرجة انك تخاف تشتري حتى من محل مضمون

خذ الايزو 100 افضل من الواي بمراحل واضمن

[S.alkalbani]

والله اتوقع هالشي موجود فالخليج

مم حاول تسأل الشباب الي وياك فالجيم عن محلات البروتينات اكيد بيعرفو ان شاء الله حد يفيدك لاني بالامارات مقدر افيدك بأماكن المحلات

[~ Snake ~]

لا مب منتشره

بس الواي بروتين جولد صار تقليده مثل الماي لدرجة انك تخاف تشتري حتى من محل مضمون

خذ الايزو 100 افضل من الواي بمراحل واضمن

مشكور اخوي حمد هذا الي صرت افكر فيه اخذ الايزو حتى لو مو موجود بالبحرين راح اسويه طلبية


اخوي s.alkalbani

مشكور ياخوي عالمساعدة وما عليك قصور ^_^

والله يعطيكم العافية

[.hamad.]

موفق يالغالي

ولا تقاطعنا