واو تخسر 1.3 مليون لاعب خلال الربع الثاني من 2013

[wow4ever]

السلام عليكم

خسرت لعبة واو 1.3 مليون لاعب بعد مرور شهرين على باتش 5.2 و اصبح عدد الاعبين الآن 8.3 مليون لاعب بعد ان كانوا اكثر من 12 مليون لاعب في wotlk

و تعزو بليزرد سبب خسارتها لهذا العدد إلى تزايد العاب ال F2P و خاصة في المناطق الشرقية في الصين و كوريا

ما أقول غير حسبي الله و نعم الوكيل على المطورين اللي دمروا اللعبة من نزل cata

المصدر : http://www.mmo-champion.com/content/...on-Subscribers

[Karazhan]

اي والله دمروا اللعبه بليزرد

صح لسانك

[oO1Oo]

اغلب الشركات بدات تسوق العابها بالمجان وبالعض يستغرب طيب كيف تربح هالشركات اذا كانت العابها بالمجان ؟ الادوات والملابس اللي باللعبة بفلوس حقيقية حتى الذهب اللي باللعبة بامكانك تشتريه بفلوس حقيقية تبا 1000 جولد ادفع 10 دولار تشتريهم من الشركة اللي انتجت اللعبة وارباح الشركة من هالاسلوب اكثر من الاشتراك الشهري واغلب الشركات تفضل ( اللعبة بالمجان والادوات والجولد بفلوس ).... فالاسلوب اختلف .... فالماضي اشتراك شهري ولكن الحين اللعبة بالكامل بالمجان ... واذا شركة بليزارد استمرت على الاشتراك الشهري بتخسر زباين اكثر واكثر

[Karazhan]

اهو الاشتراك الشهري عند بليزرد مو واجد , يمكن 5 دنانير بالشهر , اعتبر نفسك معبي رصيد فيهم

او دق عليك رفيجك مسوي صوته بنت وقالك ابي كرت وانت دزيتله

يعني الاشتراك الشهري مقدور عليه لكن داخل اللعبه المشكله . كل اسبوع ادخل رايد عشان احصل جير محترم , ادخل واطلع بدون اي فايده

يعني في امور بصراحه داخل اللعبه تفشل و خربت اللعبه لكن ماراح اقول شنو اخاف يطلعلي بوحا يقول انت تحرض الناس يتركون اللعبه وتسوي دعايه لألعاب ثانيه وبعدين يكلم ربعه المشرفين ويوقفوني

مو ناقص مشاكل

[wow4ever]

الاشتراك الشهري مو مشكلة لكن اللعبة تغيرت تقريبا 90% و بس اللي بقى منها مجرد شكليات عن واو قبل

يعني واو كانت معروفة بأنها عالم كبير جدا و مليء بالصعوبات و المغامرات و الوحوش و ما إلى ذلك بس الحين يمكن مستحيل تموت الا اذا تجمعوا عليك 5 وحوش و يمكن ما تموت بعد ... انا بالوارلوك اذبح 5 وحوش بدون أي مشكلة

ثاني شي الإحساس المميز اللي كان موجود فواو اختفى ... الحين بال flying mount تقدر توصل لأي مكان بسرعة و بدون ما تواجه اي شي و بسبب ها الشي ال world pvp تم القضاء عليه نهائيا

قبل كان فيه قيمة للمهارة في اللعب و الحين بس افتح كل ال Cds و اضرب اي شي و كل كلاس صار عنده على الأقل 4 cc

و من اهم الأسباب اللي دمرت واو ال LFR و LFD و بسببهم ما صار في اي community

اللعبة تغيرت كثيرا و ما بقى فيها غير مجرد اجزاء من واو القديمة و حتى العالم القديم تغير

فيه الكثير من الأسباب اللي أدت إلى دمار واو و راح تأخذ من الوقت الشي الكثير لذكرها مثل البوت , ال dailies , و لسهولة في التلفيل وبشكل عام السهولة في اللعبة

كم اشتقت لواو القديمة


صدق اللي قال :
tell them only that the lich king is dead , and that World of Warcraft died with him

[gevil]

