عضله الباي وبروز العضله , المشكله بالصور

[Mohd01]

معلومات المتقدم بالاستفسار :
العمر : 25 , الجنس : ذكر

الطول :168 متر
الوزن : 72 كيلوجرام

نسبة الدهون : 0

و الاستفسار كالتالي :
السلام عليكم ورحمه الله وبركاته ,

عندي استفسار يا شباب بخصوص عضله الباي .. اللي متأكد منه ان حجمها كبر بشكل جيد مقارنه بحجمها قبل بدايتي في الحديد ..

لكن مشكلتي .. ان العضله نفسها غير مشدوده وبارزه بستثناء وقت التدريب ,
يعني منظرها كأنه منظر جلد اكثر من انه عضل .. الا لو شديتها .. وحسب اللي اشوفه انها اقل العضلات تطور معاي
مع أني متأكد من اداءي للتمرين .. والعب باوزان عاليه
العبها 3 تمارين اذا كانت مع عضله كبيره
و 4 تمارين لو كانت مع التراي

لكن من خلال بحثي قرات اراء تنصح بلعبها باوزان اقل لكن عدات كثيره .. فما ادري عن صحه الموضوع ؟؟

عموما هذي صوره للباي + صوره للتراي .. طبعا كنت شادها
مع العلم بأن لي سنه العب حديد تقريبا

[Booyaka]

انت لانك قاعد تحرقها مو قاعد تترك لها الفرصة لانها تكبر ، 4 تمارين كثيرة على عضلة صغيرة حتى لو كانت بيوم لحالها مع التراي
جرب هذه الطريقة : مرنها يوم واحد بالاسبوع بوزن عالي


اول تمرين بار متعرج مسكة داخلية ، الهدف تكوير الباي من الجهة الخارجية لاني اشوف ناقصك هذا الشيئ .
ثاني تمرين ، كيبل ، تكون وسط جهاز الكيبل وتمسك المسكة تبعها وتسحب اليدين بوقت واحد ( نفس وضعية الاستعراض ) الهدف تضخيم الباي من الاعلى
ثالث تمرين بار متعرج مسكة خارجية وتكون جالس على البنش ، الهدف تكوير الباي من الجهة الداخلية .

فقط اللعب هذه التمارين لمدة شهر وخذ جلوتامين بعد التمرين ، وصدقني راح تصير الباي سيبس عندك مثل الكورة

[Mohd01]

كابتن عيسى :

بالنسبه لكوني احرقها بالـ 4 تمارين , فانا مامشيت على نظام ال4 تمارين الا مده 3 شهور كنت فيها بالسعوديه ونصحني المدرب
باقي السنه كنت العبها 3 تمارين .. فجايز يكون هذا الخلل لكن ماعتقد

اول تمرين بار متعرج مسكة داخلية ، الهدف تكوير الباي من الجهة الخارجية لاني اشوف ناقصك هذا الشيئ .

صحيح 100% حتى انا حاس بمشكله في التكوير الخارجي , وبإذن الله بعتمد هالتمرين لفتره طويله

ثاني تمرين ، كيبل ، تكون وسط جهاز الكيبل وتمسك المسكة تبعها وتسحب اليدين بوقت واحد ( نفس وضعية الاستعراض ) الهدف تضخيم الباي من الاعلى

انا العب نفس هالتمرين , لكن اكون جالس عالكرسي والعبه بالدنابل .. طبعا اسحب اليدين بوقت واحد .. وليس تبادل مثل التمرين المعتاد

ثالث تمرين بار متعرج مسكة خارجية وتكون جالس على البنش ، الهدف تكوير الباي من الجهة الداخلية .

