استفسار

[Top sniper]

السلام عليكم ورحمة الله وبركاته
عندي استفسار بخصوص كمال الاجسام
والهرمون
انا عمري 29
ومارس كمال الاجسام من فتره طويله
وتقريبا دخلت من 5 الي 7 كورسات
التغيير يكون فالجسم جدا بسيط
وللاسف كل مره اسمع كلام من مدرب
مره جيناتك مره جسمك مايستقبل مره لازم نزيد الكميات
ف سؤالي هل يوجد اجسام لا تستقبل الهرمونات
واذا لا حبيت اعرف شو سبب عدم التغيير
وللعلم في شباب داخلين نفس الكورس معاي وماشاءالله في اختلاف كبير في اجسامهم
وشكرا

[divs]

وعليكم السلام

ماهو وزنك طولك ونسبة الدهون قبل وبعد الكورسات

وماهي المواد اللي استخدمتها؟ وخبرتك؟ وهل استخدمت كورسات علاجيه؟ وتغذيتك خلال الكورس وجدولك نزل تفاصيل عشان نقدر نفيدك

[Top sniper]

هلا اخوي
بخصوص كورسات العلاجه ستخدمت
برجنيل 5000
والمواد الي ستخدمتها في اخر كورس تضخيم 4 اسابيع
16:ديكا الماني
16:ستتانون الماني ميداتيك
20:ايكيبويز بشري
36:دروبلين هندي
20 اكسمثلون تركي
قبل الكورس كان وزني 84
وحاليا وزني 87 وطولي 182 وباقي لي اسبوع للكورس بعد
الجدول الغذائي
فطور: 3بياض البيض + طمام +جبن+ 6ثمرات
بعد ساعه قشطه+ عسل + كوب حليب خالي الدسم
بعد ساعه بروتين سانتاسيكس +موز
الغدى عيش وكباب او سمج او صدر دجاج
بعد ساعه بروتين
بعد التمرين عيش وكباب
العشى. باستا او ستيك لحم مع بطاط
وعند الجوع سلطة فواكه + مفن كييك

[divs]

كورساتك العلاجيه استخدمت بريجينايل فقط ولا معاه مواد؟

كورسك الهرموني مدته ٤ اسابيع بس؟

وكيف تستخدم ديكا الماني ودروبلين هندي؟ لان الدروبلين هو اساسا ديكا؟ يعني تستخدم نوعين ديكا بكورس واحد!!؟

كم جرعاتك؟
ونسبة دهونك وكم عمرك

[Top sniper]

عمري 29
الكورس العلاجي بس بروجنيل
نعم استخدم نوعين هالجدول من الكابتن الي عندنا فالصاله
بخصوص نسبة الدهون ماعرف كم بالضبط والله بس باجر ان شاءالله بسوي الفحص الوزن وكميه الفات والعضل

[divs]

ياخي اللي قاعد تسويه كله غلط .. ونصيحتي لك وقف كورسك حالا وابدا بعمل تحليل وشوف مستويات التستسترون بجسمك لهذه الاسباب

١. انت حسب كلامك ماخذ ٥ او ٧ كورسات واللي تعرفه فقط البريجينايل .. وين النولفا والكلوميد اللي يعتبرون اهم من البريجينايل نفسه لارجاع هرمون التست الطبيعي بالجسم.
٢. اربع اسابيع لكورس هرموني ضياع وقت + جهد + مال .. بعض موادك الهرمونيه اللي ذكرتها اقل شي تحتاج ١٠ اسابيع
٣. تستخدم مادتين من الدكا واتمنى ماتكون جرعاتك اللي خذيتها عاليه على اساس ان الدروبلين يختلف عن الدكا لان هم نفس الشي الاختلاف فقط بالاسماء
٤. لاتسمع كلام الكباتن في الصالات معلوماتهم دايما تكون غلط او ناقصه واكثرهم هدفهم البيع والربح فقط

[Top sniper]

انا قالولي سوو فحوصات هرمون بس ماعرفت اي هرمون ولا اسم الفحص بالضبط لان شي وايد هرمونات

[Top sniper]

بخصوص الكميات
عندي ضربه فالباي تكون 3 ب 3 ملي
ونفس ماقلت بعض الكباتن ماخذينها تجاره ودخل ثاني الهم

[divs]

في موضوع للعضو رحال الجنوب عن التحاليل اللازمه في المنتدى العام اقراها وبالذات المجموعه الرابعه للتستسترون والمجموعه السادسه عن الكولسترول

وموضوع الخبير نجر العتيبي عن الهرمونات

وموضوعي عن الكورس العلاجي .. واقرا تجارب الاعضاء عن الهرمونات

ولا تعتمد على كلام المدربين في الصالات

[Top sniper]

تسلم اخوي ماقصرت
وجزاك الله خير
على التواصل والمعلومات المفيده