انا بنظري ما زالت اللعبة افضل من القديمة
لكن المفروض يخلوها الحين مجانية
AION كانت بفلوس لكن الحين مجانية
RAIDERS كانت بفلوس لكن الحين مجانية
TERA كانت بفلوس لكن الحين مجانية
يا ريت واو تكون مجانية قبل نهاية السنة

[Karazhan]

انا شخصيا قبل اول مانزل lich king قلت حلو وان شاء الله انه ينظم معانا بعدين وتتغير طريقه سير اللعبه

لكن لما اعلنوا ان ارثس راح يصير في رايد والناس تذبحه زعلت وكتبت للشركه بمساعده احد الاصدقاء ان هذا شي غلط ولما طلع في ايس كراون من كثر السب والشتم اللي قلته قالولي الشباب ترى راح يعطونك باند

شلون ارثس يموت ؟ هذا زعيم وناس واجد تحبه وتبي تكون معاه , لو يخلونه يصير فاكشن بروحه او ينضم مع الهورد والالاينس مثل الديث نايت كان افضل

تفاجئت لما شفت شريحه كبيره من الناس مثلي ولا يبون ارثس يموت باللعبه بالطريقه المخزيه هذي , رجل قتل 80% من قاده و رؤساء اللعبه يموت جذي ؟ مع انها لعبه يعني حطوا شي غير هالكلام , يموت موته طبيعيه و يمسك مكانه شخص ثاني ماعنده نفس قوه ارثس و هذا يصير عليه رايد

ارثس مو مستواه هذا

لكن مثل ماقلت واقول بدأت اللعبه من لفل 85 لما راحوا الناس للماضي و قتلوا ديث ونق مع انهم كان رتبوا الامر طبيعي و ان ماكو احد ميت والقصه تمشي باللعبه مضبوط . لكن قالولك كلهم ميتين بس انت ترجع للماضي تقتلهم . صج انها لعبه وكل شي يصير فيها لكن حطوا قصه مقنعه عالاقل

بعد ماتذبح ديث ونق يطلعون ممالك جديده بعد موت ديث ونق . وكل مملكه تبي تحكم العالم , ديث ونق اقوى شخصيه باللعبه . لا ارثس ولا كل رؤساء اللعبه يقدرون يذبحونه . لكن بعد موته وتشتت اولاده طلعوا الممالك . ارثس راح نورثرند بعد ان قتل اغلب الزعماء , ايليدن راح اوت لاند مع مجموعته

الهورد والالاينس قعدوا في ازيروث , مع اولاد ديث وينق اللي حتى حطوهم في اماكن وقالوا lair يعني مخبأ , مختبئين عن العالم , طبعا باللعبه الكل يعرف اماكنهم لكن يعني بالواقع ان مخابئهم كانت غير معروفه

و الاخير old god , واحد ميت ذابحه هلزكريم وطايح على شواطئ دارك شور اللي صوب مدينه النايت الف والثاني في aq والثالث في ulduar والرابع MC اللي اهو راجناروس رفيج ديث ونق

كلهم مختبئين من الهورد والالاينس الا الزعماء اللي كانوا مع الهورد والالاينس مثل ارثس و ايليدن

لما مات ديث ونق اللي كان من الold god وكان الاقوى بدون منافس , خافوا الold god الثانيين وقالوا هذا اقوى واحد فينا وانفرك ومات شر ميته شلون احنا المساكين . زوجه ديث ونق الوحيده اللي عاشت ومحد تعرض لها في netherwing

لكن عيال ديث ونق قاموا يقتلونهم الناس قتل في مخابئهم , رحوا بعدين الهورد والالاينس اجتمعوا مع الخائن الجبان الجربوع تيريون عشان يذبحون ارثس اللي قتل زعمائهم المزيفين وفعلا صاروا مع بعض معاهم داريون زعيم الديث ونق اللي كان مع ارثس لكن تغير العميل الجبان وراح مع تيريون ضد ارثس

ولما قتلوه الخونه كل واحد عاش بروحه و صار محايد مع الهورد والالاينس , لا ضد هذا ولا هذا