هل المسكه الخارجيه هي الـ wide grip ؟ والداخليه هي الـ close grip ؟


الف شكر يا كابتن عيسى , ماقصرت على هالرد والشرح كله
الله يعطيك الف عافيه , وبإذن الله بطبق جدولك

[Booyaka]

يعافيك أخوي ..

wide grip و close grip ، هذا يعني تقارب وتباعد اليدين حينما تمسك البار المستقيم او العقلة الخ وماله علاقة بالبار المتعرج اللي هو ez bar
راح اوضح لك المسكة الداخلية و الخارجية بالصورة :



بالنسبة للتمرين الثاني ، انا افضل لعبه بالكيبل لانه الكيبل له مميزات كثيرة على العضلة وبتعطيك تفصيل اكثر ، حاول انك تدخل تمرين للباي و التراي على الكيبل ، ولين بتلعبهم بيوم واحد ابدأ بالتراي وبعدين الباي وبعدين السواعد بتشوف نتيجة احسن .

[Mohd01]

كابتن عيسى , ماقدر اقول الا الله يعطيك الف عافيه
جربت امس امشي على تمارينك وخصوصا المسكه الضيقه لعبته بتركيز قوي .. والله اثار التعب عالعضله للحين احس فيها .. كان تمرين رهيب ولله الحمد

شكرا مره ثانيه

[Booyaka]

^ ^
بالتوفيق عزيزي .. ، بعد شهر خبرني كيف صار شكل الباي سيبس وعـد ..

[Mohd01]

ابشر ان شاءالله بعطيك خبر كيف الاوضاع

[Mr.Puma]

خليك على التمارين اللي قالها لك الأخ بوياكا ..

لكن أنا بأزيد نصيحة ثانية .. وهي أغلى نصيحة عرفتها في عالم كمال الأجسام بالنسبة للتدريب

ارهاق العضلة من كذا زاوية تدريب وتغيير التكرارات من قليلة الى متوسطة وكذلك تغيير القبضات وطريقة التمرين من حمل وسحب هي أفضل وسيلة لمقاومة المقاومة

ولو اني أفضل انك تتمرن يومين بدل يوم في الاسبوع للباي .. لأن عضلة الباي صغيرة واستشفائها اسرع واعتقد 72 ساعة كافية ان شاء الله حتى ترجع تمرنها مرة ثانية

ونصيحة أخيرة : ابعد عن الآلات او الماشين الجاهز .. اذا أردت عضلات ذراع ضخمة فركز على الاوزان الحرة ( الدنبل والبار ) والكيبل يجي في المرتبة الثانية ممتاز لأنه فيه ميزة الشد على العضلة في التدريب العكسي




وفقك الله
مع تحيات رجل عمل بهذه النصائح ورأى نتيجة جميلة في الباي

[mr.dark.gym]

^ ^
بالتوفيق عزيزي .. ، بعد شهر خبرني كيف صار شكل الباي سيبس وعـد ..

حتى هنا هههههههههههههههههههههه

الكابتن عيسسى وما قصصر يالوحش

[Mohd01]

خليك على التمارين اللي قالها لك الأخ بوياكا ..

لكن أنا بأزيد نصيحة ثانية .. وهي أغلى نصيحة عرفتها في عالم كمال الأجسام بالنسبة للتدريب

ارهاق العضلة من كذا زاوية تدريب وتغيير التكرارات من قليلة الى متوسطة وكذلك تغيير القبضات وطريقة التمرين من حمل وسحب هي أفضل وسيلة لمقاومة المقاومة

ولو اني أفضل انك تتمرن يومين بدل يوم في الاسبوع للباي .. لأن عضلة الباي صغيرة واستشفائها اسرع واعتقد 72 ساعة كافية ان شاء الله حتى ترجع تمرنها مرة ثانية

ونصيحة أخيرة : ابعد عن الآلات او الماشين الجاهز .. اذا أردت عضلات ذراع ضخمة فركز على الاوزان الحرة ( الدنبل والبار ) والكيبل يجي في المرتبة الثانية ممتاز لأنه فيه ميزة الشد على العضلة في التدريب العكسي




وفقك الله
مع تحيات رجل عمل بهذه النصائح ورأى نتيجة جميلة في الباي

الله يعطيك الف عافيه ياخوي ..
نصايحك مفيده وعالعين والراس .. بإذن الله بشتغل عليها واطبقها بالفتره القادمه
وعلى قولتهم ( اسأل مجرب ولا تسأل طبيب )

الله يجزاك خير .. ويوفق الجميع يارب