طريقة تضخيم البطات ونموها
السلام عليكم ورحمة الله وبركاته
الكثير منا يلاحظ نمو البطات ابطء من غيرها, والبعض ما تكبر بطاته للحجم المطلوب بسبب التمرين الخاطئ مع انه يكون له ثلاث اربع سنين يتمرن وبس يدخل على الهرمون يكبر كابوس البطات الصغيره عنده!! كالصورة التالية:
ومنا من يلاحظ بعض الشباب يجي على كرسي البطات ويحط اربع خمس بليتات ومع هذا يكون تعداده عالي! وباليوم التالي كانك يا زيد ما غزيت, مافي شعور بالنمو والالم ومع الوقت تبان نقطة الضعف
المعروف انه لعبة كمال الأجسام هي ترابط العقل بالعضلة (التركيز) اكثر من انك ترفع اوزان, فبتركيز مع وزن جيد يقوم الجسم ببناء كتله عضلية اكثر من الاوزان العالية الي ماينتج من وراها غير الاصابات. ونفس الفورملا تستعمل في تمرين البطات, والتوضيح التالي بنقاط للتسهيل على القارئ:
1- البدأ بتمرين البطات قبل الأرجل اذا كنت من الناس الي يفقد التركيز بآخر التمرين من التعب وتصير تلعب أي كلام!
2- عند رفع الى الاعلى حاول تضغط وتشد البطات قدر الامكان, بينما عند النزول ستقوم بإطالة البطات وتمديدها. فتصل الى اعلى مستوى تستطيع له وتنزل الى اخر مستوى تقدرله.
3- اغلب المبتدئين يتمرنون بنصف عدة بدلا من عدة كاملة! كيف؟؟ يشد البطات عند الرفع (الحركة الموجبة) ويرفع بتركيز عالي, وعند النزول (الحركة السالبة) سلامتك يرخي البطات ويعطيها مجال ترتاح وينزل الوزن بسرعة, طبعا لانه اسهل عليه, ولكن الحكمة عند النزول تركز على عضلة البطات تنزل شوي شوي وتاخذ وقت اطول من الرفع لانه الوزن بيكون اخف لتأثير الجاذبية عليه.
4- العدات تكون 12-10-8-6 مع زيادة الوزن بعد كل جلسة (وزن عالي + تمرين صحيح وتركيز = نتائج)
فهذا سيفاجئ البطات بما انها متعودة على الحركة السريعة والعدات العالية مثل الجري وصعود السلالم!
5- بعد كل جلسة او جلستين تقوم بإطالة البطات وتمديدها بدون اوزان كما في الصورة:
6- عند تطوير العضلة وتكبيرها قد ترى فرق كبير بين البطة الداخلية والبطة الخارجية (السولييس) كما في الصوره:
وهنا يقتصر الفرق على التمرين ونوعية الياف عضلة السولييس, فالمعروف انها مكونة من الياف بطيئه, فيجب ان يكون التكرار من 20 و اعلى.
اما على التمرين, فهذا يوضح الفرق بين اشهر تمرينين للبطات, الكرسي والواقف.
عند بند الركبتين على جهاز الكرسي يكون الوزن والثقل موزع بالتساوي على العضليتين الداخلية والخارجية, حينما على الجهاز الواقف يكون اغلب تأثير التمرين على العضلة الداخلية.
فالأفضل عند استخدام الكرسي( seated calve raises) تكون العدات عالية.
في الختام: لن تضطر الى تمرين البطات مرتين في الاسبوع لتكبيرها أو الإحساس بالإحباط لعدم نموها, من تجربة شخصية
الموضوع تحت إشراف المنتدى
أخوكم/ أبوجـــوزيـــف