ولما شافوا انهم قتلوا ارثس ارسل عليهم سارجيراس جيشه اللي هم بورننق ليق بقياده كيل جايدن و ارتشموند عشان يغزون ازيروث بعد ماشافوا الهورد والالاينس يتقاتلون فيما بينهم قالوا فرصه ندخل بينهم و نقتلهم بما اننا الاقوى والاكثر عدد

لكن جاهم ميدف صاحب كرزان وقال حق ثرال و الاينس عن الشي وانهم يتحدون ضد الاجتياح هذا لأنه راح يقضي عليهم جميعا , دخل كيل جايدن و ارتشموند و برنس و معاهم الجيش لكن مو اغلب الجيش , و الهورد والالاينس قدروا يسكرون البورتال اللي في دنجن دارك بورتال مع ميدف اللي قدر يسكرها بمساعدتهم

لكن بعد ان دخلوا ربع الجيش مع القاده , كيل جايدن راح شمال صوب صن ول مدينه البلاد الف الاصليه و ارتشموند راح هايجل مدينه النايت الف الاصليه درانسوس اللي فيها شجره الحياه واللي الان موجوده في باتش الكاتا و البرنس راح كرزان

اغلب الجيش متواجد في اوتلاند مع بعض القاده , ابلشلوا اهل الاوتلاند وازيروث الى ان قتلوهم جميعا الهورد والالاينس

وهذا لفل 70 معكوس

لفل 60 معكوس ولما الهورد والاينس قتلوا وتخلصوا من كل شي يشكل خطر عليهم قالوا نستفرد الحين بالold god ربع ديث ونق وعيالهم

وراحوا مخابئهم بعد ان كشفوهم وصاروا يقتلون فيهم ليل نهار ويستبيحون دماء الابرياء مع ان عياله مالهم اي علاقه بالاحداث اللي صارت , اللهم بس ابوهم لما شاف انه اقوى واحد قال انا الزعيم لكل العالم وانا الكل بالكل هني

زعلوا عليه وقتلوه , عياله مالهم اي علاقه

---

هذي الاحداث الصحيحه لكن بليزرد تعمدت تقلب الاحداث عشان كل مايصير شي يقدرون يرقعونه , مثل الحين لفل 60 كانوا عيال ديث ونق موجودين , وبلفل 80 رجعوهم مره ثانيه , عشان بس يمدون بعمر اللعبه

ديث ونق قام يطلع علينا قبل يفتح الرايد ماله , كان يفتر بأزيروث وتشوفه شوف العين و ينفث النار على المكان كله يقتل الناس جميعا اذا تذكرون الشي هذا

طيب ديث ونق ميت من 20 الف سنه , و لما فتح الرايد لازم ترجع بالزمن عشان تذبحه , شلون طلع الحين بزمننا هذا وقام يفتر بأزيروث ؟

هذي كلها نسميها حشو , يقعدون يماطلون بالاحداث عشان بس يخلون اللعبه اكثر من 10 سنين

لكن الناس ملوا من هالشي , في ناس اعرفهم تركوا اللعبه قبل ينزل لفل 80 و ناس بعد مانزل تركوها بعد تجربه الاكسبانشن

والحين بعد الباندا اغلب مدمنين اللعبه اللي كانوا من لفل 60 موجودين تركوها او صاروا يدخلون بالشهر مره او نفسي 24 ساعه بوت

تخبط بليزرد بالاحداث و السباحه عكس التيار دمرت اللعبه , كان احلى لعبه ايام لفل 70 , كنت تدخل الباتل جراند وقليل تحصل ناس فل ابك و تجيب كرتيكال 7 الاف تقتل اللي امامك بضربه وحده . الحين الهيلث 400 الف والدمج 5 الاف , حتى من كثر الملل تستحون من بعض وتمشوف تشوفون ناس اقل جير

بليزرد خبرتها صراحه والعتب عليها مو على غيرها , اهي اللي تتحمل الاخطاء اللي حصلت يوم طردت مصممين اللعبه الاوائل و جابت ناس فتحوا اللعبه عالاخر

الله يرحم ايام لفل 60 وبدايه لفل 70 اللي ما نشوف احد لابس ابك الا بعد معاناه , كان العموم لابس جير ازرق , وماكان في شي اصلا اسمه ريسايلنس , ابك او مو ابك , جير بي في بي او دنجن , الكل نفس الشي والدمج نفسه

