من وين اشتري اكل صحي و يشبع

[nocry]

معلومات المتقدم بالاستفسار :
العمر : 28 , الجنس : ذكر

الطول :181 متر
الوزن : 85 كيلوجرام

نسبة الدهون : 20%

و الاستفسار كالتالي :
سلام عليكم

1 - انا توني راد النادي و ابي اكل اكل صحي بس ماني عارف من وين اشتريه و شنو الوجبات الرئيسية و شنو اكل فيها قاعد افكر اشترك في هيلث كومباني .

2 - كما انتم شايفين نسبة الدهون فيني عالية ، و ماني عارف شلون احرقها ـ اذا قللت اكل راح اجوع و انا وراي نادي و اوزان لازم اكون شبعان و متغذي

وجباتي حاليا
الصبح كورنفلكس وحليب بعده موزه
بعدين حب شمسي ههه

و الظهر يا غذا اكل شوي او اطلب باستا او دجاج شواية

و بعد النادي سب واي او جريت ستيك وجبة

[Buflan]

انت في الكويت عندكم مطعم ايت سمارت, كل ابطال الكويت يتعاملون معاه

[مشاري الرياض]

عليكم السلام

عندك بياض البيض / مرتديلا / فول سوداني / تست اسمر / مشويات / صب واي /

لازم تاكل علشان النادي

ابعد عن اي شي فيه دهون او قلله على الاقل .....

شوف بالمواضيع المميزه برامج غذائيه ممتازه ممكن تطلع عليه

موفق

[Musaad 87]

أبعد عن الدهون أو حاول تقليل منها ..
عندك مصادر البروتين الدجاج اللحوم الاسماك الاجبان ومشتاقاته
خذلك فره علي المواضيع المميزه رح تستفيد كثير وتوفر حق أشتراكك في مطعم
موفق ..

[nocry]

تسلمون يا اخواني
راح اخذ فره بالمواضيع المميزة
و راح امر ايت سمارت

[Leaner]

ايت سمارت + هيلث ستوب + لايت اوبشنز + صبواي + نايف (تكا صدور) + لو فات = كل هالمطاعم الصحية تلقاهم بالجابرية

[nocry]

ايت سمارت + هيلث ستوب + لايت اوبشنز + صبواي + نايف (تكا صدور) + لو فات = كل هالمطاعم الصحية تلقاهم بالجابرية

تسلم اخوي ماتقصر
ايت سمارت دورته مالقيته
بتصل عليهم و بشوف وين مكانهم بالظبط

و مفكر اشترك فيه بس مادري هل يشبع ولا شغلهم بس حق رجيم