يلا انا اخليكم الحين عشان مااعور روسكم , انا كل مااذكر الماضي تنزل دمعتي , خصوصا اذا رحت ashenvale وسمعت الموسيقى مالتها احزن حزن شديد لأنها تذكرني بالماضي


باي

[wow4ever]

للأسف بليزرد ما طردت المصصمين الأصليين لواو بل نقلتهم بعد انتهاء جزء tbc للعمل على مشروع titan

يعني ليش تشتغلون على لعبة ثانية بما أن لعبة واو كانت من انجح الالعاب .... لو كملوا عليها كانت راح تكون احسن بكثير عن الوضع المزري اللي واو تعانيه الحين

من مسك ghostcrawler الإدارة اللعبة اختربت

انا عن نفسي اهتم أكثر شي بقصة واو و ما كان ودي يقتل أرثس على يد ابطال ازيروث لأنه نصيب كبير من قصة واو يرجع لأرثاس

و بصراحة انا بدأت في بداية wotlk و تقريبا معظم اللعيبة القدامى يقولون ان tbc كان احسن جزء

[wow4ever]

انا بنظري ما زالت اللعبة افضل من القديمة
لكن المفروض يخلوها الحين مجانية
AION كانت بفلوس لكن الحين مجانية
RAIDERS كانت بفلوس لكن الحين مجانية
TERA كانت بفلوس لكن الحين مجانية
يا ريت واو تكون مجانية قبل نهاية السنة

واو فقدت اساسها

حتى لو صارت واو مجانية ما في فايدة لأن واو حاليا تموت اذا استمرت على هذا المنوال

اذا صارت واو مجانية هذا يدل على ان واو انتهت و بليزرد لا تريد اظهار هذا الشي لمنافسيها

اساسا بليزرد قالت ان المشروع الجديد titan مو مسوينه عشان يقضي على واو بل عشان يكون منافس لواو و بهاي الطريقة واو لن تكون مجانية ابدا

[Karazhan]

انا معاهم ومن زمان اقول ان BC افضل نسخه نزلت للعبه , انا كوني لعبت كل اجزاء اللعبه اقولك ان ايام لفل 70 كان الافضل على الاطلاق

يكفي ان كان كل شي معقول , ماكنا ندري ان ارثس راح يموت ولا ندري ان في باندا ولا ندري عن كثير من الامور اللي تضيق الخلق

لفل 70 كان معقول وكل شي واقعي و ماشي حسب الاصول , لما تدخل pvp كنت تحسن بثمره مجهودك وانت تبحث عن gear من هنا وهناك عشان تدخل الباتل جراند ب gear full epic و تشوف لما يمرون عليك ناس جيرهم اخضر او ازرق او نص ونص

و من ضربه وحده خصوصا لما كنت العب بالفاير ميج , كان الكره الناريه الكبيره نسيت اسمها , كان الكاست مالها 3 ثواني ولكن في بالتالنت الاركن يخلي الكاست بدون وقت و كنت اضربهم مع ماكرو للترنكات وحركات ثانيه بالتالنت تقوي الدمج , كنت اذبحه بضربه وحده ان كانت كريتيكال

كنا نحس بطعم الجير والدمج

الحين ربع ساعه تتهاوش وبالنهايه يجي هيلر يعطيه من هيلر و كأنك ماسويت شي

كان الرايد معقول , لما تدخل رايد تعرف شنو المطلوب عليك , لا في اشيفمنت ولا خرابيط , تدخل مره بس تعرف كل شي , تطلع تضبط الناس وتقولهم التكتيك , من طلع الاشيفمنت بلفل 80 يمكن ماكو احد قام يروح رايد الا اللي عندهم اشيفمنت , كثير من الناس ما راحوا رايدات بسبب انهم بروحهم يلعبون اللعبه وماعندهم جيلد

او مايعرفون انجليزي , عاد لا يجيك واحد يحطلك شروط بعد , لازم عمرك 21 ولازم تدخل بالاسبوع 4 مرات ولازم ماكروات ولازم مايك ولازم وظيفه

زين مايقول دز صوره بطاقتك او جوازك , بالاخير يقولك احنا نبحث عن لاعبين عرب

ايام كرزان و جرول و ميجذريدون وبلاك تمبل و ذ اي و اس اس سي كانوا رايدات حلوه ما تمل منهم , ويكتبون بالشات مطلوب هيلر او دي بي اس او تانك , وياخذون الكل , ماكو تصويت طرد ولا اكو اشيفمنت

لاعبين لفل 70 كلهم صاروا خبره بالرايدات بسبب انهم يروحون دايم , الحين تقعد بروحك بالشات تبحث عن رايد ماتحصل , في ناس تروح لكن يدرون انك ماراح تاخذهم بسبب الاشيفمنت , ويمكن انت ماعندك اشيفمنت لكن تبي تشوف الرايد عالاقل

صاروا اللاعبين بعد الاشيفمنت كلهم جهله بالرايدات و رؤساء اللعبه , شنو الفايده منها ؟

كلنا مانعرف الى ان تعلمنا , وبفضل لفل 70 و الدعوات كانت للكل , اكتسبوا الشباب خبره , في ناس يطلبون منك جير , مثلا يقولك لازم فل ابك عشان ادزلك دعوه , ناس يقولون عالاقل تكون تملك قطعه من الرايد اللي نبي نروحله , عاد شوف انت عندك حزام او سلاح او اي قطعه

الحين بليزرد لما شافت الناس تشتكي من هالشي بعد ماطلع الاشيفمنت وبعد ما شافت ان كثير جدا من الناس ماتروح رايدات بسبب هالعيب حطوا LFR ترى هذا والله نعمه للناس البسيطه

يقولك انا ابي ادش رايد , خلو الهيروك واللي تحته للناس اللعيبه لكن انا لاعب و لي حق اني ادش رايد واستانس حالي حال الناس

لفل 70 كان التانك نفس الحين اللهم قبل كان لازم الدفنس عندك اعتقد 390 , كان الكاب 375 لكل اللاعبين , لكن التانك لازم يرفعه اكثر يصير 290 عشان مايجي عليه كريتيكال من البوسات , الحين من التالنت تسويه

الحين بعد شالوا سالفه الدفنس من اللعبه

الهيلر كان ممتاز , المانا تزيدها بالانتلكت و الجير كان في شي اسمه mana per sec كان 5 و 10 يمكن وصل بالقطع غير بف البالادن اللي يعطي على مااذكر 35 مانا

كنت ادخل كرزان على ايامها و كانت شخصيتي بالادن هيلر , كنت امسك الرايد كله بروحي وبالفلاش هيل بس , كان الفلاش هيل ياخذ 150 مانا ويعطي 1500 هيل وكريتيكال 3000 ويوصل 4000 اذا ضبطت الجير

كان التانك هيلثه مايوصل 20 الف و اقل بعد يمكن 15 الف , فتخيل انت الوضع , وفلاش هيل الكاست 1.5 بس

كانت متعه مابعدها متعه , تحسسك انك انسان مهم

من بعد ما غيروا الرستو درود و غيروا بالهيل ماله والشجره غيرها وانا كرهت الدرود وماقمت اصير هيلر فيها

ترى الشخصيات كانوا 100% الى ان نزل لج كنغ و استمرت الشخصيات على حالها لكن بعدين غيروا كل شي فيها واعفسوهم وصاروا كل باتش يخلون شخصيه اقوى من شخصيه


يلا ما اعطلكم بعد

باي

[gevil]

انا من جهة رايي انوا اساس مصايب واو هو MISTS OF PANDRAIA
لانها ما عجبتني كثير وما اشوفها حماس زي LICH KING وBURNING CRUSADE اوCATACLYSM
وكمان
وش هو titan
لا يكون الجزء السادس من اللعبة؟

[excaliburwow]

اللعبه مو حلوه زي tbc يعني انا اعتزلت العالمي والان العب سيرفر tbc

رباط السيرفر:excalibur-wow.com

[gevil]

لو لقيت جزء ل lich king بكون شاكر لك بس طبعا خاص

[excaliburwow]

فيه سيرفر lich king الخبره او الاكس بي x10


الرابط http://ironwow.com/

[gevil]

وين زر التحميل؟
وكمان هذا WOTLK مو LICH KING